مشكلة كبيرة عندي وصغيرة عند غيري

[غريبة طبع]

بنات إلي تقدر تساعدني تساعدني وإلي ماتقدر مو مشكلة بس المشكلة سالفة طويلة بقولكم وإحكموا :
رفيجتج كنا رفيجات من ست سنين وشاءت الأقدار وإنتقلت عساس بنيان بيتنا الطامة الكبرى إلي ماتوقعتها لما جيت أدق عليها بطمن عليها بعد الفترة الطويلة إلي ألقها تسكره بوجهي دقيت بعدين كلمتني بنفس خايسة تقول نعم شتبين إنتي ما رحتي وخلتيني بروحي ما أمشي مع أحد ( بمعناه رفجة تقزيرة ) المهم خليتها تقول إلي في قلبها لين تمادت وقالت ذلفة بلا رجعة إنشاله شره علي يوم رافجتج والحين إنتي ماعاد لج خانة عندي ومن اكلام القوي ماأتذكره من الصدمة بعدين دزتلي مسج تقولي فيه أبشرج لقيت من يسواج رفيجات أحسن منج مليون مرة ولاحتى توصلين مستواهم والبلوى الثانية تقولي نسيت أقولج ترى رفيجاتج (كان عندي رفيجات بصف يسألون عني )قالتهم تقولكم إمسحوا رقمها و لا عاد تدقون عليها أنا شسوي الحين فيني حررة بموت من القهر تقول لا عاد تدقين لني بصراحة أخاف أضيع وقتي مع وحدة تافه مثلج أنا ما أعرف أرد عليها لني هادية بطبعي ماحصليولامرة هلموقف وفوق هاذا كله رفيجات دقوا علي كلموني أنا منحرجة منهم المهم أبي أرد عليها شلون لني ندمت بصراحة أول ما صارخت في وجهي وقالت إمسحي رقمي مسحته مقدر الحين أصولها إلا من رفيجاتي قولولي شكتب في الرسالة أبي كلام تحس فيه بدون يكون جارح لني مابي أكون مثلها ( كلام الوحدة يدل على تربيتها) فيدوني ((jumpon: المقهوررررررررة))))))

 

[KaiFY Q8ia]

مممممممم

انا من رايي انتي اكبر منها بخلاقج وتربيتج

حقريها ولاتردييين عليها

جذي راااح تنقهر اكثر

وصدقيني اذا رديتي عليها ماراح تسكت بترد تتكلم وانتي بتتكلمين وماراح تخلصوون

الحقرااان يقطع المصرااان

خلج ارقى منها

وشوفي راي البنات الباجي

والله يسهل امورج يااارب

 

[غريبة طبع]

أنا بدزلها رسالة ماتدري إنها مني إهيه الحين مستانسة والله أدري على كثر إلي سويته لها مابي أقولج بعدين أنقهر زيادة بس أنا بس أبيها تحس بغلطتها وتندم على إلي قالته معني أدري هلشكال محد يسوياها خير ساعديني بأسلوبج شقول بس أبي كل كلمة تحس فيها وتحسف

 

[Mort 7aSSon]

على لسانه انا اقولج البعد عنها غنيمه

والصراحه اهنيج على انج وخرتي عنها اعوذ بالله من لسانها

وخلي الزمن كفيل يعلمها قدرج ومكانج خلي الرفيجات اللي يسونج على قولتها

ينفعونها

ترا الدنيا دواره واالله دواره وعن تجربه

 

[غــزلq8]

انا من رايي تدزيلها مسج تقولين لها( الشرهه علي اللي داقه اسأل عنج ... وقبل لا تصااارخين وتاكليني عرفي السبب وليش انا بعدت عج هالفتره اللي طاااافت وقوليلها ماتوقعت يطلع منج كل هذا ... والله يهنيج برفيجاتج اللي يسوووني على قووولتج والطيور على اشكالها تقع ):eh_s(13):


مالت عليها انا لو مكانج ماااا اسكت اموووووت قهر وقبل لا اصكر الخط اعطيها ااااااخ تفو واصكره :eh_s(14): وربي قهرتني طاااااااااااااف قوي وبالطقاااق اللي يطقها

 

[فطفط نجد]

والله والله ماااااتخلصيييييييييييييييييييين اذا دزيتي لها

وصلي لها على لسان وحده من اللي تعرفينهم انا مالج علاقه فيها بتاتا ومابيها ولا ابي عشرتها خل تعرف ان مالها قيمه عندج

 

[قطوة@@]

عطيهاا اكبر طاااف

لا تطرشين لها شي

 

[DốǾốDї]

ايييي شيييي عمى بعينها :\

لا تسكتييين حبيبتي واللله باجر تتحسيفيييييين ويظل بخاطرج لين تكبرين وعلطووول تفكرين فيه

انا مثلج كنت هاااديه و وايد يوصلي حجي واسكت كله اطوف بس عقب ما تخرجت صرت ملسووونه وما اسكت عن الي يغلط علي
واحس اريح نفسيا وما اتحسف تالي الليل ليش ما سويت وليش ما قلت

دزيلها
( اسلوبج الي وياي بين لي معدنج وتربيتج الصراحه نعم التربيه وانا بعد مو ميته على صداقتج لانج ياهل وعقلج صغير
و الرفيجات الي على قولتج رفيجات يدد وخابه روحج فيهم اكيد انهم مثلج ناس واطيه واذا مو جذي الله يعينهم عليج لانج خبيله حمدالله والشكر لانج ما تترافيجين يالمصلحجيه عالعموم انا هذا اخر كلامي لج ولا راح ارد عليج مره ثانيه لو شنو دزيتي ويقولج الكلاب تنبح والقافله تسير )

 

[شفايف كرزيه]

احقريهااااا
النوعيه هذذي تزيد اذا قمتى ترددينهااا

 

[♂JM-Lo]

تبين نصيحتي؟

لا اتردين عليها لأن اذا رديتي هم بترد ولا راح اتخلص السالفه

.. خلاص يمكن خيره اطلعت منها مو منج...

تذكري انج سويتي الشي الطيب لهم كلهم قبل لا تنتقلين..

لأن بس هذا لسان وإلا من داخلهم عارفين..واذا ما اعرفوا الحين ..بعدين بيعرفون..

اللـــه موجود ... إدعي ان الله يوفقج...وامشي ابحياتج لا اطالعين ورى ...ماشي؟

=)

 

[•Brown•Sugar•]

هذول رفيجات اخر زمن

لووول بنت خالتي صار معاها نفس الموقف تقريبا

بس رفيجتها قالت لها هالكلام لانها صوتت حق قائمه ضدهم بالجامعه

ههههههههههههه مخ ياهل واللة

الله لاتبليننا