مشكلة القمل اسألكم بالله تساعدوني

[تبيني آرضى عليك]

آآآآآآآآآآآب

 

[دمعة الغيم]

الله يسعدكم ماقصرتي ليدي بجد يجزاك الجنه

 

[قموووره]

من وين اييها القمل؟؟؟؟ اخاف بس بنتج معيونه!!! ارقيها واقري عليها حبيبتي​

 

[حبيبه العلي]

خل وزيت زيتون والله العظيم كل من جربه دعا للمره اللي علمتنا لان بنات اختي جاهم من المدرسه

 

[M!SS CANDY]

في شامبو مخصص للقمل ونتيجتة من اول استعمال من اول سبوح تودعين القمل وكل ماكررتي استخدامه تخلصتي نهائياامن القمل جربيه والله بتدعين لي

وطريقته تغسلين شعر بنتج بالماي بعدها تحطين الشامبو وتخلينه على شعرها لمدة ساعه تخلينه وتحطين فوق شعرها كيس يعني تكتمينه عشان يسوي مفعوله

وبعدها تغسلينه بالماي بتشوفين القمل يطيح ميت

وبالنسبه للسيبان تجيبين مشط حديد اسنانه صغيره ومتقاربه حييل

عشان تسلتين السيبان لان مايطلع الا بالمشط حتى لوميت

هالشامبو مانفع بشعر بنت خالتي الاهو وهذي طريقتها كتبتها لج

 

[العيون الوسيعة]

احسن شئ ...نضفي شعرك من القمل بالمشط الخاص واستشوري شعرك مرة اومرتين والله ماعاد تشوفينه لانه يقتل البيض ونضيفة او حاولي تنزلية لانه راح يموت من الحرارة

 

[الملاك يونا]

اذا بنتك تتحمل الصبغ اصبغي شعرها بصبغه ناعمه بالفواكه اسمها قارنيه نوتريس ...اختاري لون بني اي لون مو فاقع عشان ماينتبهون انها صبغت ... وشامبو سنان + المشط ..تخيلي بنتي نونو عمرها 6 شهور عادوها ومشطتها وشلت البيض وهي نايمه ...وصرت اغسل بشامبو عادي بس سنان جربته مع ولدي...

وانا لما كنت ادرس جانا ..مدري من الشغاله ولا المدرسه ..
بس ماوخرهم الا الصبغ ....وبعدها مهما اجلس جنب وحده فيها قمل مايجيني...
والتايد حلو للقشره وللقمل وحتى الاستشوار اليومي يحافظ بس بيحترق شعرها لو استشورتي يومي

 

[روزالكويت]

بخاخ بارا للقمل رهيب بالصيدليه

 

[دمعة الغيم]

الله يجزاكم الف خير لكل من ساعدتني ويرزقها الله من اوسع ابوابه

 

[Combat]

اشطفي شعرها بخل التفاح