مشكلة اخوي .. مادري شنو حلها؟!! ربي يوفقكم دشوا

[بحر الذكريات]

تصير فيني

صرت ماعرف اركز وماعرف شنو ابي بالضبط ولارحت السوق ماعرف شنو اشتري!!

الله يشفيه ويخليه لكم

خل يقرا سورة البقره ويكثر استغفار

 

[yummy]

الله كريم
يعورني قلبي لما اشوفه حالته الله يعينه يارب مادري شلون اطلعه من اللي اهوا فيه

 

[خالده الفارس]

لازم يداوم على سورة يس كل يوم الصبح ...
وكل يوم يطلع صدقة مو شرط مبلغ وايد يعني حتى لو خرده ..ز يخليهم تحت راسه باللي والصبح قبل ما يوصل دوامه يعطيهم حق أي أحد ...
غير جذي خل يقول (رب اشرح لي صدري ويسر لي أمري وأحلل عقدة من لساني ) والله يسهل أموره ...

 

[yummy]

آمين يارب
مشكورين ماقصرتوا ربي يجزاكم خير

 

[أنت الغرام]

خليه يقول يوميآ من 20 مره واكثر .... (أنا قررت اليوم أكثر يوم أكون مركز ومنتبه وقوي. و.... الخ ) بصوت واضح اهو يسمعه ويكرر الجمله.
صدقينى هذه العباره من دكتوره مختصه ... علمتنى عليها وصج انفعت معاي....
وان شاء الله ربي يقويه ويحفظه من كل سوء .....
وانتى حاولى تفهمين شنو طبيعه شغله ومنو اللى يقعد معاه بالدوام يمكن اهم مأثرين بتفكيره .... و بعض الناس لا شافوا الشاطر يموتون من الحره ويحاولون يكسرون بشخصيته وقوته .....الله يحفظه إن شاء الله

 

[أحبه موت]

حبيبتي يمكن في موضوع يخص اخوج وهالموضوع مأثر عليه وشاغله لدرجة ان اتحسينه مو معاكم وكله سرحان
أو يمكن عين وماصلت على النبي ماتدرين
خلي يرقي نفسه ويقرا أذكار الصباح والمساء على طول

 

[yummy]

والله اهوا في موضوع شاغل باله بس اهوا من بدت وياه الحاله من توظف وطبيعة شغله(تعامل مع الناس) بس الحين زايد حيييييل
وانا قاعده احاول اطلعه من اللي اهوا فيه

الله كريم

 

[ALQA6WAH]

طبيعة الرجال غير المره الرجال يحب يكون تركيزه على موضوع معين اذا خلصه يشوف الموضوع اللي بعده
اما المره فعادي تفكر باكثر من شغله بنفس الوقت فـ اللي يمر به اخوج شي طبيعي ..
ومحتاج يروق ويفكر ينهي تفكيره بالموضوع اللي شاغله ولا يشل تفكيره التركيز على حالته اللي يعيشها الحين
لان المشكله بالتفكير بالمشكله نفسها ,,

 

[bnt_shyo5]

يا حبيبتي يمكن احد فاز له او عين
شوفي ودوه عند مطوع يقرا عليه ما فيها شي وشغلو ببيتكم قرآن
بالمسجل وخلوه مشغل من الصبح الى بليل وانشالله فيه فايده

 

[رند]

رد : مشكلة اخوي .. مادري شنو حلها؟!! ربي يوفقكم دشوا

صابته عوينه
الناس ماعاد تعطي خير
خل يقرا سوره البقره ويخلي مطوع يقرا عليه
والله يحفظه

 

[اميره1980]

لازم ترقونه
اقري عليه كل يوم المعوذات و آيات الرقية الشرعية و سورة البقرة و الله يشافيه يا رب

 

[حبيبة أهلها]

رد : مشكلة اخوي .. مادري شنو حلها؟!! ربي يوفقكم دشوا

هلا حبيبتي الحل انة يتقرب لرب العالمين ويروح عمره يغير جووو والله يشرح صدرة ...

 

[منيرة خالد]

الافضل انه يسوي تحليل وفحص عام >> يروح دكتور باطنيه بمستشفى خاص احسن اريح له من لوية الحكومه (( احتمال يكون عنده نقص بالحديد او الكالسيوم او الفيتامينات ترا تأثر على الانسان ))


وفي شغله ثانيه الوسواس باب الشيطان اذا دخل قلب المسلم وتمكن منه راح تسوء حالته

اول شي سوا الفحص
وبعدين يبدي بصلاة الليل وقراءة القرآن والرقيه الشرعيه

واذا ما فاد


لالالالالالالالالالالالازم يشوفه دكتور نفسي

 

[ريماس21]

الله يعينه ياااارب

بس انا اقول يكثر استغفاااار ويقرأ سورة البقره كل يوووووووووووووم

 

[حـوريـه]

إقروآ عليه يمكن عين حسد شي ؟

ترى العين حق اسم الله ..

والله يحفظه ويبعد عنه كل شر

 

[أم قـمبر]

اخذيها مني
خل اخوج يتزوج
ماشاء الله ما ينقصه شي
صدقيني خليه يتزوج بنت الحلال الزينه الي تستاهله