رد: رحتي ماليزيا؟؟ شنو شريتي ؟؟تعالي قولي لنا عن كلشي شريتيه
هلا و الله
انا رحت السنة اللي فاتت و شريت اكثر شي شحاطات من vincci و تنطق بالماليزي فنشي تلقينة ببي بي بلازا و اغلى شحاطة شريتها ب 59 رنجت و كلهم كان عليهم تنزيلات لان تنزيلات عالمحل من اول شهر6 ال نهاية 8.
صراحة الشحاطات شي شي والوانها غريبة و تلقين شحاطة زيبرا ببيدجاني بسلفر او اخضر مع تايقر مع ذهبي او شحاطة بربريز اسود مع فضي و احمر او مشمشي مع اسود يعني الوان دامجينها و خامات راقية و جودة تمشين بالشحاطة ماتخرب ولاتعورك رجولك
اما بونيا التشكيلة اللي عندهم تختلف شوي عن اللي بالخليج و ارخص بس صراحة ماتسوى من يوم انتشر تقليدها
انا شريت من sembonia قمة جناطها و تحسفت لأني ما شريت من carlo rinno لانهم هابين فيها. و تلقين محلاتهم ب تايم سكوير و ايضا بسوناي وانغ داخل محل كبير عندهم مثل شلون دبنهامز عندنا بس ناسية اسمة و تلقينهم بسوجو
و شريت لعيالي من ميتروجايا اللي بالتايم سكو ير ملابس و بجايم لعيالي حلوة و في بالصيني كل شي تقليد جناط و جواتي رياضة و تي شيرتات و ساعات و غيره أنا شريت جنطة وحدة بس تقليد و كم ساعة بحدود ال80 رنجت الوحدة و اخذت ساعات هدايا ب10 رنجت و كاسرتهم الى 7 رنجت الوحدة.
ومن السوق الهندي شريت كم خامة حرير بس مو حقي هدايا القطعة ب 15 رنجت ووأنا طالعة لقيت محل يبيع كلف و اغراض هدايا فدخلت اتطمش و اعجبتني علبة ب 50 رنجت فيها 50 حبة فوطة للضيوف كل وحدة اكبلا من الكف بشوي مولفوفة و مزينة بشريطة و لولو و ورد واذا اخذتي علبة الثانية مجاننا فأخذت 100 فوطة ب 50 رنجت يعني اربع دنانير !!!!!!!!!!!! يابلاش
و بسوجو حدث ولاحرج عن البضائع الحلوة
انا شريت البخور من سوناي وانغ من واحد يميني
