رد : مشاكلي معاه مالها حل وأنا تعبت وانهرت خلاص ...
السلام عليكم ...
بعد قلبي كويت ليدي ذكرتيني باختي
اللي كل من قال لها زوجج مسحور و سوى نفس سوات زوجج ولا هامه حتى ابوي كلمه و هم ماكو فايده
و كانت تقولي اصبر على بلواه و ادعي ربي عسى الله يهديه ولا اخلي عيالي ينحرمون من ابوهم
بيني و بينج الكلام نوعا ما صحيح بس هم في غلط
الحيااة الزوجيه ما انبنيت علشان هالعيشه وربج عطى الزوجين الحق بالانفصال إذا ربج ما وفق بينهم ...
حبيبتي
تدرين شنو انتي عندج حق القانون ؟؟؟؟؟؟؟!!!!!
تدرين لو تمادا شنو لج من القانون الكويتي
حبيبتي الحمدلله انج كويتيه
لج حق طلب مسكن و سياره و نفقه حق عياله
اتقدرين تبهذلينه تبهذل
و الضرر راح يروح وطي فيها
قوليله انا اقدر اخليك تبجي دم ... و احرنك من شوفه عيالك و تقدرين كل شيء تسوينه
ولا تحاتين موضووع النفقه النفقه لو تأخرت تقدرين ترفعين عليه دعوى وراح يصير لج مثل الحنطووور
انتي تمشينه على كيفج ...
وانتي توج بزهره شبابج
لاتضيعينها مع واحد مو كفوو
ولاتنسين ان عيالج لما يشوفون تصرفات ابووهم اهم راح يتضررون كذلك ...
و ان شاء الله ربج يرزقج بزوج ثاني احسن منه و انظف منه
انا مستحيل اعيش مع زوج خاين لو وصلت السالفه قطع ارقااب
حبيبتي ...
وايد ازواج مطلقين يبيون زوجات مطلقات و طيبات ... ووايد رجال محرومين من الأطفال .. وزواجج مهم نعمه لهم ولج يا قلبي
لا تاخذين الحياة انه اهو زوجج ولا ماكو ما اعيش ....
الله يعينج وترى القانون مع المراه يا كويت ليدي ولا تخافين
...
