مشكلة عظيمة مع مرت حماي النفسية

[نـعـومـه]

مرت الحما مهما كانت طيبه هم مستحيل تكون مثل اختج

اول شي خلي بينج وبينها سلام وبس ولاتعطينها ويه وعلاقتج بأهل زوجج خليها زينه واهيه خليها اخر اهتمامج

ومسجاتها احتفظي فيها احتياط ماتعلميت شيصير لاسمح الله عشان يكون دليل

 

[MiSs-MeMe]

انا انصحج شيلي نفسج من اهل زوجج خلي علاقتج رسميه ولا تتهورينمره ثانيه وتقولين قالت عنكم مهما كان على اللي تسويه فيهم بعد ام زوجج ساكته عنها خلي شخصيتج قوية وخلي الكل يحترمج وهذي مريضه ذكرتيني بمرت حماي نفس الفلم تبين تعذبينها بين فترة وفتره ارسلي لام زوجج هدايا والحين عيد الام قرب خليها تشعلل تولع اهم شي لاتعورين راسج يكفي انج في بيت وهذا اللي ذابحها وهي ساكنه وياهم هههههههه​

 

[ليدي بجد]

امشي على رد مس ميمي با السانتيلأني قاعده اطبقه على مرت حماي وحارقها حررررق
هدايا احترام لام الزوج مبالغ قدام الناس وهي موجوده بيجيها هبوط
وحتى بينك وبينها قولي لها والله انك بغلات أمي عشان تحبك بزياده
وبعد هدايا راح تتكلم ام زوجك فيها قدامها. حتى لو تجيبين شي ينحط بالبيت تشوفه كل ما جت ويسد نفسها
وشتستنين احذفيها من موباليلك لسه تشوفين نغزاتها وتهنينها.!!! منتي مجبوره وأي احد يسألك قولي انمسح مع مجموعه أرقام ولا تأخذ ينه. هذي البعد عنها غنيمه
هي بتموت وتعرف كيف اكتشفتيها لا تنولينها مرادها خليها تتعذب عشان بتظل وراك لين تستفزك وتعصبين وتطلعين الي عندك وتقلب السالفه عليك
احقريها وهي تتكلم ولا تطالعين فيها ولا تردين وتاخذين كلام حتى لو حاولت تحسن العلاقة أكيد بتجرب اسلوب غير الاستفزاز عشان تفتح حوار معاك
وقولي الحمد الله انها جت على كذا

 

[سميتكـ _ غلاي]

الله يهديهــــــا

 

[فريـــــده]

مرة حماك راعية حكي وقضينا منها بس انتي بعد الغلط كله عليك ؟ انتي للاسف انسانه ساذجه اي شي تصدقينه كلمه توديك وكلمه تجيبك كوني لك شخصيه مستقله وكبري عقلك وش اللي انا احلى وانا اسنع ؟ يعني كذا محد بيلومك عاللي سوته فيك ؟ كل الحريم تصير بينهم هالسوالف ماله دخل بجمالك وتقولين على زوجها خروف بأي حق ! انتي من كتبتي الموضوع وانتي تهاجمينها تبين تبعدين اللوم عنك لأنك للاسف كنتي صغيره وان شاءالله الحين كبرتي وعقلتي والحياه مدرسه وهالتجربه ان شاءالله ماعاد تتكرر ولا تصدقين كلام الناس مهما كانوا حلوين معك وقريب لك .. من حكى لك حكى فيك

 

[أم يزيد &سديم&]

هههههههه
سالفتك موتتني ضحك
باين إنك قصيمية من القصيم
وه فديتهم
مانيب وتبجي فكيها عاد
وأهل رجله يا كثر قرقكم يالقصمان
ترى أحبكم بس من باب الدعابة
عجبتني اللهجة وحماسك في سرد الموضوع
ما شاء الله عليك عندك لياقة مرررة
في الكلام. الله يكتب اللي فيه الخير والصالح

 

[Mjnont '3lay]

عفوا !!
ليش جايه تتشكين عندنا !!
الغلط منج مو منها
والعيب فيج مو فيها اسمحي لي ؟؟
المطلوب مننا نقولج ايه هذي ما تستحي
وقليلة حيا
لا سلامتج انا عن نفسي مرح اللي تبينه
تدرين ليش !!
على اي اساس سمعتي كلام وحده سفيهه ؟؟
انتي صرتي رسميه مع حمولتج وحكمتي عليهم من كلام وحده لا راحت ولا جت
ما كان المفروض تسمعين من احد ولا تصيرين بهالضعف هذا وتصدقين كل شي ينقال
كان المفروض اساسا من اول ما دشيتي على ناس ماتعرفينهم وولا عمرج قعدتي معاهم انج ماتسمعين منهم
اي شي الا وانتي شايفته بعينج عشان مايكون لا فيه اعذار وولا تظلمين احد من غير ذنب
انتي الحين ظلمتي اهل رجلج بس لانج حكمتي عليهم من غير حتى ما تحاولين تقعدين معاهم اكثر وتتقربين منهم اكثر وتعرفين هم شنو من بشر
بس انتي غلطتي بحق نفسج يوم ماشيتي وسمحتي لهالاشكال تقتحم حياتج وتتدخل فيج وتمشيج على هواها
ويوم ظلمتي اهل رجلج من غير اي ذنب ومن غير ما تشوفين منهم لا خيرهم ولا شرهم
بالنهايه هذا ردي سواء عجبج او ماعجبج ومقتنعه فيييه وهذا الصج اصلا
والله يسامحج على مافعلتي

 

[انيقه الملامح]

اختصر ردي بكلمتين احسن من 10

العين بالعين وابصاع بالصاع والبادي اظلم

بهالحالة المرضية ماينفع اي سياسة اخرى اي نصيحة سلمية دبلوماسية بتطبقينها راح تكون نتيجتها ضدج وبتضرج اكثر من ما تريحج فكي راسج منها وبلوك من الواتس اب شكو تعايدينها وبرمضان خل تولي

 

[صعبه]

ووووي في ناس جذي اشوووه انه ريلي وحيييد

اعوذ بالله حقرريهاا واذا كلمتج لا تردين عليها واذا رديتي عليها حسسيها انها ولاشي وخلي علاقتج رسمية صدقيني بتموت من الحـررررررره

^^ هذي في حالة انج اضطريتي تحتكيين فيهاا


غيررررر جذي اذا ما حتكيتي فيها يعني عيد رمضان مناسبة زواااج عزيمةةةة خليها ولا شي كانها مو موجوده ولا تكلمينهااااا كلش كلش



والله هالاشكال ماينفع معاهم الا جذي ابعدي عنهم تسلمين منهمم

 

[فاقده ابوهاااا]

وعوووو ذكرتيني بوحده يبه طنشي اهم شي ريلج ولا تحتكين في مرت حماج البلا ما ايي الا من هالناس طلعي من حياتها بالمره ولا تحتكين فيها وعيشي حياتج لنفسج وريلج وبيتج

 

[آلوانْ]

انا انصحج شيلي نفسج من اهل زوجج خلي علاقتج رسميه ولا تتهورينمره ثانيه وتقولين قالت عنكم مهما كان على اللي تسويه فيهم بعد ام زوجج ساكته عنها خلي شخصيتج قوية وخلي الكل يحترمج وهذي مريضه ذكرتيني بمرت حماي نفس الفلم تبين تعذبينها بين فترة وفتره ارسلي لام زوجج هدايا والحين عيد الام قرب خليها تشعلل تولع اهم شي لاتعورين راسج يكفي انج في بيت وهذا اللي ذابحها وهي ساكنه وياهم هههههههه​

:krkrkr::rerrerek:





الله يسعدك ضحكتيني :ggdw:

 

[دانة_ دبي]

عادي خلج رسمية معاها سلام عليكم و عليكم السلام و احسني الظن فيهم

و خلج رسمية مع اهل زوجج و خلج كلوز ف بعض الاحيان معاهم

يعني مب 24 ساعه رسمية ولا 24 ساعه مطيحة الميانة كل شي له وقته

و خلج محضر خير ،، قعدتي مع اهل زوجج لا تحشين ف مرت حماج ،،، قعدتي معاها لا تحشين ف اهل زوجج
خلج عاقل

 

[حكايا المطر 85]

حبيبتي سجلت عشانك
مع ان معي عضويه قديمه بس نسيت الباسورد هههههههههه

حبيت اقول لك مريت بنفس تجربتك والامر والادهى ان حتى اهلها يعاملوني بجفا مثلها
وانا ما سويت لهم شي والله ان خواتها مايسلموا علي وحريم اخوانها كأني ذابحه لهم حد

وانا مصدووومه ليش كل هذا انا ما اعرفهم اساسا
اشتكي لأمي تقول قابلي السيئة بالحسنه يابنتي نحن ما ربيناكي لأذية الناس

رحت على شور امي واحتسبت الاجر عند ربي ... انا اعاملهم بطيب وهم يذبحوني بالسكاكين
وكل ما سافرت اجيب لها ولعيالها هدايا وقسم بالله ما تشكرني ولا تعبرني تخلي الهدايا مكانهم وتروح
تالي احد يشيلهم لها ... تكسر بخاطري واصبر

اهلها مرضوا ازورهم واجيب هدايا واشوف في وجيههم الاستغراب

مرت سنتين ونص الا والناس قالبين عكس الأول ... صاروا زينين معي
يحبوني ويمدحوني وحماتي كل كلامها فديتك وفديتك وتقول لعيالها سلموا على خالتوو هى تحبكم

وانا طننننننننج أقوى شي !!!!!!!!!!!!

للامانه ما اعرف السبب الرئيسي كيف تغيروا معي وصاروا يحبوني لكن ثقتي بالله واحتسابي الاجر ودعوات امي توفقت وقابلت
السيئة بالحسنه وحصدت ثمرة صبري وتوكلي على الله

الخلاصه : ما يصح الا الصحيح ... وخليك على ما رباك دينك وأهلك


وربي يصلح الحال وتعيشي بسعاده انتي وكل البنات يارب العالمين


كأنه كتبت موضوع هههههههههههههههه

 

[انا لها شمس]

بسسس سوي لها بلوك بالواتساب
وبلوك من حياتج مجرد سلام بينكم
وانتي تشوفين شلون بتموووت قهر
واذا كنتي وصج طيبه مثل ماتقولين
تصرفي بطيبج مع اهلج اللي هم اهل زوجج

 

[عسل حدي]

الله يكون في عونك بتتحملين هالانسانه المريضه