مشكلتي باختصار ولد ريلي

[عاشقة-الكفيل]

رد : مشكلتي باختصار ولد ريلي

اهم شي لاتتدخلين بعلاقته مع ابوه او تكرهين ابوه فيه او تشيشينه عليه مو شرط تحبينه اهو ماراح يفيده حبج بس اهم شي خلي ريلج مايقصر ويا ولده ومايفرق بينه وبين عياله الثانين هذا اهم شي

 

[CUTE ENGINEER]

رد : مشكلتي باختصار ولد ريلي

الله يهديج ويصلح بالج دام الولد حبوب ومؤدب ليش ماتحبينه

3 سنين وللحين ماتقبلتيه؟؟؟؟؟؟؟

ترى هو أخو عيالج واليهال يحسون ويعرفون اللي يحبهمه من اللي مايحبهم ويعاملهم بجفاف ويكشون منه

تلاحقي عمرج وعامليه بحنان وأمومة وعطفي عليه والله بيحببج فيه مع الوقت

ترى الحين هو صغير وتقدرين تستميلين قلبه بعدين لاكبر مالج أمل يحبج بيتذكر برودج معاه

وفكري برضا الله ومحبته لج قبل الزوج

 

[senioreta n7oola]

رد : مشكلتي باختصار ولد ريلي

ياويل قلبي
حرآآآم عليج صغير ومؤدب وخلوق وللحين ماحن قلبج علييه !؟
تكفييين لاتضايقينه وترى الظلم ظلمات يوم القيامة
وتراااه سند عيالج وأخوهم الكبير ..
ولاتفرقين بينهم يالطيبة .. والله قلبي عورني عليه ..

 

[غزالي وبس@@]

حرااااااااااااام والله قلبي عورني تعوذي من الشيطان وصفي نيتج وحطي ربج بين عيونج الله لايقوله اسم الله عليج وعلى عيالج تخيلي لو العكس وعيالج يروحون عند الثانيه شلون تحبين تعامل عيالج عاملي ولد ريلج يعني مفروض يكون قطعه منج مثل ماهو قطعه منه انما الاعمال بالنيات وكما تدين تدان والله يسخر قلبج لهالمسكين ويالف بين قلوبكم

 

[q8 83]

حده كسر خاطري

كبري عقلج اكثر من جذي و بتكسبين رضا ربج و زوجج

 

[monmon12]

رد: رد : مشكلتي باختصار ولد ريلي

اهم شي لاتتدخلين بعلاقته مع ابوه او تكرهين ابوه فيه او تشيشينه عليه مو شرط تحبينه اهو ماراح يفيده حبج بس اهم شي خلي ريلج مايقصر ويا ولده ومايفرق بينه وبين عياله الثانين هذا اهم شي

عاااشقة كفيل

منو يقول ما يفيده حبها؟؟؟


يمكن الولد يتيم؟؟
ايهي تكون بمقام أمه


تخيلي كلامج على نفسج


انتي ريلج معطيج كل حقوقج كاامله ومو مقصر

بس مااكو مشااعر اتجااهج ؟؟ شصيررر فيج؟؟


واللله انه المرة تموت بمكانها روحي اقري مشاكل الزوجيه وشوفي ريلها اذا حقرها شصير فيها وهذي مره عوووده


فمااا باااااااالج بصبي عمره 11 سنه


عبالج ماراح يحس

كااااافي انه امه وابوه منفصلين

او امه يمكن تكون ميته يعني يتيم

 

[آنسه مستانسه]

رد : مشكلتي باختصار ولد ريلي

الله يهديج ليش ؟ ماحاولتي تكتشفين السبب ؟؟
دامه طيب وحبوب عامليه معامله حسنه هذا اقل شي تسوينه عشان حتى تكبرين بعين زوجج اذا تحبينه
وعديه واحد من عيالج لانه اخوهم واكيد يحبونه وديري بالج تفرقين بينهم ولا يكرهج وعقب يكرهج زوجج من جفافج مع ولده
تعوذي من ابليس ولا تضيقين خاطر طفل ماله ذنب
موشرط تحبينه مثل ضناج لكن المعامله الطيبه تكفي وبس
اهم شي ماتضرينه ولا تضايقينه حتى بالنظرات والاطفال حساسين حييل ويفهموون ويعرفون من الي يحبهم والي يكرهم
وجزاج الله خير يالغالية ويثبتج على الطيب

 

[غصن الغلا]

تعوذي من بليس هذااااااااااااااا الشيطان صاير بينج وبينه هو ألي يوسوسلج ويكرهج فيه بليل قومي الصلاة ودعي ربج

 

[مرتاحه]

تاكدي ان معاملتك معاه
راح تاثر على تعامله مع اخوانه
فلا تخلينه يكره اخوانه من تعاملك معاه
ما تدرين يمكن يكون لك السند لم تكبرين
وصير احسن من اخوانه

 

[رفاعيه]

حرام عليج طفل وغير هذا مؤدب ! و3 سنين
سمحيلي بس قلبج قاسي !

 

['Basma']

حراام عليج

عديه يتيم.. اكسبييه

 

[كتكوته بحرينية]

رد : مشكلتي باختصار ولد ريلي

الله يهدي سرج اختي
وعسى ربي يبدل كرهج له لحب
اختي حطي نفسج في موقف لصبي ، تخيلي لاقدر الله ريلج ياخذ عليج وحده غير ويودي عيالج لها ، تخيلي شلون بتعاملهم
بترضين مرت ابوهم تعذبهم وتهاوشهم وتقسي قلب ابوهم عليهم؟
حلو نحط نفسنا في مكان الغير عشان نحس باحساسهم ونتجنب العواقب
اختي حاولي تخصصين يوم تطلعين فيه معاهم كلهم وتشترين لهم هدايا ، حسسي نفسج انه ولدج وقطعه منج عشان ربي وزوجج يرضى عليج
ولاتنسين ان حبيتيه الحين راح يبرج لما تكبرين
تراه طفل وماله اي عاقه بزواج ابوه السابق ولا بضرتج الاولى
ترى انج تتقبلين طفل مو شي صعب ، لكن انتي حاطه في بالج ان ولد الزوجه الاولى عشان جذي مو قادره تتقبلينه
حاولي تسألينه تحبني؟
اذا قالج اي اكيد بتغير شعورج اتجاهه
واذا قالج لا لا تتغيرين بالعكس راح تحاولين تكسبينه وقوليله اني احبك واتنى تسميني ماما
وصدقيني حجي الياهل ومشاعره مو مزيفه بالعكس مشاعره صادقه ومن القلب
ودامه هادي ومؤدب استغلي هالشي فيه وخلي اعيالج يحتكون فيه
تعوذي من ابليس كثر ماتقدرين
ربي يحنن قلبج عليه
وعسى ربي يوفقج
واحيي فيج صراحتج لأنج ناويه على التغيير وماتبين النقطة السودا اللي بقلبج تأثر على حياتج

 

[NADOOOSHA]

رد : مشكلتي باختصار ولد ريلي

بسألج سؤال إنتي ليش تحبين عيالج؟؟

ولو هو كان ولدج صج كنتي بتحبينه ولا لأ؟؟

ولا إنتي تكرهينه لأن ولد زوجته الأوليه ؟؟

إذا كنتي تعانين وتبين صج حل أنا براي حاولي تتقربين منه أشتريله أي شي فاجئيه بأي شي

بينيله إنج تحبينه((مثلي)) ليما يتقبل عقلج الباطن ها الفكره لأن العقل الباطن مايعرف

يفرق بين الحقيقه والخيال ,وهو أقوى بالتأثير....

وبسج تقولين أنا ما أحبه... لأنج كل ما تقولينها راح تكرهينه بزياده ,كل مايت ها الفكره على مخج

عكسيها حتى لو كنتي قاعده تجذبين على نفسج قولي أنا أموت فيه

 

[الفدعى]

هذا اخو لعيالج واهم قطعه من بعض اذا زاركم حطي الله سبحانه بين عيونج والله سبحانه رحمان رحيم ارحمي الولد خلج رحومه معاه

طلعيه وياج سوق جميعه سولفي معاه اساليه عن مدرسته اذا شريتي شي لعيالج اشتري له وادعي دايم ان الله يحنن قلبج عليه

وماتدرين يمكن اهو يكون سبب لدخولج الجنه واكثري الاستغفار

 

[manhattan girl]

اب اب اب

 

[&جامعيه&]

رد : مشكلتي باختصار ولد ريلي

حرام عليج عاد توه ياهل والله لو غيره يكرهج ويسويلج مشاكل بعد
حمدى ربج وقعدى مع الولد لعبيه ترى حسبة عيالج فقير ماله ذنب صيرى حنونه عليه
ولا تحيط هالشى براسج ولد ريلى لاء ناديه ماما يمه تعال جذى انتى كثر ماتقولين هالاشياء راح ينزرع حبه بقلبج

 

[غُمـۈض بَنيـۃَ]

رد : مشكلتي باختصار ولد ريلي

اختي هذا طفل بريئ وش ذنبه
موب كافي ان عايش بين امه وابوه
بعدين سبحان الله الوحده مناا من قبل
ماتصير ام وتشوف طفل محروم من حنان الأهل
يكسر قلبهاا شلون انتي الان ام يعني مفرض يعور
قلبك
مو من حقي احكم عليك اختي ..~
بس تراها كسرة ظهر هذي ع هالطفل الله
اعلم هو وش يحس فيه وش يفكر فيه
وانتي بنفسك تقولين انه كافي خيره
شره
فديته وربي حزنتيني عليه
جعل ربي يسخر له قلوب حنونه بهالدنيا
تضمه وتاخذ مابخاطره
الله يهديك اختي ويحنن قلبك ان شاء الله

 

[Japanese]

تبين الصج كسرتي بخاطري وآحزنتيني

انا عندي مرت ابو و ريل ام

وللحظه فكرت لو انهم مثلج ومايحبوني خانتني العبره وقعدت اصيح :"(

ماآتخيل ان ابوي الثاني " اللي هو عمي " او مرت ابوي اللي حسبه اختي العوده " بسبه عمرها "

مايقدرون يتقبلوني او حتى يعتبروني اني وحده من آهلهم

ازعل واتضايق لمن الناس تقولي هذا ريل امج ولا هاذي مرت ابوج! اوبيه لاء غلط

هذول اهلي وحتى لو امي وابوي متطلقين وماخذينهم بس هاي اختيارهم ولازم احتـــــرمه واتعايش معاه قد ماآقدر

مادري شاقولج بس شوري عليج انج تروحين لدكتور نفسي لآن هالسالفه يتروالي انتي مب قصدا مسويتها بس احساس داخلي

وان شاء الله تقدرين تتغلبين عليـــــه ودوم دوم دوم دوم الله يخليج حطي الله بين عيونج

يعني ان عاملتي الصبي بالزين وحاولتي تتحبين نفسج فيه سوي هالشي اتقائآ ومحبه ورحمه فيه لله سبحانه مب عشانه

او عشان ريلج او عشان اي حد بهالدنيا

صفي النيـــه وتذكري الرحمن وشلون ممكن يآجرج خير ع المعامله الطيبه والحب اللي ممكن تحسسينه هالصبي وشكثر بيكون

لج اجر عند رب العالمين ،،،

اي وصج تخيلي لو ان انتي عندج عيال من ريل اولي وريلج الثاني مايحبهم شبيكون موقفج؟

تقبلي مروري ياقلبي وترى مارديت ع الموضوع الا لآني مجربه موقف ولد ريلج

 

[ليدي بجد]

رد : مشكلتي باختصار ولد ريلي

لو يهمك تحبينه ويحبك..لازم تبنين علاقه معاه
تقربي منه احس ماتتكلمين معاه ..ابد.فصاير الولد خجلان منك وبعيد.عنك. شلون بتحبين طفل صامت (يعني ما في علاقه ).وهذا السبب..طلعيه ملاهي ولعبي معاه فيها اذا قدرتي..لعبي قيمز..وتابعي وياه..شي يحبه بالتلفزيون
وعلقي عليه وضحكي..اذا سولف اسمعيه باهتمام..حتى لو سالفته تافه..واذا قال احب شي لو كرتون قولي ايه مثلي انا بعد احبة..باي وقت يجي ..شنو صار..بالحلقه الي فاتت..ومثل هالسوالف عشان تجرين سوالف منه.اشتري له لعبه يحبها لو نجح.وبيني انها منك مو من ابوه(عشان يعرف مدى اهتمامك) .وساليه عن مدرسته وتفاعلي..والاسبوع الي بعده ساليه..شصار على السالفه الي قالها.مثلا عن المدرسه..وكانك مهتمه...يعني كل اسبوع شي..مو كلهم.
كم زياره على من هالنوع بتلاقين نفسك حبيتيه وحبيتي براءتة .وسوالفه واهتميتي بدون ما تحسين فيه.وهم اهو بيحبك..وما راح تقدرين تكرهين شخص يحبك..
على فكره الاطفال اذكياء ويشمون ريحه القلوب الي ما تحبهم وما يحبونها..
ولو مو قادره على بناء علاقه..خلي خوف الله فيه بين عيونك.ولا تذنبين فيه....وهم شي. لا تنسين مع الوقت​

 

[غرور وايل]

حرآآآآآآآآآآآآآممم عليج

دامه مؤؤدب ومحتررم

ليه ما تحبينه

كاافي انه عاايشش كانه يتيم ..!!

يبا اجبري نفسس وقولي لعقلج الباطن انا احب هالولد وهو يحبني

اششتري له هدايا

وديه الملاهي مع عيالج


.,.,.,..,.,.