مشكلة بسيطة احاول اتجاهلها بس دوم ترد

[متفائله للحياه]

اذا بتطلعين اطلعي من غير ماتحس ويكون في احد بالبيت عشان ماتقول تركتوني لحالي
الله يعينـــك

 

[أبله أريج]

ضحكتيني والله
كل الحريم الكبار يتشكون مو قصدها تنقل لج العله
بعدين تحسدج على شنو هههههههههههههههههه الحمال؟؟ تهقين تبين حمال اهيه ههههههههههههههه

وبعدين ولدها يمكن مقصر معاها ولازم يراعيها يشيل منها هالاحساس

 

[سعادة قلبي وياه]

صرت اطلع بروحي اصلا بدون زوجي عشان ماتقول طلعوا وخلوني معنى البيت مايخلى في اخوان زوجي وزوجاتهم يا بنات

وبعدين ابلة اريج شنو تحسدني على حملي كلش مو قصدي جذي فهمي الموضوع عدل من اشتريت سيارتي وانا مو مترقعه فيها

الا طلعت الا دخلت الا تأخرت ساعات تتصل وينج !! شدعوه تشمخت سيارتي من قدام لي ورا من عينها عنددج سياره وديني وجيبيني انا ماقدر احين اسوق الا بالمووووت ريلي مو شايلتني مو مثل قبل خفيفة ثقيلة ومنتفخة علي صارت اكبر من حجمها الطبيعي والدكتورة تقول عادي طبيعي بعد الولاده ترجع مثل قبل واحسن يعني بختصار انا حاليا مثقلة ولا لي بارض اشيل حد معاي

ولبي نفسي اشيل نفسي اول بعدها اتفرغ للأم وحتى زوجي منعته قلت بس بخلص اغراضي بروحي شسوي مايحتاج تجي يقول ساعات اخواني موجودين اقولة طيب يلا شوي الا اللي حاملة شنطتها وجاية ههههههه والله حالة اروح وارجع وانا مو شايلة شي غير حنه طول الدرب واهي تحس وتعرف هالفتره الوحده تجهز للمستشفى والنفاس واانا قلت لها تقول عادي انتي تتسوقين وانا ولدي يوديني مكان الصحون والاكواب ناصتني حاجات يوميا ناقصتها حاجات انا هلي فالشهر مره يروحون السوق حق لوزام البيت هي لا يوميا .. عطيني مجال اتنفس لا ماااافي ابد ولا بكون في احساس لاني مو مهمة اهم شي تخلص اغراضها وحاجاتها منو اهم الحين تخلص حاجاتها انا ولا اهي على شوية دلال وفناجيل حبكت باليوم اللي انا بروح فيه ليش مو قبل هاليوم او بعده وبعدها تقول رجلي بطني راسي اه تعبت تبيني اهمزج واسوي لج مساج .؟؟؟ انا بكبري اتعب اذا حد يشكي لي يوميا عن المرض اقول لها يلا نروح المستشفى تقول لالا ماله داعي عندي ادوية ولا ابي زود قلت لا بس نتطمن مو مهم الادوية لو ماتبين تقول لالا بس انا احسن احين

 

[سعادة قلبي وياه]

اقول لها يمه بروح اجهز حق النفاس بسوي لي مفرش و لبس وجي وجي تقول اي زين تسوين متى بتروحين اقول لها
للحين ماقلت حق زوجي تقول بس خبريني ابي اروح على دربكم جمعية ناقصتني حوايج وانروح تجلس فالجمعية وقت طويل
وانا بعدها خلاص تقول مايحتاج هاي اليوم خليها وقت ثاني اخاف اللحم والحليب يخترب نرجع البيت
وبس نرجع البيت والطلعه حق الخياط اللي يفصل روبات تكنسلت ولي يومكم ماجهزت شي كل يوم اطلع بروحي اخلص اموري بشوي شوي من جذي الشغله مضايقتني بس بصبر واتحمل شسوي يعني انا اللهم كنت حابة افضفض لا اكثر

 

[الشهد كله]

بصراحة الله يعينج

سوالف خالتج المفروض تكتبينها عشان ما تنسينها :rerrerek:

وعقب تسوين منها مسلسل فكاهي :krkrkr:



وفوق هذا كله آنا إذا بحاسب أحد أحاسب ريلج ليش ما يخلص من مشاوير أمه

وبعدين يرجعها البيت وياخذج عشان يخلص مشاويرج ؟؟؟؟؟؟

أهو شايف الوضع وعارف ، المفروض يبادر بهالشي عشان لا انتي تزعلين

ولا أمه تزعل !!!!!!!!!

ماشاء الله عليها عفية مشاوير ما تخلص

احنا روحة الجمعية مالنا خلق نروح من حرارة الجو وهي طلعات بدون توقف !!



الله المستعان​

 

[M!ss CoLoRz]

صراحة غيرت رايي من بعد كلامج

دام عندها عيال غيره وأنتوا مبين مو مبين مو مقصرين معاها
بس ريلج شنو رايه؟؟؟ مرة وحدة خليه يقول لا ... ما اقول قلبوا عليها بس ما فيها شي اذا قال لها يمه سمحي لي بوديج مرة ثانية
الحل كله في يد ريلج انه يرسم حدود وانتي كأنج وايد ماعطتها ويه!!! باجر بتولدين بتعابلين الياهل ولا !!!! اذا طلبتج شي وانتي فعلا ما تقدرين قولي ما اقدر وقطي نغزة مثلا فلانة بنتج ما تقدر توديج
وصح شغلج .. زوجج اهوه ملزوم يوديج لا تغيرين هالطبع نصيحة

 

[دنيا الصدمات]

انزين طلعي ويا خواتج او صديقاتج
او خلي الطلعه لمن تكون هيا مو هناك او مشغله او سوي روحج بتروحين ويا زوجج مشوار سريع بس حبيتو تستغلون الوقت وتكملين شغلج
او حاولي تطلعين من الدوام من وقت وخله هو يمرج منها تتغدون ويا بعض ومنها تكملين غريضاتج
في اشياء وايد تقدرين تتحايلين وتكملين شغلج بدون لا تجرحينها ولا تجرحين ولدها

ترا بالنهايه هذي امه والواضح انه مافي الا انتو الي ساكنين وياها في البيت
وهيا مسكينه بين اربع طوف شي طبيعي تبي تطلع خصوصا بهالعمر الكل تزوج فهيا تحس بالوحده وهالشعور قاسي جدا
اذا انتي تحبينها ومتاكده هيا تحبج لا تحطين بالج ويا كل ملمه تقولها هيا مره عوده والكبار يحبون يتحلطمون

​

 

[!الجادل الصعب!]

البنات يحبون يطلعون مثاليات زياده عن اللزوم في بعض الردود

يبي يبر بامه .. عساه بار بامه دوم و ترضى عنه بس مو على حسابج !
خير مناشبينج عالطلعه و الدخله الحامل يالله تطلع مشوار تخلص شغلها
بعد مناشب و نطرة سيارع عشان جمعيه مبطله24 ساعه
حبيبتي قوي قلبج شوي
ومفروض تقولين لحمواتج عييييب تحرشون زوجي علي وانتوا و امكم
م شفتوا مني الا كل خير
كاهو عندكم تبونه يوديها يوديكم م منعته .. بس بكلامكم
تخربون حياتي و ترا هالشي م يجوز لا بشرع و لادين
ليش رابطة روحها فيكم و بناتها مستخفين يضحكون بوجهج و من وراج
شايشين !
اشتري راحتج حبيبتي وطلعي بروحج و الا لا تقولين لها
قالت لج علميني ابي الجمعيه رحتي تركضين تقولين لها بنطلع
طلعي و لارديتي قولي فلان امك تبي الجمعيه


وصراحه حسيت من الي كتبتيه كل شي باذن خالتج وهالشي ممكن
يخليها غيوره او تناشبكم بشكل اكبر ..
والله يعينج

 

[امـ خــزامـى]

ماشاءالله ربي يحفظك

انت انسانه لبقه واسلوبك حلو عشان ك>ا تتشكى لك
لانك تدلعينها تسمين عليها وتهتمين لها وتقولين اوديك للمسشتفى

فهي حابه اهتمامك فيها

اما من ناحية الطلعات اللحين انت حامل اطلعي بالاسبوع مره مع زوجك ومره مع اهلك وخلصي اشغالك

ومره بالاسبووع اطلعي مع زوجك وامه لاي مكان وممكن ماتطلعين معهم بعد انت مو ملزومه ا>ا تعبانه او مالك مزاج لاتضغطين على نفسك

اقترحي على زوجك يطلع امه لاي مكان تحبه البحر او سوق شعبي او مطعم
اي شي تتونس فيه ويجلس معاها بعد هو ملزوم فيها
وا>ا طلعتي معهم جزاك الله خير وكثر خير


ومايمنع بعد تقولين لبناتها انه ياحياتي تطفش من جلسة البيت وش رايكم نغير يعني مره نجتمع بالبيت
ومره نطلع كلنا لاي مكان نتونس كلنا

 

[عن النسآ أفرق ~]

عسى الله يرزقج بر عيالج ♡

 

[سعادة قلبي وياه]

جزاكم الله خير بنات على ردودكم وان شاءالله اخلص اموري خلال هالايام خبركم الثقل مايساعف على دوارة فالاسواق ..

وكلام دنيا صدمات عجبني وفكرتها زينة استأذن من دوامي احسن طريقة ويمرني ونروح مع بعض نخلص باقي الاغراض

اشكركم

 

[زوجة عزيز]

الله يعينج ويسهل عليج

 

[تبيني آرضى عليك]

الله يعينج

 

[شندوخه]

الله ياجرج والله
ههههههههههه هذا التسلط بعينه وعلمه ومالج الا تتحملين وتصبرين شتسوين ما باليد حيله
الحليب سوو مع شركه الالبان اشتراك وافتكي ههههههههههههه
واللحم كل شهر يبولها خروف ههههههه
الله المستعان

 

[Mrs.Q]

وع اكره هالنوعية صج الله يعينج وترى انتي مو مكلوفة فيها
اف