مشكلات الاداره المدرسيه

[اتعبني غروري 7]

السلام عليكم جميعا انسا وجنا

شعلومكم زميلات المستقبل ؟؟


















يمكن موضوعي مكانه غلط واحتمال ينقلونه قسم الطالبات بس انا قلت اهني راح الاقي الي يفيدوني اكثر


ابلات عندي تكليف عن (( مشكلات الاداره المدرسيه ))

بس محتاجه مشكلات .. بس .. ما ابي بحث كامل .. ولا مقدمه .. ولا اهداف ولا خاتمه

الي تقدرين عليه طلعيلي اياه اهني ولا عليج امر

ويكون احسن لو تحددين المشكله بين منو منو !!

بين الاداري والاداري
بين الاداري والطالب
بين الاداري وولي الامر
بين الطالب والطالب وشلون احولها حق مشكله اداريه
بين الداري والمعلم
بين المعلم والمعلم

وان شاء الله ما تقصرون معاي ...

 

[اتعبني غروري 7]

شدعواااااااااااااا

 

[Turquoiseya]

بين الاداري والاداري

عدم تقسيم العمل الاداري بالتساوي
توزيع الصفوف لاخذ الغياب والمستندات من الطلبة على شؤون الطلبة بعدل

بين الاداري والطالب

السلوك العدواني وعدم الاستجابة لعلاج الاخصائي النفسي

الاداري وولي الامر

خابرتها بين المعلم وولي الامر

الطالب والطالب وشلون احولها حق مشكله اداريه

مشكلة التنمر وهي السلوك العدواني من قبل طالب او اكثر على الطالب المسالم

بين الداري والمعلم

ما عندي فكرة

بين المعلم والمعلم

الغيرة والحسد بسبب التنافس في الاداء

اتمنى اني فدتج

 

[فلونة احلى وردة]

مشكلات الادارة المدرسية
الظلم
المدير المتكبر او الديكتاتوري
ولي الامر الظالم
المعلم اللي يضرب
الاخصائية اللي ما تكتم السر
سوء توزيع المهام والحصص والاحتياطات والمناوبات على المعلمين
روحي اشتري كتاب الادارة المدرسية للدكتور جاسم الحمدان متخصص بالادارة المدرسية
وموفقة

 

[flona99]

بين المدير والمعلم التحيز لمجموعه ضد اخرى يعني تطلب من الوكيله اتشيل عن قسم معين الاحتياطات على الرغم من قلة نصابهم وذلك لاحسابات معينه بينهم يا اننه ايبون لها جوائز او امور شخصيه يسبب القهر واللله
او بين رئيس القسم والمعلم مثلا معلم يساعد رئيس قسم او بالاحرى يقوم بكل اعمال رئيس القسم بالسلاجت اتضبطهم لها وتسوي جدول الزيارات وتطبعهم لها واجتماعات الفنيه تسويهم وتيبهم لها فارئيسه القسم مستانسه لانه شايله عنها كل شغلها فاااااااااااااااااااااااا اتغاضى عن اشياء وايد ماتطلب منها تنساها بالمناوبه بالاماكن الغثيثه فيها شمس ماتحطها تنساها بالاحتياط بالطلبات تخليها اخر وحده اوكي لو ندري احنا نضبط شغلها ونسويه لها

 

[هبونه]

بين المعلم والاداري(الوكيله) بصراحه تذل ذل علي الاستئذانات يعني مو بس تقولين لها وين المكان تبي تعرف كل شي بالتفصيل وغرفتها متروسه ومافي خصوصية الكل يعرف وياريت ترضي ؟لا تمللج وتذل الوحده والله
واللي تغيب ثاني يوم تهلكها احتياطات يعني عقاب ماتفكر سبب غيابها احتمال مريضة ولا عياللها مرضه لا عادي عندها
والاهم الناظرة معطيتها الخيط والمخيط بالمدرسة هي وكيلة وهي الصندوق المالي وهي اللي توزع الانشطة وهي التدخل السريع يعني بتاعت كله

 

[Turquoiseya]

بين المعلم والاداري(الوكيله) بصراحه تذل ذل علي الاستئذانات يعني مو بس تقولين لها وين المكان تبي تعرف كل شي بالتفصيل وغرفتها متروسه ومافي خصوصية الكل يعرف وياريت ترضي ؟لا تمللج وتذل الوحده والله
واللي تغيب ثاني يوم تهلكها احتياطات يعني عقاب ماتفكر سبب غيابها احتمال مريضة ولا عياللها مرضه لا عادي عندها
والاهم الناظرة معطيتها الخيط والمخيط بالمدرسة هي وكيلة وهي الصندوق المالي وهي اللي توزع الانشطة وهي التدخل السريع يعني بتاعت كله

ما سمعتي عن وكيلة مسمية نفسها امينة سر النشاط؟
مادري شنو هالسر اللي لاقينه بالنشاط و بيخشونه عن الباقين :dddds:

 

[(كويتيه عسل)]

بين الاداري والاداري

يعني المشاكل تكون محصوره بين السكرتيريا والاخصائيات والوكيلة والناظره

مثل مافي تعاون بينهم

التزوير في الدرجات علشان يقولون المدرسة الفلانية مافيها رسوب وصارت العام في مدرستي القديمة

ساعات الوكيلة تعاند الناظره والناظره تعاند الوكيله علشان تمشي كلمتها

الناظره تطلب من السكرتيريا شغل موشغلهم

تطلب الناظره او الوكيله تطلب من الاخصائيه تسجل الغياب ولا تطلب منها تجابل الصف وهذا موشغلها

بين الاداري والطالب

مايقدرون الظروف ولا يتفهمون يعلمون الطالبات على القسوة

طالبه تاخرت على الحصه تكون في الحمام تكرمين مايعطونها ورقه والطالبه من الخوف تخاف تروح الصف وتنزف

يعاملون الطالبة المخالف للبس ولا موقاصه اظافرها جنه مسويه جريمه خير ياطير موقاصه اظافرها شصار يعني

في مدرستي القديمه الوكيله موقفه البنات في الساحه في عز الحر في الشمس طول الحصه علشان مشاغبين

عفيه قلب مافي قلبها ذرة رحمة

بين الاداري وولي الامر

الناظرة ولا الوكيلة تقفل باب مكتبها وتقعد داخل ولا تستقبل اولياء الامور علشان تفتك من حنة اولياء الامور

بين الطالب والطالب وشلون احولها حق مشكله اداريه

مثل العنف والبويات والايمو والغيره السرقه والكذب

تتحول عن طريق المعلمه تلاحظ المشكله في الصف واذا تكررت ويفترض تتحول للاخصائية الاجتماعية

والاخصائية الاجتماعية تعالج الطالبه بطريقتها

بين الداري والمعلم

عدم التقدير ..التحيز .. والواسطات.. والتفرقه .. عدم التعاون ..الظلم

بين المعلم والمعلم

عدم التعاون .. الغيره .. الحقد .. الحسد ..