مشكلتي الغريبه هي الخووووف والذنب

[Faisal Hayaty]

يابنات انا كنت مااداني اليهال و اقول ماأبي يهال
بعدين تزوجت ويوم دريت اني حامل سويت منااااااااااااااااااحه
و اتمنيت اني مااخلف و حاولت اجهض نفسي خصوصا انه كان في وايد مشاكل بيني و بين ريلي
بعدين ربيت و كنت ناويه ماارضع ولدي عشان ما اتعلق فيه بس بعدين حسيت بالأمومه لأول مره و قررت ارضعه بس الله عاقبني و حليبي جف بعد 10 ايام من يوم ربيت
الحين تعالو شوفوني
امووووووووت في ولدي و امووووووت من الخوف عليه لدرجه انه اذا دشيت الحمام الله يعزكم و اسيبه مع الشغاله تييني تهيءات ان الشغاله بتسويله شي و اذا سمعت صوته يصيح اقوم ارااااكظ احس انه صارله شي او انه الشغاله ذبحته
و دااااايما تييني تهيءات مخيفه انه صارله شي مب زين و اقعد اصيييييييح وترى خيالي واااسع و افكاري شييييينه
و اكثر شعور يخوفني هو انه الله بينتقم مني لأخطاءي في ولدي و ان الله بياخذه مني
واذا مرض اقعد اراجع نفسي ايش سوييييت ترى الله قاعد يعاقبني!
يابنات انا خلااااص ينييييت والتفكير ذبحنييي
شورو علي الله يخليكم

 

[noo7a]

يلا الحمدلله المهم ان عرفتي ان كنتي على خطا
و اليهال نعمه من رب العالمين
الله يخلي لج ولدج و يفرحج فيه

 

[MisS^MesSY]

ذكري الله و كثري الإستغفار حبوبه وإنشالله ماكو إلا الخير

 

[PiNkiShiYa]

رد : مشكلتي الغريبه هي الخووووف والذنب

اتعوذي من ابلييييس حبيبتي ماكو شي بالعكس ... انتي قلتيها تهيوئات جذي تمرضين وتمرضين اللي حوالينج وياج


الله يخليه لج

 

[KOKO_284I]

رد : مشكلتي الغريبه هي الخووووف والذنب

حبيبتي اتعوذي من ابليس ..... الله ارحم الراحمين ........... لو يبي ينتقم منج جان من الاساسما عطاج ........... لا نسيء الظن برب العالمين رحمته وسعت كل شي

بعدين مو الله عاقبج وجف حليبج لان الخوف والحالة النفسية والتغية اهي اللي اتاثر على الحليب .

انا كنت افكر العن منج بس بعدين صارت امور والله حفظلي ولدي وفهمت من هذا كلة ان الله بقولي ان الحافظ ومستحيل يفجعني بولدي برحمته الواسعة
اهو بحينته رزقني ياه وماراح يكون احن من رب العالمين على ولدي . بعديين في ملائكة تحفظ الياهل والاطفال احباب الله .

دائما اودعي ولدج لرب العالمين واهو الحافظ اقري هالدعاء ( اللهم اني اسلمتك واودعتك نفسي وولدي وزوجي وبيتي ومالي ......... فانه لا تضيع عندك وديعه وانت

استامن واتودع وصلى الله على محمد واله الطيبين الطاهرين )

واقري عليه المعوذات واية الكرسي .

تدرين عمتي كانت نفسج اتقول انا اكره اليهال لمه الله 17 سنة مارزقها . الله عارف نيتج الصافية ورزقج خلي ثقتج برب العالمين اكبر من جذي الله يهدي سرج انشالله

 

[Faisal Hayaty]

الله يسمع منكم و يوفقكم و مشكوووووره على ردودكم والله بديت احس بالراحه الله يسامحني و يهدي بالي و يحفظلي ولدي

 

[كنوشة 2009]

تعوذي من الشيطان على طول ما اكو الا العافية

 

[غمزه وإبتسامه]

الحمدالله انج عرفتي غلطج شعوور الاموومه اقووى من كل شي الله يخليلج ولدج

 

[فـدوه]

رد : مشكلتي الغريبه هي الخووووف والذنب

كل وحده يكون بينها وبين زوجها مشاكل تكون ماتبي عيال منه... ما شفتي الافلام كلهم يحاولون يجهضون إذا ريلها مو زين

إستهدي بالله و الله ما يعاقب عل شي جذيه
الله يخليلج ولدج و يحفظه و شيلي الهواجس عن نفسج