مشروعي بفتح مشغل عندكم خبره او حابين تشاركون

[baby qa6wa]

مساء الورد لاحلى بنات منتدى كويتيات
انا قررت افتح مشغل الحمدالله ذوقي وايد حلو وهذا اللي شجعني ابدي هالمشوار
لانه كل نفنوف البسه يسالوني من وين اقولهم انا رسمته و عطيته للمشغل يعني من تصميمي واهلي وصديقاتي يطلبون مني اصمم لهم
وايد احب هالمجال ومتابعه للموضه اول باول
وهمن ملابس الطلعه والزوارات انا اصممها
قررت افتح مشغل
والحيييين يا دوركم ابي مساعدتكم
عندي هالاستفسارات
اولا
ابي دراسة جدوى لفتح المشغل
ابي تكاليف الميزانية
كل شي جم راح يكلفني
من مكان وتاثيث
وتاجير ومصاريف

ثانيا
ابي اعرف اماكن التاجير ابي المكان يكون عليه اقبال او مكانه سهل مابي بمناطق بعيده
وجم تكلفة التاجير عندهم
ثالثا
واذا تعرفون احد يبي يبيع المشغل اللي عنده ?? عندكم رقمهم
او اذا في وحده حابه تشاركني ؟ هذا رقمي 97609033 اتصلوا علي لا ترسلون مسجات
رابعا
كم عدد العاملين
هل يكفي خياط واحد ؟
وكم ياخذ الخياط واللي تعرف خياط او خياطه
له فكره شامله بالتفصيل والتطريز
لانه انا مو خياطه بس اعرف بالتصميم
خامسا

ليش انتوا عسل
;****
-----------------------------------------------------------------
​

 

[حظ من عنده انا]

موووفقه. حبيبتي

 

["MisS'MoOn"]

الله يوفقج حبيبتي هالمشروع وايد مربح،،
بس يبيله وحده تشتغل صح،،
والمكان عندج سوالصفاة مال الخام فوق الخيايطه هالمكان عليه اقبال شديد،،
بس كبدايه واذا ماعندج الميزانيه الكافيه ابدي بخياطه وحده بالبيت و شاركي بالمعارض بذات قبل رمضان والاعياد وبتشوفين خير
والله سألي مجربه ،، واذا اعجبتج الشغل والناس حبو شغلج وصار عندج زباين وضمنتي ربحج فجيلج محل ،،
لانه المحل يبيله مبلغ موهين حق الخلو ،،
انا كنت فاتح مشغل بالبيت وسكرت لظروف وعندي ادوات المشغل استعمال خفيف اذا تبينهم بنص السعر اوفرلج و اذا تبين يدد بعد ادلج مكانهم وين ينباعون ( بالمباركيه جدام مطعم ماكدونلدز عندهم جميع المكاين ومعدات الخياطه فيه كذا محل )،،
وبس ادري قرقت عليج وايد بس انشالله اكون ساعدتج لو بشي بسيط
ومانبي غير دعوه حلوه منج ياعسل :yaaaaaarb:

 

[baby qa6wa]

شكرا للرفع

مس موون تسلمين للمعلومات المفيده
انا بديت من البيت والحمدالله عندي زبايني
اتوقع فيه اماكن ياجرون المحل اب 200
كم تتوقعين ميزانية المشروع لازم تكون ؟
وهل يكفي خياط واحد للمحل يكون ملم بالخياط والقص والتطريز
وعاملة استقبال
فكرتي انه مو بس اصمم للزباين بيكون في جاهز للبيع همن ممكن اصمم للمحلات وايضا تاجير الفساتين
بيكون شامل تصميم فساتين سهرة وايضا ملابس الطلعه وانا عندي كميه لا باس بها من تصاميمي للعرض في المحل والباجي يكون على حسب طلب الزبونه
ياليت اللي تقدر تعطيني دراسة جدوى للمشروع
عندها خبره بالخياطه تساعدني
وبالنسبة لمكن الخياطه دزي لي عالخاص شنو اهما اللي عندج واسعارهم

عندي هاللينك لقيته دراسة جدوى لمشغل نسائي
http://www.jcci.org.sa/JCCI/pdf/%D9%85%D8%B4%D8%BA%D9%84%20%D8%AE%D9%8A%D8%A7%D8%B7%D8%A9%20%D8%AB%D9%8A%D8%A7%D8%A8%20%D9%86%D8%B3%D8%A7%D8%A6%D9%8A%D8%A9.pdf
بس بالسعوديه مو بالكويت
اذا في احد يقدر يقدرلي التكاليف بالعمله الكويتيه وباسعار الكويت
اكون شاكرتلكم​

 

["MisS'MoOn"]

هلا حبيبتي :eh_s(6):

اتوقع فيه اماكن ياجرون المحل اب 200
الي اعرفه اكثرهم 400 وانا اشكثر خييايطه سألتهم

واذا تبين بمكان معروف لازم تدفعين خلو او أدفعين مبلغ عشان تاخذين محل
اعتقد من 6000د ك الى 15000د ك
وبنسبه لدراسه ماعندي فكره
اما المحل انا من فتره كنت اروح للمحلات وسال كنت امفكره افجلي محل خياط
وانتي تقدرين اتسوين دراسه لنفسج انصحج اتروحين لمدرى المجمعات وتسألينهم ابنفسج :rerrerek:

 

[baby qa6wa]

اي صح مشكوره
انا بحوليحصلت في الي اجارهم اب 200 الى 250 بس بالسالميه والجابريه يبدون من 400
حصلت بالسالميه خلو 5000 وبالجابريه خلو 3000 واماكنهم حلوه انا افضل هالمنطقتين
ولا تنصحون بمناطق ثانيه؟

 

[Čut!e Quèéи]

ماشاءالله عسى ربي يوفقج يا رب
ماعندي خبره ولا معلومات بس حبيت ارفع الموضوع

 

[baby qa6wa]

thxxx w yalit eli t3rf tfidni
واذا عندكم افكار ثانيه غير فكرة الصالون
وغير فكرة الاكل

او افكار جديده ممكن استخدمها بالمشغل تميزني

 

[كماشه]

ماعندي فكره بس بدعيلج عسى الله يفتحلج ابواب رزقه

 

[منال المشعان]

استغفر الله الذي لااله الله محمد رسول الله

 

[فجر_الكويت]

ان شاء الله البنات ما يقصرون معاج يفيدونج اكثر

والله يوفقج يارب واتصيرين من المصممات العالميات ويرفرف اسمج بالسما يارب

 

[Beyoncee]

الله يوفقج
بالنسبه للمحل الفروانيه فيها محلات اجاراتها معقوله
والمنطقه تجاريه وعليها اقبال

 

[خلطات المذهله]

ااااااااااااااااااااااااب

 

[أم سيف وسلطان]

ماشاءالله عسى ربي يوفقج يا رب
ماعندي خبره ولا معلومات بس حبيت ارفع الموضوع

 

[عيون ملكيه]

انا ودي افتح لي مشغل للعبي

بس مو عارفه اشلون
وزين محلات اجاراتهم 200 والله زين

وين هذول

واشلون لو بطلع رخصه تجاريه
يصير ؟

 

[lebanon night]

بالنسبة لدراسات الجدوى في كتير شركات ممكن تعملك دراسات جدوى بسعر حلو ا
بالنسبة للعقارات بلاقي السالمية أحسن لانوا كل الحركة تقريبا هون اذا بدك ممكن تحكي مع دلال عقارات و بيلاقيلك هيك شي
و بالنسبة للخامات البلوكات مليانة كل شي
و لحتى أعطيكي فكرة أفضل لهيك مشروع بتمنى لو تطلعي عهل الرابط لمشروع انا محضرته بأفكار حلوة ممكن تناسبك و بأقل التكاليف

واذا بدك أي شي اهلا وسهلا فيكي ...

 

[وحيده بدنيا]

حبيبتي عادي ادزين لي مكان مشغلج العنوان ..

ولا ادزيلي على الخاص الموديلات اللي عندج للأيجاار ..

ومشكووره .. دزيتلج اهني لانه مااقدر ارسل رساله خاصه ..

وموفقه ...

 

[حلا الألماس]

بنات اللي تبي مشغل بالفروانيه ومجهز بالكامل مع الرخصه وسعر الايجار حلووووووو
تراسلني