بسم الله الرحمن الرحيم
انا ببدي بمشكلتي على طول من غير مقدمات وابي منكم راي وحل للي تقدر .
انا صارلي 11 سنه متزوجه والحمد لله الله رزقني بعيال . عندي البنت والولد وريلي ولله الحمد خوووش ريال ماعنده سوالف مثل ما اسمع من الحريم من كلام مصخ او سب او صراخ
وبالعكس مخليني على راحتي اطلع وين ما ابي ووقت ما ابي .
بس بصراحه مشكلته انه ما يتكلم لا بزين ولا بشين . يعني ما يبطل شفه عن شفه
حاولت معاه ان يتكلم . حاولت بالتلميح , حاولت بالطلب اشكره يعني وصلت مرحله اني اقوله ابيك تلمني جذي وتقولي جذي وتسوي جذي وبالنهايه يقولي مو الحين مو وقته
احس اني اطر منه وجان زين احصل اللي ابيه . تعبت منه والله ابي اسمع كلام ابي احس انه يحبني بس ماكو فايده.
انا شايله مسؤليه البيت والعيال والمصرف وكل شي
يعني مريحته من كل ناحيه . ماعنده هم غير الدوام والديوانيه وشويخ والقهوه .
مايدري عن بيت ولا عيال ولا عني انا.
قمت اطلع بروحي مطاعم بروحي اروح كافيهات اقعد اتغدا او اتعشا , تصدقون ان من شهر 3 سنه2011 يعني من بداية السنه طلع معاي رحنا مطعم وبعدها ما طلعنا ,ما انكر طلعنا مع العيال مره او مرتين , بس طلعه زوج مع زوجته ماكو .
وصلت مرحله اني قمت ما احس فيه , ما احس اني احبه او اني اشتاقله,
مره قلتله انا مشتاقتلك رد علي : اييي والله مسكينه صارلج سنه مو شايفتني , طبعا يقولها باستهزاء وحسين اني بنص هدومي ودي الارض تنشق وتبلعني وتمنيت لو مقصوص لساني قبل لا اقول هالكلمه.
اول كنت اشوف عليه أثار تشمخ على ظهره واعتقد فهمتو شنو معناتها , كنت اقوله شنو هذا ؟؟؟
وتصدقون اني كنت ارقعله واقوله حبيبي يمكن انت شامخك الباب وانت مو حاس.
كنت احسسنه اني واثقه فيه وبيني وبين نفسي اقعد ابجي ,
واهو يسمعني ويدري اني زعلانه ولا يكلمني ولا يقول اي شي ولا يحاول انه يبرر موقفه.
تدرون؟؟؟ قبل فتره شفت شمخ على ظهره وسالته وقال مادري من شنو
بس والله والله والله ظليت ابجي طوووول الليل ورحت للدوام وانا مواصله وميته من البجي بس مو لاني شفت هالشي لا والله , كنت ابجي لاني وصلت مرحله اني ما اهتم , يعني ماهمني اني شفت هالشي .
وصلت لمرحله ان احساسي ماااااات ماقمت احس فيه لا بحب ولا غيره ولا شي.
وفتحت معاه الموضوع وقلتله اني وصلت مرحله ما قمت احبك ولا احس باتجاهك باي احساس انت موتت كل حب لك بقلبي .
بنات والله انا ماني عارفه شنو اسوي احس فعلا انا ما قمت احبه قمت اعيش يومي عااادي من غير احساس اروح وارد بروحي .
ابي اسمع كلام حلو ابي اسمع اي شي ابي احس اني نثيه , الكل حاسد ريلي على اسلوبي معاه مدلعته ومو مقصره عليه ولا بشي ادلعه ومسويته يادهينه لا تنكتين بس وين اللي يحس.
... انا رييلي نفس رييلك بطبيعته ساكت.. بس على مييين؟.؟
