مشاكل جسمي تعبت منها وما انحلت !!! وانا عروس

[تحب اختها]

هلا بالكويتيات الحلوات .... والله انكم تنحبوون وتدخلون القلب .. وارتحت بمنتداكم مرررره ... فديتكم

وش اقول وش اخلي !!!

اتمنى اكون حلوووه وحاولت كثير بس للاسف مالقيت نتيجه .. وفلوسي طارت وماشفت شي

ما ادري وين المشكله ... وعرسي قرب بعد شهرين .... كثير كنت اتمنى اكون بعرسي قدام زوجي اهبببببببببل .... بس والله تعبت وتحطمت


اول شي انا وزني 50 وطولي 150 ... مشكلتي ان اغلب تراكم الوزم في البطن (( كرش)) و اطرافي نحيفه و وجهي ضعيف !!!! .... واللي يزعلني ان ام خطيبي يوم الخطوبه علقت علي وقالت لي اسمنيييييييييييي شوي !!! .... يعني انا بمعادله صعبه لازم اسمن وبنفس الوقت لازم انحف بطن لان الكرش كبر وتصفط !!!

دخلت ناااادي لمدة شهر ... وتمارين بطن وحميه .... وللاسف نحف الوجه اكثر والاطراف ... ودهون بطني صعببببببببببببه ماتنزل بسهوله ابد ابد ..... ماصرت اقدر البس ضيق عشان كرشي صرت البس وااسع وفساتين كلوووش ...ونفاش .....والكل مستغرب وشلون مكرشه وضعيفه بنفس الوقت

آآآه تعبت مرررره .........

مشكلتي الثانيه .... بشرتي تمنيتها بنضااااااااااره و رونق وتكون صحيه... سويت جلسه تقشير كيميائي عميق بمبلغ وقدره وللاسف ماااااااااااافي نتيجه ..مع اني سويتها عند دكتور استشاري وتجميل وزباينها يمدحونه بس ما ادري ليش جت على حظي اللهم لك الحمد .... شريت مجموعة هابي لوجي من جيرلان في اول اسبوع وجهي ورد وبعدها صار لي تحسس وطلعت حبوووووووووووب و وقفته ..... ارطب وجهي بمجموعة رويال واسوي اقنعه واشرب مويه وعصاير فرش بس آآآآآآآآآآآآآآآآه لاجديد يذكر .. ليش ما ادري!!!!

شعري قعدت سنه كاااااااااااااااامله لا استشوار ولا اعرف الصبغه ابد وبس ادهنه بزيوت طبيعيه واسوي له خلطات سدر ... وشامبوهات وبلسم .... واستشورته بخطوبتي مره ومن بعدها صرت امشطه ويتقطع من نصه ... الشعره هشششششششششششششه وتتساقط وفاقد النظاره وناويه اقصه بعد زواجي للرقبه ... لانه طويل ماشاء الله ... بس وش فايدة الطول وهو مو صحي .... لاتقولون عين لاني احافظ على الاذكار اللهم لك الحمد


يا خواتي .... زواجي قريب ..... ومليت ماخليت عيادات واهتم بالبيت والنتايج ماتذكر .. او مؤقته ولازم مداومه .....

طفشت ... تعبت ..... ودي اصير حلووووه .... ودي اصير اتغير وابهر زوجي ..... الحين بوصل له شعر مقطع و جسم نحيف وكرش كبيررر !!!!! ورقبتي مسمره مع اني سويت لها تقشير بالعياده ومرطبات ..... تعبت يابنات ...

اتزوج ببهذلتي ... طيب اجتهد واهتم .. هذا انتم شفتوني نادي و عيادات ومافي حل ..... وام زوجي علقت وتقول اسمني اجل لو شافت كرشتي وش بتقول على هالنحف !!!!

انهرررررررت و وصرت اتهرب من الزواج ...... شوروا علي ... انصحوني بجدول عنايه مجرب ....

الله يجزاها خير اللي بتوقف معاي وبتنصحني ... عسى ربي يحقق لها كل امنياتها ويفتح لها من ابواب رزقه وعافيته وتوفيقه ورضااااااااااااااه ...... ويجملها بعين زوجهاااا ..


ولاتنسون سورة الكهف تقرونها عشان ربي ينور لكم بين الجمعتين ... وكثروا الصلاة على النبي اللهم صلي وسلم عليه ......

 

[Tom ♥ Jerry]

,


ينقل موضوعج لقسم العرايس♥

 

[عزوتي خمس صقور]

الله يعينج طلي ع مواضيع مزيونه وشقرا

وللكرش شربي شاي اخضر 4 اكواب باليوم او زنجبيل

 

[Beauty paradise]

سوي تحليل دم

لان العنايه اساسها من الداخل

 

[قلبها خالد]

قلبتي على المواجع حتي انا فرحي قريــب ..~ وفوق اهتمامي ماحس اني وصلت للنتيجه اللي ابيها...~

الله يعينك ويعيني ويعين الجميع .... استعملي صابونيه مزيونه وشقراااء ..~ الكل يمدحها وحلوه ... وفيه بعد خلطه 2011 موجوده بالنت كثيير جربوهاا ونتايجها مره رووعه ...~

وبنسبه لشعرج فيه فتامين قليله فيه كلمه خطير فتامين كبد الحوت

وبالنسبه لبطنج ...~

سوي تمارين بس للبطن ابعدي عن الحميه الكليه للجسم كله دامج نحيفه لو بتسووين حميه لجسمج كله عشان كروشتك بتنحفين كلج
اخذي فرره على النت فيه تمارين خااص للبطن استمري عليه يوميا وبتشوفين النتيجه باقل من شهر ..~


بالتوفيق حياتي ..~

 

[قآنون كيفكـ!!]

هلا بالكويتيات الحلوات .... والله انكم تنحبوون وتدخلون القلب .. وارتحت بمنتداكم مرررره ... فديتكم

وش اقول وش اخلي !!!

:eh_s(17)::eh_s(17):

اتمنى اكون حلوووه وحاولت كثير بس للاسف مالقيت نتيجه .. وفلوسي طارت وماشفت شي

ما ادري وين المشكله ... وعرسي قرب بعد شهرين .... كثير كنت اتمنى اكون بعرسي قدام زوجي اهبببببببببل .... بس والله تعبت وتحطمت


اول شي انا وزني 50 وطولي 150 ... مشكلتي ان اغلب تراكم الوزم في البطن (( كرش)) و اطرافي نحيفه و وجهي ضعيف !!!! .... واللي يزعلني ان ام خطيبي يوم الخطوبه علقت علي وقالت لي اسمنيييييييييييي شوي !!! .... يعني انا بمعادله صعبه لازم اسمن وبنفس الوقت لازم انحف بطن لان الكرش كبر وتصفط !!!

للكرش شربي جاي اخضر
وعبي لج مطارة قشر قهوة مع قرفة وشوية كمون وزنجبيل وكل يوم شربي منها كوبين ولو تستبدلينها عن القهوه افضل لج ..
ام ريلج ماعليج منها طوفي حبيبتي انتي بعدج ماسمعتي راي ريلج يمكن يعجب بجسمج بعد نظر امة مو نظره

دخلت ناااادي لمدة شهر ... وتمارين بطن وحميه .... وللاسف نحف الوجه اكثر والاطراف ... ودهون بطني صعببببببببببببه ماتنزل بسهوله ابد ابد ..... ماصرت اقدر البس ضيق عشان كرشي صرت البس وااسع وفساتين كلوووش ...ونفاش .....والكل مستغرب وشلون مكرشه وضعيفه بنفس الوقت

آآآه تعبت مرررره .........

مشكلتي الثانيه .... بشرتي تمنيتها بنضااااااااااره و رونق وتكون صحيه... سويت جلسه تقشير كيميائي عميق بمبلغ وقدره وللاسف ماااااااااااافي نتيجه ..مع اني سويتها عند دكتور استشاري وتجميل وزباينها يمدحونه بس ما ادري ليش جت على حظي اللهم لك الحمد .... شريت مجموعة هابي لوجي من جيرلان في اول اسبوع وجهي ورد وبعدها صار لي تحسس وطلعت حبوووووووووووب و وقفته ..... ارطب وجهي بمجموعة رويال واسوي اقنعه واشرب مويه وعصاير فرش بس آآآآآآآآآآآآآآآآه لاجديد يذكر .. ليش ما ادري!!!!

اهم شيء اهتمي بالترطيب لانه حتى لو استخدمتي شيء طبي وانتي ماترطبين مايفيد فيج
وانتي عارفة طبيعة الجو يبي لج كل ساعه ترطبين واذا بشرتج جافة الله يعينج بالدقيقة
ويهج خذي لج ابرة نضارة وابرة فيلر نفخ خدود بس انتبهي لازم دكتورتج ثقة ويطلع ويهج طبيعي
كلي فيتامينات شوفي عندج ارمال جربت فيتامين (تركبية الشعر والبشرة والاظافر ) لون الحبة اخضر
حلوة وحسيت اظافري تغيروا معها


شعري قعدت سنه كاااااااااااااااامله لا استشوار ولا اعرف الصبغه ابد وبس ادهنه بزيوت طبيعيه واسوي له خلطات سدر ... وشامبوهات وبلسم .... واستشورته بخطوبتي مره ومن بعدها صرت امشطه ويتقطع من نصه ... الشعره هشششششششششششششه وتتساقط وفاقد النظاره وناويه اقصه بعد زواجي للرقبه ... لانه طويل ماشاء الله ... بس وش فايدة الطول وهو مو صحي .... لاتقولون عين لاني احافظ على الاذكار اللهم لك الحمد..
حبيبتي انا سمعت انة السدر بعد ماتتركينة يطيح الشعر
مشكلتنا انة كل تجربة نسمع عنها نطبقها ولا نبحث عن اضرار مكوناتها
انصحج تراجعين عيادة



يا خواتي .... زواجي قريب ..... ومليت ماخليت عيادات واهتم بالبيت والنتايج ماتذكر .. او مؤقته ولازم مداومه .....

من بغى الدح ماقال اح
كل شيء يبي له صبر
واستمرار

طفشت ... تعبت ..... ودي اصير حلووووه .... ودي اصير اتغير وابهر زوجي ..... الحين بوصل له شعر مقطع و جسم نحيف وكرش كبيررر !!!!! ورقبتي مسمره مع اني سويت لها تقشير بالعياده ومرطبات ..... تعبت يابنات ...

اهم شيء ثقتج بنفسج شوفي نفسج حلوة مايسوى عليج كل هالتحلطم :eh_s(7):..

اتزوج ببهذلتي ... طيب اجتهد واهتم .. هذا انتم شفتوني نادي و عيادات ومافي حل ..... وام زوجي علقت وتقول اسمني اجل لو شافت كرشتي وش بتقول على هالنحف !!!!

انهرررررررت و وصرت اتهرب من الزواج ...... شوروا علي ... انصحوني بجدول عنايه مجرب ....

الله يجزاها خير اللي بتوقف معاي وبتنصحني ... عسى ربي يحقق لها كل امنياتها ويفتح لها من ابواب رزقه وعافيته وتوفيقه ورضااااااااااااااه ...... ويجملها بعين زوجهاااا ..


ولاتنسون سورة الكهف تقرونها عشان ربي ينور لكم بين الجمعتين ... وكثروا الصلاة على النبي اللهم صلي وسلم عليه ......

بقولج انا استخدم الدوكين فور مرتين باليوم للمناطق الغامجة
خلطة شالسالفة اتفرك فيها مع حمام البخار > حمام البخار اسبوعيا بس ماادش الخيمة لان كثرتها تسمر بس افتح الجهاز بالحمام ..
اسكينول افرك فية المناطق الغامجة ..
خلطة لوشني يتحدى كل اللوشنات يهبل يخليج ززبدة من النعومة ..

دعواتج اذا افدتج :eh_s(22):

 

[كويتيه فرنسيه]

عندي اقتراح سوي شفط للبطن وبدهونه عبي الوجه وبيصير عندج خدود

استعملي كريم رتن اي والدكوين فور بالليل يصفون البشره ويعطونها نضااره وطبعا لازم حمايه من الشمس بالصبح

وبالنسبه للشعر حطي حلبه مطحونه مع الحنه تكثف الشعر واكلي فيتامين للشعر

واهم من كل هذا خلي ثقتج بتفسج عاليه دايم امدحي نفسج قدام الزوج واهله ترا من كثر ماتمدحين بيقتنعون والله الثقه اهم من الجمال بكثير

يعني قولي دايم رفيجاتي يمدحون شعري ونعومته وكثافته وفعلا الزوج واهله بيشوفونه كثيف وحلو

وامدحي بشرتج قولي الكوافيره تقولي بيبي فيس ناعمه وحلوه وبيقتنعون<< هالشي مجرب من حريم واجد ماينبلعون بس بالطريقه هذي صارو ملكات جمال بعيون العالم

 

[Beautiful soul]

يختي شلون 50 وكرش احس بالعكس رشيقة
دام تقولين سويتي كل شي ومانفع سوي لايبوسكشن يشفطون الدهون وعبي فيها اللي تبين نفس ماقالت الاخت اللي فوق
والشعر اخذي فيتامينات واحطي سدر زين للشعر واما البشرة مدري راجعي عند دكتورة زينه

وياختي كوني متفائلة التوفيق والقبول من ربنا الله يوفقج ويسخره لج

 

[مذهلة2013]

لاحول الله

حبيبتي مثل ماقالو البنات شفطي الكرش

اما للشعر حطي الخروع وايد زين

والبشره انا استعمل خلطه قراس تاجره كويتيه تبيعها خوش خلطات

موفقة

 

[^^ريهام^^]

الف مبروك يا عروس والله يتمم لج على خير

حبوبة انت عندج مشكله نقص الحديد والفيتامينات

راجعي الدكتور سراج الموسوي اللي عيادته بسوق السالمية فوق عند طفل المستقبل

راح يسوي لج تحليل شامل ، قولي له انج عروس علشان يفحص لج الهرمونات ماراح ياخذ دم بس تمسكين جهاز دقيقة وتطلع النتيجة مباشرة

ويعطيج فيتامينات ومعادن

بالنسبة للبشرة والشعر صدقيني الخلطات ماراح تفيدج اذا جسمج ناقص فيتامينات ومعادن وحديد

كثري من الفواكه خصوصا الجزر والسلطات واقطعي المقالي والعيوش ومطاعم الفاسد فود

اذا ماديتج زينة اشتركي بدايت سنتر


والبشرة يبيلها ترطيب على طول


نصيحة لا تحاولين تخلين نفسج مثالية قدام زوجج

انت بشر وعندج عيوب

لا توضحينها قدامه


اذا عندج كرش لا تلبسين قدامه شي ضيق على البطن

البسي اللي يطلع عليج حلو


لا تخلين يشوف الا الشي الحلو فيج

اول الايام لا تخلين اللمبات يشتغلون

خليج على الشموع احلى والجو رومانسي اكثر

انا بعد عندي مشاكل بجسمي

بس الحمدلله شايفة نفسي جميلة

خليج واثقة من نفسج


الله يوفقج

 

[Pinky -cat]

الحل الوحيد انج تسوين اندر مولوجي اللي هو تكسير للدهون بالبطن وتوزع بالجسم ، وبالنسبة للويه استخدمي خميرة وروب
وهالشي فعال وعن تجربة وانا ترا نفس حالتج بطني مسببة لي عقدة وجربت الشاي الاخضر مرتين باليوم وبدون سكر
والحين بحجز اندر مولوجي بمستشفى طيبة عند وحدة اسمها سمر وهاذا رقمها حبوبه 1808088 داخلي 136

 

[Maaax]

بقولج انا استخدم الدوكين فور مرتين باليوم للمناطق الغامجة
خلطة شالسالفة اتفرك فيها مع حمام البخار > حمام البخار اسبوعيا بس ماادش الخيمة لان كثرتها تسمر بس افتح الجهاز بالحمام ..
اسكينول افرك فية المناطق الغامجة ..
خلطة لوشني يتحدى كل اللوشنات يهبل يخليج ززبدة من النعومة ..

دعواتج اذا افدتج :eh_s(22):

بايش تفركي خيتو

 

[تحب اختها]

الله يعافيكم على الردود وماقصرتوا .... حبوبات فديتكم

انا سويت تحاليل وش كثر ... للدم والبطن والغدد والحديد والحمدلله كله زين ... عشان كذه الدكاتره علاجاتهم لي ماتتعدى فيتامينات و ومنتجات عنايه ... وكليت مليتي فيتامين وغيره .... وامكن النفسيه تلعب دور لاني حساسه و وحيده ... عايشه بروحي ..

وان شاء الله بشوف فكرة تكسير الدهون من البطن بس قريت انها ماتجيب نتيجه واضحه إلا مع المشي والدايت .... وبشكل عام جربت جلسات تقشير وماااا استفدت فخفت اغامر وما استفيد...

اما ابر الفيلر رحت لدكتور استشاري وقالي انتي ماتحتاجين !!! قلت وجهي ضعيف ... رجع قال ماااتحتاجين ...

الي تقول خلي علاقتك عالشموع والنور الخافت اقول والله ودي بس إلا والوحده تنكشف يوم بوضح النهار و اغلب اللبس الحلو هو الضيق مثل التيشرتات والبديهات ... لا مفررر

فكرررت اطلع كرشتي قدامه وبكييييييييييييييفه ..... يتعود

 

[Mrs.H]

لبسي كورسيه وسوي رياضة للمعدة والاهم قبل كل وجبة اكلي روب.. يعني 3 مرات باليوم يقول د.اوز ان هالطريقة تشيل البطن بمعدل 80%

بالنسبة لشعرج يبيلج تغذية من الداخل يبيلج حبوب هيرفت مرة باليوم واذا مانفع معاج الزيت جربي اشياء ثانية

وسوي ماسكات للبشرة والجسم جيكي بملفي في ماسك عجيييب وموووفقة يارب الله يتمم عليج اهم شي البركة والدعاء والاشياء الثانية مجرد شكليات

 

[ام الدرر]

حبوبة
اسمحي اعتقد انج حساسة وتوصل حساسيتج للمبالغه
ومن كلامج ماعندج مشاكل ببشرتج (حبوب-كلف- سواد)
تبين نظارة وابهار لزوجج
وزنج 50 وعندج كرش ما اعتقد بطنج كبير يسبب لج ازمه هالكثر
ممكن من الضعف وماعندج خواصر تبرز البطن
حياتي انتي اجتهدتي وسويتي يمكن فيه نتيجه بس يحكم عليها غيرك مو انتي
او انك تطلبين الكمال والمستحيل
حياتي
خلك واثقة من نفسك وقنوعه بحالك
وعنايتك خليها بحدود المعقول
عسى الله يسعدك ويوفقك بزواجك​

 

[M!SS.LOBY]

موفقة

 

[تحب اختها]

الله يعافيكم على الردود اللي تثلج الصدر ... وبسوي اللي قلتوه عسى ربي يحقق اللي ببالكم ويسعد قلوبكم ....

واشكرك يا ام الدرر .... كلامك حلووو وعجيب وقعدت افكر فيه كثيرررر ....

 

[كويتيه شماليه]

الله يوفقج ويسهل امورج لاتحاتين ادعي ربج التوفيق اهم شي

 

[يـاكـرهـي $:]

شووفي بالنسبه للبطن عندج المشد الحراري روعه وعندج من ايفلين كريم روعه للكرش داومي عليه باليوم مرتين وبتشوفين النتيجه والعيادات ماعندها الا شفطط وتكسير دهون .. هذا شي
والشي الثاني بالنسبه للضعف نصيحه اذا ناويه تمتنين ادهني جسمج عشان ماتخططين خخ واللبسي مشد للبطن
وبالنسبه للنضاره اختي اهتمي للتغذيه مو حلوه عروس وجها تعبان وعندج حبوب للبشره وللشعر بتفيدجج ان شاء الله وفيه مواضيع واجدددد بتفيدج للشعر والبشره ونصيحه تفائلي ولا تحبطين عمرججج والله يوفقج

 

[تحب اختها]

الله يعافيكم ... اغلب اللي قلتوه بسويه ... ولو اني اكرف من اول وماشفت تغير.... امكن لان النفسيه مو ذاك الزود

بعدي ياكرهي ... ترا جسمي مخططط ارتاحي فديتك .... بكل مكان الخطوط كنت سمينه اول وبعدها ضعفت ... كل شي موجود عندي من خطوط من سيلولايت من كل شي .... بس ماكو نتايج... وجاني احباط .... اجل ليش كاتبه موضوعي ... لاني جربت ورحت عيادات ونوادي حتى الليزر للخطوط والتشققات سويته ... هو جهاز شفط بتقنيه ضوء ... وشفت عيونكم خسارة فلوس عالفاضي .... والفيتامينات بس ابلع اشكال والوان ومافي فرق.... شكلها النفسيه والوحده