السلام عليكم ورحمة الله وبركاتة
مشكلتي بأختصار مثل العنوان اللي انا حاطتة لموضوعي
وكتبت هالموضوع مو عشان ادور الحل
لانة مو بيدي ولا بيد احد منكم
لكن الحل بيد الأحد الاحد الرزاق
وهذي ارزاق
ياطولين العمر بقولكم مشكلتي
واهي
انا بنت محد تقدملي ولا مرة
ووصلت لاخر الثلاثينات
ولا حس ولا خبر
ولله الحمد انا متوكلة علي خالقي الحي القيوم
مقسم الارزاق
بالأول لمن كان عمري يالعشرينات كنت
افكر واحاتي محد تقدملي الكل اللي بسني من
جماعتي وصديقتي تزوجوا
ويشهد الله اني افرح من كل قلبي
لمن دخلت الثلاثين
حصل شئ غريب حسيت بسكينة مو طبيعية
لاني كنت ادعي ربي اني يبعد عني القلق والتوتر
اللي كنت احسة بعدم زواجي للحين
وحسيت بعمر الثلاثين بالضبط بتغير
بنفسيتي صارت هادية وراضية وقبول للي يصير حولي
وشكلي بعد تغير صرت ملفتة للنظر صرت اجمل مما كنت امممم كنت عادية واصبحت ملفتة
مو قصد مني لكن احسن اني حبيت نفسي
اكثر واهتميت بنفسي بلبسي وبرقي اسلوبي
ومنطوقي
عرفت اني تغيرت لمن افكر شكنت وشنو اصبحت
مو هذي المهم
انا حبيت اعطيكم نبذة عني
والمشكلة اللي كبروها الناس
ان كل من شافي اوتعرف علي او اللي حولي
سؤال واحد ميغيرونة
الناس :::::::: محــــــد تقدم لج ؟؟
أنا ::::::::::::::: لا
الناس :::::::::::::مو معقولة !!!
أنا ::::::::::::: ليش مو معقولة ؟؟؟
الناس ::::::::::::::: مو مصدقين ؟!؟!
أنا ::::::::::::؟؟؟؟؟؟؟؟؟؟
صمت
اية اعيش بحالة صمت وذهول
لية محد قادر يفهم ان هالأمور ارزاق
ومالي يد فيها
الحمد لله اللي اتم نعمة وصحة وحفظة وسلامة علي وعلي خواتي المسلمات
هذي اللي قاعد يصير معاي
مو معترضة كثر ما انا مستغربة
الناس تظن انة فية شئ غلط
مني او من الناس
اللي ما تشوف
ههههههه ضحكت وسكت
ماعندي حل ولا اجابة ولا ردة فعل
شسوي ؟ امممممممممم
اعتقد ولا شئ
ان عصبت بيكون علي حساب نفسيتي
ولا راح احصل غير نظرة ما ادري شنو معناها
من الناس
وان اشتكيت ! بكون سالفة بين الناس واعتقد ان الشكوي لغير الله مذلة
"اشكو امري لك يارب فانت اعلم بامري
بما اسررت واعلنت فاكتب لي الخير وارزقني الخير يارزاق ياكريم ياحي ياقيوم "
اعتقد الصمت والابتسامة هي الحل
لا اكثر ولا اقل ولا انتو شرايكم ؟؟؟
كتبت موضوعي هذا للفضفضة بس
اتمني اني ما ازعجتكم بكلامي :eh_s(7):
