مشكلة مشكلة يا بنات ..!!

[eng w3d]

قوة بنوتات .. عرايس و متزوجات ...

شلونكم .. انشالله كلكم تكونون بخير ..

بنات انا مشكلتي مشكلة و ابيكم تساعدوني ..

بنات انا طالبة جامعية .. و كليتي دراستها واااااااااايد وااااااااااااااااااايد صعبة و وااااااااايد ضغط

و كل البنات اللي اعرفهم تزوجو و يدرسون معاي .. طاحسين و مقوعين بدراستهم و حالتهم حالة .. و الوحده فيهم لا بغت تشد حيلها .. قطت الياهل عند اهلها و لا اهل ريلها و كل يوم على روحة و ردة و مشاكل و تعب ..

انا يا بنات ما ابي احمل الحين .. لاني اصلا بوضع مو وايد اوكي بدراستي .. فالياهل راح يزيد الطين بلة ..

فكرت اكل حبوب منع حمل .. بس امي قالتلي ما يصير اول الحمل .. ممكن بعدين ما تحملين .. !!

انزين شسوي شالحل !!

قلت ماكو الا احاجي ريلي ( خطيبي ) .. صج انحرجت بالبداية بس بعدين تشجعت ..

قتله يا فلان يا عزيزي .. انا ترى ما ابي بيبي اول الزواج .. ابي موضوع الياهل يتأجل ..

قالي ما في مشكلة .. اكلي حبوب !!!! >> احلف بس

قتله ما يصير ممكن ما احمل تالي .. قالي عيل بعطيج اياها كاش >> خرعني

انا عن طريقي ما راح تلاقين حل .. انا ريال باول زواجي و احب امارس حياتي طبيعية !!!

انا صراحة صكرت عالموضوع .. لاني اصلا كنت حدي مستحية و ما كنت ابي اتناقش اكثر !!

بنات بليز .. اللي عندها حل تشور علي .. و تنصحني .. انتو خواتي و مالي غيركم

بليز حتى اللي ما عندها حل ترفعلي الموضوع ..

و مشكورين و موفقين ..

 

[مجاريح $]

وكلي امرك لربك ماتدرين يمكن ماتحملين الحين واذا تقدرين اجلي الزواج لما تطوف نص المدة على الاقل اما عن الحبوب اسئلي الدكتورة فيهم احسن انا اعرف حريم اكلوهم اول زواجهم ومافيهم الا العافية احملوا وولدوا بعدها وهذا شيء عند رب العلمين واكثري من الدعاء بتيسير امرك

 

[eng w3d]

^^

مشكورة حبيبتي

 

[توفـــا]

حبيبتي لا تحاتين الحمل مكتوب تحملين الحين ولا بعدين مو شرط اذا كليتي لحبوب يتأخر الحمل او ماكليتيها يعني بتحملين بسرعه فوضي امرج لله وماتدرين يمكن مايأثر علي دراستج والله يسهل عليج انشاءلله

 

[KOKO_284I]

كلام امج صحيح لان الحبوب سلبياتهم اكثر من ايجابياتهم

سوي مانع طبيعي وخلاص

تفاصيل تبين عالخاص حبوبه احسن والله يوفقج

 

[MiSS B.K]

الله يسهل امورج اب لعيونج

 

[eng w3d]

يا حياتي مشكورين عالردود

 

[سويت فانيلا]

وانا خايفه احمل وراي جامعه اهى اهى

 

[مفـآهـيم الخجـل]

نفس البربلم عندي
صـرآحـه مااقدر اجمع بين الدراسه والبيت واليآهل
وللحين مالقيت حل
بس ربي يحلهاا
ولاتاكلين حبوب اخاف تضرك وتتندميــن
وكل شي من الله حلــوو

 

[eng w3d]

مشكورين
بس للحين محد عطاني حل

 

[غنآآآتي]

كل شي له حل ان شاء الله ..
والله يهنيج يا قلبي

 

[فرزاشيهـ]

نفس المشكله بالضبط و انا تخصصي تخصص نادر و صعب و اموري الحين مو توب توب يعني و لازم اجابل اكثر و ماااابي يااهل ببدايه :/ لان عرسي بيكون ببدااية الكورس الياي ،.،حبوب صعبه مو كلهم يتقبلون الفكره و كاه حتى ريلج مارضى فيها .،.نبي حل !! اب

 

[Queenleo]

حبووب وخري عنها
وحده نعرفها من استمرت عليهم ماااقدرت تحمل سنين طووويله
ياابت ولدها وقعدت يمكن 15 سنه يالله يااابت بنت من فتره
اللعبة فيها اللحبوووب طبعا كانت تتعالج من اثارهم

يعني ريلج رااافض الوواقي؟
يقدر يمارس حياته طبيعيه ماراح يأثر عليه

انا اقووول كلمي دكتووره نساء تعطيج حل علمي وطبي احسن منا
والله يووفقج

 

[نور الشهري]

up

up

 

[~*~الملكة~*~]

التساهيل من رب العالمين

وهو وحده اعلم بالحال ربج مايكلف نفس الا وسعها

مستحيل ربج يعطيج شي فوق طاقتج

توكلي على رب العالمين

 

["خانتني دموعي"]

عسى ربي يوفقج ويسهل امورج
لا تخرعين نفسج وان شاء الله الموضوع سهالات
لا تفكرين بطريقة سلبية يمكن ظروف البنات يرثى لها وما يقدرون يعدلون بهالشغله ويمكن تختلف ظروفج وتعرفين تنظيم حياتج
وعلى قولتهم اللي يجي من الله حياه الله
وبالنسبه لحبوب لا تستخدمينهم يمكن يؤثرون مستقبلا
ولاتحاتين ومارسي حياتج الطبيعية لا تخلين هشي يؤثر في علاقتج مع زوجج
لانكم ببداية الطريج ومو شرط الوحده تحمل من اول سنه فيعني وكلي امرج لربج وييسرها لج باذن الواحد الاحد

وعقبااال ما تصيرين احلى عروووس وتتخرجين وتصيرين احلى ام مووووووووفقه فديتج

 

[Reem_q8]

في طريقه العد اذا حابه اقولج الطريقه ع الخاص

 

[نيو سيدنى]

"سبحان الله وبحمده عدد خلقه ورضا نفسه وزنة عرشه ومداد كلماته"
"استغفر الله العظيم واتوب اليه"
بالتوفيق حبيبتى

 

[رمز الفخر]

اب
اب
اب
لعيونش

 

[عزوتي طنايا]

اب اب


وسهالات ياارب ما عندي اي فكره


نص طموشه