بنات عفيه ليش بعضكم يستهين بمسالة السكن؟؟ليش تستغربون اني بوصل الموضوع للطلاق بسبب السكن
ترا الواحد بيعيش مره وحده ومرده للتراب..ليش يضيع عمره بحكره وضيق
اختي (عيش ومرق)ذبحني يقولولي مستحيل تصير مشاكل العيال كبرو وعقلو ويبون اخوانهم واهم يحنون عليه انه يرد للبيت
انا والله بدون اي مبالغة كرهت كرهت كل طابوقه بذاك البيت ما اقدر اغصب نفسي ..حجي وايد قلته له بس يسمع من هالاذن ويطلع من الاذن الثانبة..والمشكله ادري انه قادر يشتري بيت ثاني بس مايبي يخسر اهوا فيه بخل وحرص شديد على فلوسه
هذا اللي قاهرني ..كله يقول انه يحبني وما يستغني عني واذا وصلت على موضوع البيت تغير 180 درجة؟؟ليش؟؟
حبيبتي اسمحيلي لكن اعارضج بالنقطة الي لونها احمر
من متى الانسان سعادته بالقصور والبيوت الكبيرة؟؟
طالعي قصص الانبياء كلهم عاشوا بمعاناة وضيق وحسرة بحياتهم والمفروض نقتدي فيهم .. ووترى الدنيا فانية مو ماخذين منها قصر ولا اي شي والعبرة بالاعمال الصالحة
والحمدالله ريلج انسان محترم وخلوق والله رازقج منه بعيال... وانتي مبين انج انسانة عاقلة وتعرفين شنو معنى طلاق ولقب مطلقة
يعني فيه بنات عايشين بقصور وبيوت واسعة لكن ازواجهم مو زينين معاهم ومعذبينهم ...والزوج الخلوق والمحترم والمخلص صار عملة نادرة
المفروض تصبرين والصبر مفتاح الفرج
او استخدمي ذكائج الانثوي وحاولي تقنعينه تنتقلون لمكان اوسع بس بإسلوب حلو ومن غير حنة وزعل ... واذا عيالج كبار خليهم يحاولون بأبوهم
وادعي بصلاتج ان الله يلين قلبه ويطلعكم ببيت مناسب لكم .. وكثري استغفار بنية هالشي .. وهذا برايي افضل حل
لكن الطلاق شيليه من بالج اختي ويكفي انه ابغض الحلال الى الله وعيالج بيتعبون وتتأثر نفسياتهم
وان شالله تبشرينا قريب انج طلعتي ببيت العمر
وشيلي الطلآق من بآلج 
