مشكلتي بالجماااع ( مشكله كبيره تعبت منها )

[راحيل العبدلي]

بصراحة
اذازوجج
محترم وزين معاج
ولا يعرف بنات
انت ماتستاهلينه
ليش وافقتي تتزوجين
ماتحسينها خيانة
شنو ذنبه
داش الزواج
بكل حسن نيه
وعطاء
وانت مشغولة بغيره بحجة الفراغ !!
انا اقول لا تتهاونين
حسبالج
انت مو غلطانه
وخافي من الحوبة مستقبلا

وياها

وهم مايجوز انج تتخيلين وتتذكرين رجال غير عن زوجج
خلاص تطلقي وخلي هذاك يتزوجج
الله يهديج بس

 

[بـآربيـآ]

بصراحة
اذازوجج
محترم وزين معاج
ولا يعرف بنات
انت ماتستاهلينه
ليش وافقتي تتزوجين
ماتحسينها خيانة
شنو ذنبه
داش الزواج
بكل حسن نيه
وعطاء
وانت مشغولة بغيره بحجة الفراغ !!
انا اقول لا تتهاونين
حسبالج
انت مو غلطانه
وخافي من الحوبة مستقبلا

خياانه ؟؟ على اي اساس خيانه ليش اذا حبيت واحد ومالله كتب نتزوج وافترقنا ماتزوج بعده عشان اذا تزوجت بطلع خاينه ؟؟؟



غطانه حبيبتي وبعدين ترا احنا بشر مو ملائكه عشان امنع نفسي عن التفكير لو كل واحد فينا يقدر يمنع نفسه من التفكير جان ماشفتي مهموم بهالدنياا جان منع نفسه واستانس وانتهى الموضوع لكن هذا جرح بالقلب ومايطيب بسرعه ولما قلت اني في فراغ اقصد ان انااا بالبيت برووحي اهو يكون بدوام او برا وماعندي احد بالبيت اسولف وياه ف طبيعي اكون فاضيه وافكر خو ماني ملاك من السماوكل انسان اذا صار دايم بروحه يفكر كل انسان اذا حصل شي له مايبيه يتضايق واناا ماقوله شي ولا ماذيته عشان تقولين ماتستاهلينه ولا ماستاهله عشان قلبي كان يحب ؟



بتقولين ليش تزوجتي دامج تحبين ليش تظلمينه خليج لين ترتاحين عقب تزوجي اقولج كل شي صار بسرعه وهذا اكبر شي ندمانه عليه اني ماعطيت نفسي وقت اشفي من الم فرقاه عشان استعد لحياه جديده كل شي جا بسرعه وبوقت واحد وهذا اللي تعبني ومشكوره ماقصرتي

 

[بـآربيـآ]

وياها

وهم مايجوز انج تتخيلين وتتذكرين رجال غير عن زوجج
خلاص تطلقي وخلي هذاك يتزوجج
الله يهديج بس

اتطلق وهذاك يتزوجني ؟


حبيت اقولج لوعندي واحد بالميه ان اهلي يوافقون جان ماتزوجت غيره



طلعتوا عن صلب الموضوع شكرا على الردود بنات ماقصرتوا والله في جم وحده كلامها حييييل ريحني الله يريحكم دنيا واخره

 

[أميرة-]

اوكي كنتي مرافجه واحد وأهلج مارضوا فيه هذي مشكلة بس أنج تتزوجين هالمسكين وعقب ماخذتيه وحملتي تقولين مو متقبله شكله ! يعني ماكنتي تدرين أنه متين من قبل ؟

خلاص حبيبتي أنتي مره متزوجه يعني سوالف المراهقين أنسيها تحبينه ماتحبينه خلاص صفحة وانطوت الحين أنتي متزوجه أرضي باللي أخترتيه

اذا جسمه مضايقج أقنعيه يدخل نادي ويتعدل .. والله يسخركم لبعض

 

[™〓 تۈڷيـــטּ~»❀]

عورتي قلبي والله
شوفي حبيبتي
انتي صح غلطتي يوم ماعطيتي نفسج فرصه تنسين الاولي
وانتي احين مقتنعه ان هاي قدر ومكتوب :rerrerek:
خلاص انتي حاولي تغيرينه مثل ماتبين
ودايم ادعي في صلاتج

حتى لو تسمعينه هالدعاء او تقولينه جدامه عادي

اللهم... اغفر ذنوب المؤمنين والمؤمنات واغفر ذنوب زوجي

اللهم... ارزق عبادك الجنة وارزق زوجي الجنة واجعله من أحسن عبادك

اللهم... ارزق زوجي وافتح عليه كل أبواب الرزق واجعل كل الخير في طريقه

اللهم... أبعد كل شر عن زوجي وأبعد كل عدو وحاسد وغيور عن زوجي

اللهم... أطل في عمر زوجي واحفظه لي من كل مرض وكل هم وحزن

اللهم... اجعل زوجي من أخلص عبادك وأبعد عنه الشيطان ومكر الشيطان

اللهم... اجعلني زوجة صالحة له وأما صالحة وامرأة صالحة

اللهم... اجعل قلبى لا ينبض إلا بحب زوجي

اللهم... اجعل عيني لا ترى سوى زوجي

اللهم... اجعلني امراة في خدمة زوجها

اللهم... أبعد عني الشيطان ولا تجعلني أعصي زوجي



اللهم... اجعلني أعيش في الدنيا على حب زوجى


اللهم... إني أشكرك من كل قلبي وقد عجز لساني عن شكرك لأنك جعلت فلان (اسم زوجك ) من نصيبي


إلهي... أشكرك أشكرك أشكرك لأن فلان قسمتي ونصيبي



إلهي... اجعلني لا أرى سوى صورته ولا اسمع سوى صوته ولا ألمس غيره ويموت قلبي عن أي إنسان إلا زوجى

اللهم... اجعلني أهيم وأعشق وأعيش من أجله

اللهم... اجعل أولادي مثل والدهم

اللهم... اجعل أولادي يطيعونك ويطيعون والدهم ولا يغضبونك يا رب


اللهم... أبعد كل شر وهم وفقر وبؤس وأبعد الذنوب عنا واجعلنا من أحسن عبادك


اللهم... استجب دعائي واقضي حوائج زوجي وحاجتي ويسر لي أن أكون زوجة صالحة مطيعة لزوجي

اللهم... اجعلني ممن تحفظ سر زوجها وماله وبيته وأولاده

اللهم... اجعلني امرأة صالحة ومرضية لك ولزوجي

يا رب يا رب يا رب يا رب


وعشان نفسيتج تتغير وتبتدين من اول وجديد مع زوجج
شيلي توقيعج
خلي كل شي يذكرج بعيد عنج :eh_s(7):
يمكن زوجج احسن من حبيبج بـ 1000 مره
وايد ناس ماصار لهم نصيب مع اللي يحبون
بس ربج عطاهم ازواج يحمدون الله عليهم
اكيد ربي بيمسح ع قلبج وبعلقج فيه
جوفي اجابياته لا جوفين سلبياته
ترا الترهل حتى انتي بصيدج بعد الولاده ..

الله يريح قلبج :eh_s(7): ..​

 

[عـيّــآره]

انا ضد المرأه تتحمل الظلم والقهر ولوعت الجبد عشان اسباب اجتماعيه

قلبي يعورني على اي وحده تكتب مشكله مثل هاذي مالها حل جذري

اذا وحده حبت واحد وماتزوجته والسبب اهلها اشلون ماتفكر فيه واذا وحده خدعها انه زين وطلع خاين واذا

وحده تزوجت واحد مثل عليها انه ملتزم وطلع منافق كذاب واذا وحده تزوجت وتبي زوج واب واخ وطلع ااناني

همه يفرخ منها يهال وبس واذا واذا واذا

كل شي عندكم علاجه الصبر اشلون جذي بنات


واذا الصفات اللي كتبتها موجوده بالكل ومافي احد كامل

بقولكم انتو بعد تبون البنات يكونون ملايكه

الميزان مو متكافىء دايما تشوفون الحق مع الريال

الله المستعان يجوز انا غلط وانتو صح
​

 

[Gatwa DaloO3a]

انا مع عياره !!



وحاااااسه فيييييييييييييييييك صراااااااااحه


انتي اللي تعيشينه عذاااب عذاب نفسي .. اول شي لانك ماعطيتي نفسك فرصه تطلعين حبك الاول من عقلك وقلبك ،، على طول تزوجتي ، وهذا غللللللللللللللط ...اصلا تكونين عميا لما يجي احد يخطبك وانتي في صدمه عاطفيه ، تكونين في مرحلة مايهمك فيها شي ومين راح تتزوجين ، بس بعدين لما يطيح الفاس بالراس تستوعبين وتفتح عيونك ، وتقولين ليش انا هنا وليش انا موجوده مع الانسان الغلط ، ،كيف اخترته !!! ......


انتييييي " متقززه " منه !! ... وفيه نفووووور من ناحيتك ، انتي ماتتقبلين يجيك عشان شكله مو عاجبك !! .. و الله يلوم اللي يلومك صراحه !!

يعني اذا واحد ريحت فمه كريهه كيف البنت بتتقبل تبوسه !! ، نفس الشي اذا جسمه كريهه ومافي محبه كيف تقدر تتقبله !!!!

الواحد اذا حب يغض البصر عن امووور كثيره وتصير عيوب اللي نحبه عسل على قلبنا وكأن مانشوفها اصلا !!! ،، بس لما الواحد مايحب ، مايقدر يتقبل !! مافي شي يجبرنا نجامل !! ،،


حبيبتي .. هذا مو معناته انك ماراح تتقبلينه في يوم من الايام ... بالعكس ... انا اختي كانت نفسك بالضبط وتشكيلي معاناتها اول مع زوجها ..بس والله العظيييييييم .... بعدد سنه ونص ،، تغيرت !! صارت تحبه تحبه وماتشوف عيوبه ... لانها عرفت مين اللي يستاهلها ، عرفت انه انسان طيب ........وحتى ماصارت تشوف عيوب جسمه ..

اناااا مثلا ، كنت اكرررره في زوجي تصرفاات !! بالرغم اني متزوجته عن حب ،، بس جد كنت اكره فيه تصرفات تخليني مراااات اكرهه بالفراش !!!! ..... بس بعدين غيرته ،، وصار نفس ما انا ابي ،،، وتغيرت حياااااااتي تمامااااااااا وحتى نفسيتي الحمدلله !!!!!!


انتي متحطمه صدقينييي ........ وماتحسين بالااثااااره ولاااااااا بالاستمتاع ولا شي ،، لان بالك مشغول دايما ،واذا بالك مشغول ماراح تستمتعين ابدا ابدا ابدا ،،،،،،،،،،جربي تمثلين انك داخله جو معاه ، جربي تغمضين وتنسيين شكله وعيوبه ،،، جربي تحسسين نففسك ان الانسان اللي معاك هو الصح ،،،، لييييين ما تحسنين من نفسيتك


اول شي لازم تتقبلينه من داخلك وتشوفين الاشيا الزينه اللي فييييه !!!


اذا جسمه فيه خطوط وترهل وتحسينه مقزز ، حاولي تلمحين ان ودك يتغير !! .... غيري لبسه اذا مو عاجبك ...... عطوره وكل شي .. بس لاتخلين الوضع يصير اسوأ ..


حاااااولي لا تيأسين ...ترا مافي شي مستحييييل ... ومو كل احد اخذ اللي يحبه !! ، حتى اللي ماخذين بعض عن حب مو عايشين حياه ورديه !! ،، لاتفكرين انك ماراح تنصدمين باللي تحبينه !! ،،،، لاتفكرين انك لو تزوجتيه بتبقين سعيده للابد ....

فكري بمستقبلك ،، ولا كان اللي تحبينه اول فيه خير لك كان ربي كتبلك اياه ،،، بس سبحان الله ماراح تعرفين الحكمه الا بعدين ..

وراح تحمدين رببببك على حكمته

 

[بـآربيـآ]

تولين وعياره وقطووه


مادري شقولكم بس جد ششكررا على احساسكم فعلا لما اقرا كلامكم كانه اللي في قلبي طلعتوه وفعلا الدنيا ماتجي على الكيف وقدر الله وماشاء فعل بقرا الدعاء وبستمر عليه واناا على يقين ان ربي بيريحني


الله يوفقكم ويسعدكم دنيياا واخرره

 

[موفاهمة شي]

استغفر الله
انتي الحين متزوجة و على ذمة ريال و حامل
مو زين تقولين احبه و مادري شنو
اسمحو لي استغربت من ردودكم بدال ما تنصحونها
سيأتي الزمان على امتي ........
صدقت يا رسول الله

 

[الله يفرجه]

وربي انا اكثر وحده حاسه فيج وانا اقرا موضوعج

وردودج انزلت دمعتي وربي نفس الشعور ااخ يالقهر

وربي كرهت روحي والناس بس الحمدلله الريال مايبي عيال

وانا عند اهلي مطلقه وارتحت وربي حسيت فيج
الله يجير بخاطرج والياهل بينسيج
وخلي الحياه تمشي والله يفرجه

 

[ليدي بجد]

بغض النظر عن تفاصيل موضوعك. اغلب الحوامل تكره العلاقة الجنسيه وتشعر بالقرف منها ومن زوجها وهذا يختلف درجته في الحريم في الي حتى ريحته. وعلى فكره مؤ بس بشهور الوحام بكل الحمل


انت مشاعرك الحين ملخبطة وما تضحكين نفس قبل مؤ شرط من فقد الحبيب. الحمل انا يسوي فيني اكثر من كذا بس ابكي ومكتئبه. وافكر باي شي يضايقني وما سويته بحياتي.او مواقف من زماان سئيه تصدقين حتى افكر ليش تزوجت زوجي. مع اني احبه وما كنت احب غيره
بس هذي الهرمووووووونات. اقري بالنت عن نفسيه الحامل وكيف تكون حساسه

واذا زوجك ما يبي يروح نادي. دوري له في اليوتيوب على مقاطع رجاليه لشد الجسم واقنعيه فيها
لو تبين أدور لك حاضرره وممكن يشتري جهاز جهازين يتشجع على الممارسة فيهموبالمره يصير خبير بعد الولاده تسوين انت وياه رياضتكم
على فكره شد جسم الرجال اسهل ويطلع مرتب اكثر من جسم المره بعد الولاده حتى لو نحيفه. لان جسمهم. كله عضل. اخاااف بكره تغار ين منه. هههههههه




واسمحيلي. يا العضوه قطوووه ردك رائع انت قلتي كلمه. ما تساوي ولا ملايين الردود.
وهي ان ماراح تعرفين حكمه ربك. الحين. ومو شرط اصلا تعرفينها.لانك ما راح تعرفين مصيرك لو كنتي مع الشخص الثاني كيف راح يكون


ودايم تذكري الايه الكريمه الي تقول في معناها. عسى ان تكرهو شئ وهو خير لكم والعكس صحيح

الله يخفف عنك ويعينك وتقوميين بالسلامه

 

[موفاهمة شي]

وايد متأثرين بالمسلسلات التركية
كل وحدة عاملة فيها نرمين و عمار
انتو مسلمين !!!!!
عيب يا بنات والله عيب

 

[Canon~]

ليدي بجد

حبيبتي مايحوز نقول ايه من القران بالمعنى لازم نصا مثل ماجات بالقران< سوري اذا طلعت عن الموضوع بس حبيت انبهاا


باربيا


حبيتي حاولي تنسين اللي تحبينه قبل ادري مو بيدك بس حاولي


وزوجك تقولين كان سمين وضعف عشانك يعني يحاول يرضيك


وماتدرين يمكن لو تزوجتي اللي تحبينه مارح ترتاحين معه ماتدرين وين الخيره فيه


ادعي بالاوقات المستجاب فيهاا الدعاء مثل بين الاذان والاقامه وقبل التسليم من الصلاه وفي الثلث الاخير من الليل ان يجمل زوجك بنظرك وينسيك اللي تحبينه ...اللهم امين

 

[راحيل العبدلي]

عفواً انا ما طلعت من صلب الموضوع
انتي اتجاهرين بمعصيتج !!!
لو ساتره ع عمرج احسن لج !!
بس للاسف الحين عاااااادي تقولها بكل وقاحه وجرأة
انا كنت ع علاقه بواحد و ما قدرنا نتزوج ...
يعني دائره الحلال والحرام وينج عنها !!
انتي مسلمه مو كافره لا دين يضبطج ولا عرف يسنعج ..!
وبعدين هالسوالف تراها سوالف مغازلجيه عارفه شنو يعني
يعني لي جت انصاص الليالي واهلج نامو شغلتي الفون وقعدتي تهذرين
ويا الواطي الي لو بغاج طق بابج وجا من الابواب مو من الدرايش والفون !!
و لا هالضعيف المسكين الي ابتلا بوحده مغازلجيه جاي من الباب بس صج
عش رجباً ترى عجباً !!!

اول شي مو انسيه ولا حبي زوجج ..
لا اول شي صلي وواظبي ع الصلوات
لان الصلاه تنهى عن الفحشاء والمنكر ..


.





عيشي بطهر وبترتاحين ..
كلنا تحوشنا اوقات فراغ بس الانسان يشغل فراغه بشي ايجابي
مو اقعد اتخيل واتذكر سوادة وجهي و عندي زوج وابطني بيبي ..
و اي تطلقي مدامج تتخيلين هالرفيج اللوتي و حاطه توقيع عنه
يعني مادري شحقه قاعده بذمه الرجال وانتي تتخيلين رجال ثاني
اعوذ بالله !!!

 

[منال $]

انا كمان شدني توقيعك
خلاص عرفنا السبب انةكارهة الموضوع مع زوجك

 

[حشمه]

حبيبتي انتي الحين حامل وهرموناتج متخربطه نطري على نفسج

بعد الولاده وبعد النفاس وبعد ماتلهين بالبيبي راح تحسين نفسج

ان شالله تقبلتي زوجج وراح تعيشين حياتج وكل شي ماضي بتنسينه

وبتضحكين على نفسج بعد انتي معيشه نفسج بجو كئيب جزء منه

له علاقه بالحمل وجزء منه انتي نفسج ماتبين تطلعين من هالجو

الحين اهم شي غيري من نفسج شيلي من بالج اي افكار سلبيه عن ريلج

دام مو مقصر معاج وربي بيرزقج منه ضنى خلاص فكري بمستقبلج

فكري ببيتج وبالبيبي وبزوجج فكري شلون تتقبلينه وخلاص انسي

لاتطالعين ورا كل شي صار لج خيره من ربج استغفري وكثري

كلمه الحمدالله وتصدقي وبتشوفين كل اللي يسرج ان شاءالله

 

[سيلينا]

عفوا انتي مو معطيه نفسج فرصه حتى تتقبلينه

كنتي تحبين واحد وماصار نصيب وعارفه ان اهلج مستحيل يوافقون ولو اني اختلف معاج بنقاط كثيره

وانا مع ناتشوز بخصوص الخيانه لان الخيانه الي تقصدها ناتشوز انج متحسفه وتتخيلن حياتج مع غير زوجج والتفكير في غيره

تعتبر نوعا ما خيانه طبعا خيانه من نوع اخر بس لو الشخص الي تحبينه تتقبلين انه وهو معاج ينقرف او ما يتقبلج ترضينها !!

بتقولين احنا مو ملائكه انا ما اطلب منج الكمال لكن ابي انصحج وابيج توعين ابي انبهج لنفسج لان انتي ليلحين ما صحيتي من حبج السابق

تقولين وانتي بروحج تهوجسين وتفكرين ما نقدر نمنع التفكير صح ! بس لو اشغلتي نفسج لو حاولتي تحبين زوجج بعيوبه وتكبير مميزاته المتن والشكل مو اهو المحك ممكن اسألج عن شخصية زوجج عن تعامله معاج عن سوالفه معاج كل هذا مو زين يعني مافيه ميزه تخليج تفكرين فيه بايجابيه لو بكل شي مو زين الشكوى لله اقولج انفصلي مو عشان تحبين غيره لا عشان مافيه شي يخليج تحبينه

بخصوص الجماع من ناحيه ثانيه ترى امر طبيعي ببداية زواجج ,, وتاخذين فتره لين تتقبلين الموضوع .. وممكن الحمل بعد لاعب دور معاج يعني نساتج صايره في زوجج ترى هم شي طبيعي

بالاخير انصحج كأخت واتمنى ان الله يوفقج ويكتب لج الي فيه خير بس حاولي تسيطرين على نفسج ومحي الي فات تقولين ما اقدر لا انا اقولج تقدرين قدر الله وماشاء فعل والحياة بتستمر وانتي بتعيشين بوناسه تمحين وتتقبلين زوجج وتحاولين تتعرفين عليه اكثر وتحبينه ولا تشوف الشي الشين فيه لا تصيرين سلبيه دايما شوفي الشي الحلو فيه حاولي تتواصلين معاه اكثر عشان نفسج وحياتج عيشي حياتج مو بتقبل لا بحب وبوناسه انتي الي تقدرين تغيرين كل الموضوع خلاص صرتي بذمة هالرجل مسحي الي فات ولا تسمحين لنفسج انج تفكرين او تقارنين مو زين لج

موفقه حبيبتي والله يسهل عليج

 

[i'm so happy]

يمكن لانج حامل

 

[سعادة قلبي وياه]

الصلاة يا اختي تبعد الفحشاء والمنكرات

 

[شادن33]

حياتي يمكن من الحمل
عادي كلنا جذي بالبدايه مانتقبل وتلوع جبدنا من الجماع الحين عاااادي
صدقيني بتحبين زوجج اذا شفتي صفاته الحلوه مروءته اخلاصه وعطفه عليج
واذا ياتج افكار صوب الثاني على طوووول استغفري والله بينسيج