مشاكلي مع امي :(

[بطوووطة$بيضة]

انا كانت مشكلتي نفسج وقلتها اهني وكل البنات هاجموني

واللي قالت لو امي تطلب مني كل معاشي اعطيها طبعا الحجي سهل

وامي هذاك اليوم تبي اخذلها قرض ..كل يوم طالعين في سالفه وطبعا اهلي مو محتاجين

انا اقول سوي اللي يريحج

 

[حبيبه ببي]

يااختي اناشقول اللي عندي نسره ملووعه كبدي

 

[Special eve ~]

انا اقولج طلعي معاها غيري جو وفضفضي لها بهداوه منها تعرف شاللي فخاطرج وانتي تعرفين شاللي بخاطرها
واذا عالفلوس حدديلها من راتبج مبلغ وعطيها اياه شهرياً .. وعليج بالدعاء ثم الدعاء

الله يحنن قلبها عليج ويرزقج برها^^

 

[LiL LiLeY]

عسى الله يحنن قلبها عليج

 

[ظبية بوظبي]

لا لا تطلعين من شغلج انتي جنيتي
ترى دوامج هو شوي يشغل بالج عن امج
بس لو طلعتي ما بيكون عندج شي غير تفكرين في امج طول الوقت
وبعدين الراتب عز يعز الوحده عن اهلها وحتى عن زوجها
وبعد يعطيج قيمه اكبر عند اهلج لان يحسون انج قد المسؤوليه وصرتي تكدين حالج حال الراشدين
وخلاص اشغلي نفسج بشي مفيد وبعيد عن امج
ويكفيج ان خواتج حاسين فيج
ونصيحه ..اعطي بس من غير ما تخلين احد يستخف فيج ..ويمص دمج
بس مب معناته تقعدين تمنين
لا اعطي بس بضوابط
وبعدين ليش تشكين للناس ناسيه ربنا
نصيحه كل ما تعبتي قعدي ادعي الله وانشغلي بذكره
بجد برتاحين نفسيا وامورج بتتيسر

 

[el.mlkaa]

ووويييييينج شششششصآآر علييييييييج ؟؟َ!!!!

 

[العوبأأأ]

اليوم رضت تطلع معاي بس ماطلعنا لا كوفي ولا عشاء لاااني اعرفها بتقولي مالي خلق ومابتطلع معاي

وقعدت طول الوقت افكككر وجا في بالي اخوي الصغير توه ناجح وقلت اسويله حفله منها افرحه ومنها هي تجي واتكلم معاها يمكن يطيح الحطب


وقلت لها تعالي معاي بنروح ناخذ اغراض للحفله وابي تختارين معاي واخذتها هي واخوي الصغير ورحنا نشتري اغراض

وبعدها قلت انا بنروح نتعشي ورحنا مطعم بس كل شي عادي تكلمني عادي وتسولف معاي عادي بس مو مثل اول تحسين ترد علي قد الجواب بس وانا اضحك واسولف مع اخوي وقلت لها انا عندي جلسة ليزر تجين معاي قالت طيب وسكتت

يعني مااحسها تاخذ وتعطي زي اول وانا بيني وبينكم استحيت افاتحها بشي خفت يخرب كل شي قلت خلي الامور تمشي زي ماهي

بس من هالطلعه احس اني ارتحت ورجعت البيت وننننمت وقمت اقولوكم وش صارر​

 

[Moe love]

كل فلوووووس الدنيا ما تغني عن الام

حبيبتي يمكن انتي تغيرتي من اول ما توظفتي وصرتي تركزين على معاشج او شايله ايدج من كل شي بالبيت !!
لان مستحيل مستحيل الام بتغير جذي فجأه !!
قعدي معاها قعدت صراحه بروحكم واساليها شنو سلبياتج ، لا تعذرين لنفسج من البدايه اسمعي كلامها كله تخلص حاولي انج التبريرين بس بالصج
انتي ضناها مستحيل بتقسا عليج والتغير فجأه في سبب للموضوع والسبب فعل انتي سو يتيه وما عجبها وحبت تواجهج فيها ..
لان اكثر كلامج تطلب مني ، انا عطيتها ، عطت اخواني من فلوسي وانا ما تكلمت ..... سالفتج مع الفلوس !

لا تطلعين من الوظيفه لان المشكله مو الوظيفه المشكله فيج انتي....