مشكلتي صارلها 11 سنه وولحين ماكو حل

[روج وردي]

الله يسخره لج ويهديه ويرجع لج مثل قبل
تعبونا هالرياييل الوحده ماترتاح لا عند اهل ولاعند ريل

 

[دلوعة صلوح]

والله مادرى شقولج بس بقب 11 سنة تبينة تغير بسرعة احسها صعبة

الله يهدى لج يارب العالمين.

 

[سموى88]

حبيبتي ليش شايله عنه كل شي من اول وثاني سنه تنعرف هالنوعيه من الريايل انه مايبي يتحمل مسؤولية شي فالخطأ منج انج شايله عنه كل شي خليه يتحمل شي على الاقل اغراض الجمعية اودي اليهال مشاكل الخدم اي شي مستلزمات البيت اي شي خربان او طايح اهو يسنعه انا الي فهمته و حاسه فيه ان ريلج مو مرتبط فيكم كعايله لانه من البداية انتي من تصرفتج حطيتي خط وقلتيله حبيبي انا اشيل عنك كل هموم البيت انت بس ارتاح وهذا الي اهو سواه ما سوى شي خطأ اشلون اتحلين المشكلة انا اقولج خليج دلوعه انثى اهتمي بنفسج اول بعدين البيت روحي صالونات وخليه يعرف انج بالصالون هذا مثال طبعا لا تحاتين اليهال وايد جدامة سوي روحج ان طاف وانج من جم يوم متغيره وكل مالج خلق شي تسدحي لا تلوين مع اليهال اذا كان موجود بختصار خليه يحس ان وجوده بالبيت صار واجب وانه الي كان معتمد عليها اعتماد كلي تغيرت او بالاحرى اتعبت فلازم اهو يبادر وساعد واذا عيالج يتكلمون وكبار خليهم اهم يدقون عليه وقولون طلباتهم مو كل شي ابويهج...........................الله يوفقج

 

[جديده 1]

شوفي .. موضوع الكلام الحلو و الخ ترى هذا اهو الكويتي دفش .. قليل يسوون هالحركات و لا نصهم عشان يفتكون من حريمهم .. اما انج شايله البيت و مريحته من كل مسؤليه هذي غلطتج لانه اعتمد عليج بكل شي رجعي شاركيه بالمسؤليات .. سالفه التشمخ صارحيه و لاترقعين له .. اياني و اياج يفهم ان هالشي عادي ولا باجر بييبها لفراشج

 

[دلوعة ابوها2]

حبيبااااااتي مشكوري ن على التعليقات اللي وصلتني وكلها مشجعه بصراحه.
بس حبيت اوضحلكم نقطه وهي اني ماكنت ساكته كل عالسنوات بالعكس كنت احاول بكل الطرق اني اغيره لغاية ماوصلت مرحله اني خلااااص انفجرت وقلتله اني ماعدت احبك.
وحتى سالفه المسؤاليه انا حاولت وااايد انه يشيل معاي بس ماكو فايده اللي يخترب يضل خربان.
واللي يقصر البيت يضل قاصر, وصلت مرحله خليت ابوي الله يطول بعمره اييبلي اغراض الفرضه قلت يمكن يحس ولا اكو فايده عمكم اصمخ.
الله يعين قلبي انا وايد حاره ورومانسيه واعطيه من كل قلبي وروحي ومومخليه عليه قاصر بشي وبالعكس لمن اقعد معاه واساله انا بشنو مقصره عشان اعدل من نفسي يقول انتي مو مخليه شي, كل اللي ننخيلونه انا سويته انا بديت ,
ناس وايد تموووووت على اسلوبي بالكلام وطريقتي ودلعي بس اهو نوووو ما احس ان لي تأثير عليه,
بمووووت من القهر والتعب النفسي والله

 

[shak!shoka]

شكلج حيل معتمده ع نفسج و شايله البيت ع راسج
لا

وهقيه ع يوم
طلبي منه طلبات البيت خلي العيال يروحون عنده
يغثونه تلفونات
وانتي لا تقصرين عيشي جو انج ياااهل

يمكن اهو فاقد هالشي
جربي مو خسرانه ضاعت 11 سنه
شهر او شهرين ما يفرقون


الله يصبرج و يعوضج ياااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

 

[رقـة الاحسـآس]

قلبي عورني
الله يسخره لج يارب

 

[برنسس كاتي]

مدري والله شقولج انا تقريبا اعاني من نفس مشكلتج
بس يقولون الشي الي ينعطا بعد ما تطلبينه ما رح يكون له طعم ..
وواضح بالنسبة له انتي زوجة وقايمة ببيته وعياله بس
اما حب وشريكة حياة شكله في وحده قايمة بهذا الشي
اهتمي بنفسج وبعدي عنه وبعض من مسؤولياتج عليه اهو يساويها
ولما تطنشينه وتهتمين بنفسج ووناستج هو الي بيجيج ..

 

[غرام القمة]

الله يهدييييييييييييي

 

[Kensington]

ماخليتي له مكان بحياتك
كل شي قايمه فيه
ماصار له دور
المفروض تعودينه يشيل مسوليه
مومسويه انتي المره والرجال
ارجعي اهتمي بنفسك وفيه
ولاتنكدين علي عمرك
خليه يي لمسوليه العيال

 

[فركيته]

تقهرووني لما اتقولون انا اشيل مسوولية البيت كله
مو هذا الي خلااه ما يحس لا بزوجه و لا بعيال
نصيحه ابدي حيااتج جنج متزوجه من يديد
لو فضا شي من البيت لا تشترين نطري لما اهو يشتري
و لو يخترب شي من البيت لاتصلحينه اهو الي يصلحه
خل يحس بالمسووليه اشوي

صااااااااجه:eh_s(15):

 

[BMT116]

حاولي تتقربي منه

 

[دلوعة ابوها2]

حبايبي والله ماقصرتو فعلا انا عودته اني اشيل كل شي عنه وهذا غلطي من البدايه .
بس انا لمن سويت جذي باعتقادي اني بكسبه وجذي بكون الزوجه اللي يطلبها ويتمناها كل ريال , لاني مو مقصره لافبيت ولا عيال ولا بشكلي وجسمي ولا من الناحيه اللي خبري خبركم يعني معيشته بعز غيره يحلم فيه والله.
وبصدمكم وبقولكم سالفه توها فررررررش , في شخص مراقب حياتي وتصرفاتي مع زوجي وعيالي وشلون انا اعامل زوجي وشلون اهو يرد المعامله ,,, تصدقون هالشخص قالي بعرض على زوجج 30 الف عشان يهدج وانا اخذج والسبب انه شايف طبعي واسلوبي وحييييييييل يبيني .

 

[ابي ارجع عزابية]

الله يعينك