مشكلة الازدحام المروري ؟!

[Zoozie]

حتى احنا بالبحرين عندنا مشكلة الازدحام المروري خصوصا الصباحي

وطبعا هالمشكلة في كل دول العالم بعد انفس بشرية ما شالله لا اله الا الله

سمحوا لي بس انا اجوف الكل له حق يسوق وياخذ سيارة .. كل واحد وحر في ماله سواء كان ولد البلد ولا من بره وعايش ولا زائر

اكو احنا وانتوا لما نسافر نأجر لنا سيارة ساعات محد اعترض وخصوصا عندنا سيارات الخليجين ينبعون ما شالله

جزء من المشكلة اهوه كثرة السيارات أكيد بس لما نقول يلا خل نمنع ذي وذي ونعيب على فلان شلونمصدق روحه وماخذ له سيارة هني لحظة محد احسن من احد

المشكلة في رايي:

- مادري إذا حالتكم نفسنا بس تعديل الشوارع .. ما يحلى لهم تعديلها الا حزة طلعة الناس من الدوام ويسدون منفذين من اصل ثلاثة و تتكدس السيارات على بعضها

وشرطي المرور إن تواجد في المكان ما يسوي اي شي غير يقلب في الوان الاشارة

وإذا قاعدين يعدلون / يكنسلون دوار اوووه بعد هاي عوار قلب من الزين لا شرطي مرور ولا يحزنون

- التزام الناس شبه معدوووم يا واحد يمشي 40 وما تقدر تتجاوزه يا واحد طاير يتجاوز ذي وذي على أساس وراه دوام واحنا ورانا بطيخ يعني!!! واللي ياي ويعترض عليج ووراه يقلدون عشرة هاي بعد صارت زحمة ثانية.

- أوقات المدارس الخاصة غير عن الحكومية يعني اللي يشتغل في وزارة تصيده زحمة مدارس الحكومة واللي في الخاص تصيده زحمة باصات المدارس الخاصة وآخ من تجاوزات الباصات وأولياء الأمور .

- عندنا في البحرين محبين التايرات ( لا تعليق ) ما يقصرون يحبون الناس ويخافون عليهم ويحافظون على ارواحهم ويستاهلون وسام الشجاعة والوطنية ويستاهلون نسوي لهم تمثال على بطولاتهم اللي راح يكتبها التاريخ بحروف من ذهب واللبيب بالإشارة يفهم .

- الناس نفسها اول سبب للمشكلة .. شغله 8 والطريج نص ساعة سي السيد طالع من البيت 8 الا عشر ويقعد يتحلطم على الزحمة!!!

- الشاحنات مفتوح لها المجال تطلع 24 ساعة المفروض وقت الدوامات ممنوع نهائيا الشاحنات تطلع ويحددون لهم اوقات معينة .

- المسؤولين ما يرحمون المتأخرين دقايق وحتى لو المتأخر اعتذر وقال انا بعوض تأخيري وبقعد ربع ساعة اللي تأخرتها بعد الدوام الرسمي ما يفيد .. بس الظليمة شينة في بعض الشركات والوزارات يعطونك فرصة 10 دقايق وعقبها يحسبون تأخير

هاي تحليلي للمشكلة والحل في يد الناس والمسؤولين

أؤيد بعض النقاط اللي ذكرتيها
وبخصوص محبين التواير
يبتيها على الجرح والله
الله ينتقم منهم

 

[RowTow]

شي طبيعي الزحمه,
الناس معظمها تطلع بوقت الذروه, فشي متوقع إنها تصير زحمه. و حتى بالدول المتقدمه زحمه يعني مو بس عندنا.

و بالنسبه حق الوافدين و سياراتهم فهذا شي طبيعي و من حقهم, اهم يشقون و يتعبون و يشتغلون مثلهم مثلنا, من أبسط حقوقهم إنهم يرتاحون بروحتهم و ردتهم.
الراحه و السيارات مو حكر علينا دونا عن الخلق.

 

[e.ngland]

والله كنت فيلسوفة من يومي هههههه