مشكلة القمل اسألكم بالله تساعدوني

[دمعة الغيم]

السلام عليكم

القمل مشكله عظيمه وعلاجها صعب
بنتي الصغيره عمرها عشر سنين وايد تفاجأت بوجود القمل مع اني مهتمه بنظافة شعرها
ونظافتها الشخصيه وفجاه طلع لها
البنت تداوم بالمدرسه واخاف على مشاعرها من الطالبات والمعلمات تدرون صعب
وودي انها تتشافى تكفون ابي وصفات وحل

والله انا صايمه لأدعي لها كل ماافطرت :yaaaaaarb:

 

[د.مها]

السلام عليكم

أختي في أدوية خاصة لعلاج القمل توصف من قبل طبيب الجلدية ،، اذا مقدرتي تروحين طبيب بالصيدلية تحصلينهم مع شاامبوهات معينه، غسلي ملابس بنتج والشراشف باستمرار وممنوع مشاركة أدواتها الشخصين مع اي شخص اخر . في الطب البديل يستخدم السدر والحناء مع ملعقة قطران بس لانها صغيره ما انصح تستخدم قطران . ومشطي شعرها بمشط أسنان صغير يطلع البيض كله

وربي يشأ فيها

 

[aحلم عمريa]

وعليكـم السـلآم والرحمـه

حبيبتـي انتي سهل بس جيبي لهـآ شامبـو من الصيدليـه للقمـل وغسلي شعرهـآ ليمـآ يروح
وان شاء اللـه امـآن ما يضـر

واذا افدتـك ادعيــلــي ..

 

[د.مها]

واهم شي لا تخلطينن حنى وسدر مع أدوية بالصيدلية يتفاعلون ، كل فترة زمنيه لها علاج محدد واذا ما نفعت تنتقلين لعلاج اخر ، والأفضل أتابعين مع طبيب مختص

 

[flawar]

ويييييي الله يعينج لايكون عدوه مم احد بس
المهم بالصيدليه فيه ادويه خاصه للقمل استعمليها وبتنفع اكيد ان شالله

واقري ع بنتج اسم الله عليها ربي يحفظها لج

 

[:حضرية واجد:]

الصيدلية رح تفي بالغرض وفي انواع كثيرة من الشامبو الخاص بالقمل وفي خاص بالبيض
واهتمي بنظافتها الشخصية واهم شي غسلي ملابسها باستمرار ويفضل تقطين الملابس الي كانت اكثر شي تلبسهم وقت ما لقيتي فيها قمل
لان يمكن يلصق بالملابس بيض القمل ومايطلع مع الغسيل او ينتشر بسرعه و اهم شي في امشاط عن الحواي صغيرة خاصة هذي بعد كل سبوح لازم تمشطين شعرها عشان لا يتراكم البيض >> خبرة ايام كم عشناهع يا محلاها لووول اقولها بكل خجل خخخ

وقبل ايام ما كنت طفلة وصابني قمل رغم ان امي كانت مهتمة فينا بس كنت ماسكة الشارع والعب لوول قصة حياتي المهم كانت امي طبعا تحطلنا علي شعورنا تايت وتغسله والله من صج وكان فعال بصراحة حسب ما اتذكر راح بس امي تعبت معاي وع اخواني لاني عاديتهم
وعسي ربي يشافي بنيتج والسالفة يبيلها صبر وباذن الله ماعليها شي

 

[اميرة زوجي]

مرة سمعت من فلبينية بالصالون انو السشوار السيراميك اللي يكوي الشعر
هو احسن حل و يحرق القمل وبيوضه لااااااا تستغربي مجرب وانشالله
يفيد مع بنتك
كمان سمعت في برنامج التفاح الاخضر عن وصفة غريبة شوي
وهي دهن الشعر بطبقة وفيرة من الفازلين وتغطيته بشكل تاااام
و لفه بكيس نايلون لمدة لاتقل عن ٤ ساعات
جربي الطريقتين انشالله يقضو عليه تماماً

 

[عبير البنفسج]

فيه شامبو سنان في الصيدله يزيل القمل وبيوضه
وسمعت ببرنامج دكتور وضع المايونيز بكميه وافره على الشعر وتغطية بكيس كم ساعه ثم تمشيط الشعر بمشط ضيق بعدين غسله وبس ان شاء الله ينفع معاك...

 

[أحلى قصة]

البنات كفوا ووفوا وعسى الله يشافيها ويارب ماتتعرض الى اي موقف يارب ويخليها لج يارب

 

[دمعة الغيم]

يارب فديتكم ياكويتيات
استخدمت تايد والسيشوار معاها ومازلت
الله يزيل عنها البلا يارب

 

[عبقرية]

امي جاها قمل وهى صغيرة وحطت قطران طبيعي ع شعرها وراح القمل واعطاها حصانة مايدخل بشعرها مرة ثانية

انحنا جانا قمل من المدرسة وانتشر في كل اخواتي بسبب المشط وامي تمشط بنفس المشط وماجاها لانها كانت تحط قطران ع شعرها يوم عندها قمل

جربيه وشوفي ​

 

[طفلة غبية]

سمعت الخيار تسوين عصير خيار وتلفينه شعر بنتج بنايلون الله اعلم
والا ستشوار بعد يذبح القمل

شوفي تجارب الحريم مع بناتهم
للقضاء النهائي على القشرة والقمل وبيضها - منتديات عالم حواء


و


بنتي والقمل تجاربكم الله يوفقكم.. - منتديات عالم حواء


و

الله يفرج همها اللي تفيدني بالتخلص من القمل - منتديات عالم حواء


و


ستتخلصين من القمل والصيبان من اول ترويشه ...!!! حيااك تفضلي ..!! - منتديات عالم حواء


و


الحل الاكيد للقضاء على القمل ومن اول مره(*) - منتديات عالم حواء


دعواتج

 

[دمعة الغيم]

سمعت الخيار تسوين عصير خيار وتلفينه شعر بنتج بنايلون الله اعلم
والا ستشوار بعد يذبح القمل

شوفي تجارب الحريم مع بناتهم
للقضاء النهائي على القشرة والقمل وبيضها - منتديات عالم حواء


و


بنتي والقمل تجاربكم الله يوفقكم.. - منتديات عالم حواء


و

الله يفرج همها اللي تفيدني بالتخلص من القمل - منتديات عالم حواء


و


ستتخلصين من القمل والصيبان من اول ترويشه ...!!! حيااك تفضلي ..!! - منتديات عالم حواء


و


الحل الاكيد للقضاء على القمل ومن اول مره(*) - منتديات عالم حواء


دعواتج

الله يرزقك من حيث لاتحتسبين ويفتح ابواب الرزق والعافيه
ويمدك ومن تحبين بالصحه والعافيه يارب
ويبعد عنك الشر ويكتبلك الاجر بجد بجد افدتيني
الله يجزاااك الجنه

 

[طفلة غبية]

اللهم امين ولج بالمثل خل بنتج تنتبه من المقصف وقت البريك فات لان هناك يكثر التلصق
وبعد لالا احتياط غيري مكان جلوسها بالفصل بدون لا تقولين لبنتج السبب اشان ماتجرح صاحبتها

 

[أحترت أعبر]

ما عليها الا العافيه ....روحي الصيدليه بتلاقين شامبوهات خاصه بهالمشكله... شوية صبر وبيروح من شعرها
بس اكيد عدوه من احد معاها بالصف ...
والله ذكرتيني بنفسي ايام الابتدائي ... نشرت القمل حتى بشعور اخواني الصبيان ...
ان ما فاد وديها دكتور جلديه , وترا الوصفات اللي قالوها البنات هم تنفع ....
الله يبلغج فيها , والله بكره تكبر وتذكر نفسها وتضحك ....
ربي يسعد قلبج

 

[نجدية2011]

وانا صغيرة جانا عدوه بالمدرسة
وامي جابت شامبو سنان من الصيدلية
والحمدلله رااح
والشامبو يجي معه مشط دقيق
حتى تمشطين فيه ويطلع القمل والصيبات
والله يشفيها من هالداء

 

[جذابه بنت ذيابه]

روحي الصيدليه و خل يعطيج الادويه المختصه

ونصيحه يوميا غسلي مخدتهاا

 

[دمعة الغيم]

الله يجزاكم خير يارب وايد حزينه عليها
المشكله ان نصف ادوية القمل بالصيدليات لقيتها ممنوعه من وزارة الصحه
بالسعوديه ومنها البخاخ ليش؟؟؟؟
بجد زعلت كون الادويه بتسوي شي مفيد
الله يشافيها

 

[نجدية2011]

سنان موجود الصيدليات السعودية
وله مفعوله
اما البخاخ ماله فاىدة

 

[ليدي بجد]

يا قلبي حاسه فيك ..من شهر ونص فجاء طلع ببناتي الصغار انصدمت...قعدت ثلاث ايام ما اقرب منهم ومو مستوعبه..وانام واحلم بالقمل كانه شي مرعب بينقض على شعور غريب ..حاولت اصبر نفسي واقول .لنفسي ...مالت عليك كل هذا الانهيار من قمل اجل لو لا سمحا الله قالو لك احد مريض فيهم بشي الله لا يقدر...شبسوي اكثرر امووت يعني...
المهم الموضوع طلع بسيط..وقريت كل الي في النت...ورحت شريت شمبو سنان ماجاب نتيجه....غيرت لشمبو خطيرررررررررررر اسمه (انرجي)energy........ريحته تهبل..منعشه...

1-
المهم افركيه بشعر البنت باصابعك في فروه الراس وكانه زيت وخذي وقتك. وحطي الشبو على الفروه في اربع او خمس مناطق متقرفه بوفره.وخذي كميه شمبو وحطيها بوسط طول الشعر وافركيها..وخليها بالبانيو تلعب ربع ساعه اقل شي...عشان يسوي مفعول
2-
افتحيه الدش ويريت يكون قوييي على ماء دافي حطيه على رجول البنت وارفعيه وزودي درجه الحراره كثر ما تتحمل لان القمل ضعيف امام الحراره..حطيه على راسه..

3-
غسلي الشمبو ...وحطي بلسم لاكثييييييير مهمه الخطوه عشان شعرها يكون سالك للمشط..وما يعيق تنزيل القمل..بمشطه واحده من من فروه الراس لا خر الشعر..بدون توقف..وبشكل غير سريع
4-
مشطي بمشط يكون طويل عشان يجيب اكبر مساحه من الراس..و اسناه ضيقه...واستمري على هذا الوضع الى ان تتعبي ...وممكن تخلى الشغاله تكمل عنك...لان كل ما طولت كل ما نزلت اكثر
غيري ملابسك وملابس الشغاله لو دخلت قبل ما تخرجونها من الحمام........لانه احتمال كبير انتقل لها..وسوي زيي لبسب روب حمام طويل وانا امشطها وقبل لا اطلعها فسخته وتركته بالحمام. ليغسل بالاضافه لملابس البنت...وطلبت من الشغاله تغسل الحمالم بعدين تغير...وتغسل ملابسها بماء حار قبل لا تطلع
في شغلتين حلوه خطرت لي وسويتها....واعتقد من الاشياء المهمه الي فادتني..
بعد كل مره امشطها فيها احط الامشاط ووبانداتها وربطات شعر بكيس مفتوح فتحه صغيره جدا وادخله المكرويف نص دقيقه يتعقمون ...الشي الثاني والاهم......
اخذ ملابسها..الي كانت عليها...ومخدتها وشرشف السرسر...بعد ما اسبحها...احط مخدتها بكبرها..مو بس الغطا والشرشف واللحاف (بس اللحاف لوحده لانه كبير) ...في النشافه الكهربائيه 7 دقايق وهيه ناشفه هالحركه تعقم اي ملابس او او اي شي بدون غسيل ...(اقصد من الحشرات براغيث او قمل)...ممكن تسوينها كل يوم....لو ما عندك اغسلي كل شي بعد التسبيح مباشره ...كرري الغسيل بعد 3 ايام.من ثاني مره بتقول لك ما عد حكيت شعري ماما..ثم بعد اسبوع....لان الصيبان....بتدا...تقفس فلا تهملين الموضوع...واستمري على هذا الشمبو الروعه اغسلي شعرها كل اسبوع فيه مع شويه مشط تحت الماء الدافي للوقايه في حال انعدت مره اخرى..يروح اول باول...وهذا الي بسويه طول ما هم في مدارس توقعي القمل باي لحظه...فالوقايه هي الحل..ومهم يكون لها فرشه شعر ومشط ومنشفه خاصين فيها طول فتره العلاج..والله يشفيها يارب