مشرواتي من جيان..كيك بنكهه العفن الاخضر+صور

[بحر الرمال]

قوه بنات شلونكم..

امس رحت جيان..و اهو مثل ماتعرفون هايبر ماركت كبير موجود بمجمع 360..

كنت مشتهيه حلو..لاني كنت صايمه(علي دين من رمضان اللي طاف)..رحت صوب الكرواسون و الكيك..

شفت الاكلير..خذت علبه

بالفطور بعد ماخلصت..قمت بحلي..اكلت و انا اكل كان طعمه حلو بس حسيت بنكهه غريبه..

فتحت الاكلير و عينكم ما تشوف الا النور..

دقيت على خدمه العملاء و بعدين رد علي واحد من صوته كويتي..قلت له السالفه رد علي ببرود :

تعالي و يبي الفاتوره و نعطيج قيمتها!!! يعني اطلع و اتعنى عشان 400 فلس؟

المهم انا كنت ناويه اروح بس بعدين قلت ما تسوى افشل نفسي..و حتى لو بروح شدعوه

راح يعاقبون اللي سوى الخطأ؟ راح يغطون عليه ..

و رحت غوغل دورت موقع جيان الشركه الرئيسيه مالقيته! بس حاطين فرع الكويت و دبي و

البحرين..كنت بدز لهم ايميل

المهم مدام السالفه جذي اعتقد لازم الموضوع يطلع بره..حطيت لكم اللي صار مع الفاتوره..

انا اللي صج قاهرني رد الموظف اللي مايعرف اساسيات التعامل مع العملاء..و انا اكلمه حسسني

جني قاعده اجذب او اييب كلام من عندي..


مادري شقول..

 

[منورة الكويتية]

حسبي الله عليهم
بالله تسممتي ولا تسممو عيالج
قدمي شكوى للمدير

 

[بحر الرمال]

اختي منوره دقيت عليهم هذا رد علي..
و المدير اكيد هندي (مع احترامي لكل الجنسيات) بس راح يغطي عليهم

 

[قهوة برية]

هذا من اولها ...!!

لا بالله كدينا خيرر ..!!

 

[جـــواهر]

حسبنا الله

 

[رنووبه]

ويييييييييي حسبي الله على ابليسهم

ميخالف حبيبتي المهم ان ربي عداج الشر

بس تصدقين اول مره ادري ان فتحو عنددنا جيان

وين ماكنهم بأي منطقه؟؟؟

 

[Pearl Qatar]

لاحول ولاقوة الا بالله


شلون جذي يحطون تواريخ من عندهم ..

الله يهديهم

 

[بحر الرمال]

مشكورين بنات عالرد

رنوبه

موجود بمجمع 360 بجنوب السره صوب الدائري السادس

 

[Turquoiseya]

شنو هذا! شايفين بطونا زبالة ما يجيكون على اغراضهم صالحة للاكل ولا لأ؟

 

[خاشووقه]

لا حول ولا قوة الا بالله العلي العظيم

 

[<<لمار>>]

والله كل شى صار فية غش الله المستعان

 

[doooora]

اشوا انج ما كملتي الأكل ،،، للأسف ما فيه حسيب ولارقيب

 

[شيهانه]

واااي اخطر شي الكريمه الي فيها بيض .. ترا موبعيده سالمونيلا .. الله عداك الشر والا اخطر شي البيض الفاسد

 

[سويتي الحلوه]

خطاج السو حبيبتي

 

[قوطي نيدو]

الله يستر
مرات احنا ناكل و ما نشوف

 

[زهرااا]

لا لا لا حبيبتي
انتي عندج الفاتوره
دقي على حماية المستهلك
ما يصير تسكتين عن السالفه

 

[q8iLady]

الله عدّاج الشر حبيبتي ,, و مشكوره على التنبيه

 

[um fawaz]

لان طريقه التخزين غلط عشان جذي يخترب هذا وهوا توى فاتح ....

 

[استثنائيه]

:0bee2e8d89: لاااااا

ليش كرهنا فيه

الحين مستحيل اشتري منه

مشكووره اختي انج نبهتينا

 

[happy&single]

توني يايه شارية كرواسان ودونت !!!!
ويــــــــــــــــــــــــــــــــــــــــع خل اتشيك عليهم قبل لا اكلهم
وعلى فكرة توني شريت بعد بسكوت وكاكاو من مارك سبنسر بعد في 360 مول
لقيت ان كلهم صلاحيتهم تنتهي يا اما 11/8 او شهر 9 يعني ما بقى شي عليهم عاد كنت باخذ واايد شغلات بس هونت
ايـــي والله اللي هذا اولها ينعاف تاليها