مشاكلي معاه مالها حل وأنا تعبت وانهرت خلاص ...

[Q8Lady]

صباح الخيـــــــــر


بنات أنا من قبل كتبت لكم مشكلتي مع زوجي يوم طقني و طردني من البيت قبل جم شهر ، وعقب كتبت لكم اني بعد الطق بجم يوم اكتشفت خيانته !!

يعني انا وحدة صارلي 3 سنيــــن وانا عايشة معاه بدوااااااااااامة من المشاكل التافهه و الخيااااااااااامة والاهاااااانة والاهماااااال والتقصير من كل النواحي

بس اللي لاحظته تقريبا من سنة او اقل شوي زوجي قلب مرة وحدة قلب قلبة قشرة صار انسان ثاني وخصوصا بالخمس شهور الأخيرة

قلب مرة وحدة تغـــــــــــــــــــــــــــير 180 درجة !!!

والحين حاليا حياتي معاه مثل مابقولكم

طاااااااااالع 24 ساعه يعني يرد من الدوام ينام او ماينام ويطلع ومايرد الببيت الا الساعه 3 او 4 الفجر ومن السهر ساعات مايقدر يداوم كثرت غياباته وتأخيراته

ينام برا البيت عااااادي على بو راحت علي نومة !

مايحط ايده بشي بالبيت أنا صرت ريال البيت

أودي اليهال الطبيب اروح اييب التموين اشتري من الجمعية واسوي كل شي

لا تقولون لا تسوين وخليه يسوي يقولي ماعندي فلوووس ولا مشغول وماقدر اقصر انا على عيالي ولا اشوفهم مرضى وما اوديهم الطبيب ، واذا نطرته اهوا يسوي عيل انطر ياحمار لين يجيك الربيع !!!! مايهمه شي كلش

اذا طلع مايرد عالتلفون او يسكره

ربعه حاشرهم بحياتنا واهم حسبي الله عليهم ساس البلا ويدقووون عليه بكل وقت الصبح الفجر الظهر كل وقت واذا واحد قاله تعالي الحين يرووح له طيارة بأي وقت

والله العظيم والله العظيم أنا تعبت يابنات وانهرت وماااااااااااااااااااااقدر اتحمل بعد

المشكله انا ماقدر أطلب الطلاق لظروووف خاصة باهلي ولا اقدر اهد البيت واطلع ظروفي شوي صعبه وسامحوني ماقدر أوضح أكثر يعني بالنسبة لي الطلاق صعب صعب جدا

الحين زوجي تماااااااااااادى حيييييييييييل قام يطقني على اتفه الاسباب و يسبني ويهني وياخذ تلفوني وسيارتي واغراضي ويمنعني حتى من الدوام ساعات !!!

مهمل لاخر حد عياله مرضى ماااااااااااااااااااااايدري عنهم ولا يسأل عنهم البيت مايدري شناقصه وأنا عيزت مت وانا اقوله سو جذي ييب جذي عدل هذا صلح هذا سااااااااااااااحب عليي ولا يهمه ويقولي انزين ولا يهمه

دايما يقولي انتي مو سنعه !!! انزين ليش !!! بس جذي !!!! ويقولي أكرهج !!!

يتعمد يهيني ويضايقني

انا احس كرامتي راحت

حياتي معاه جحيييييييييييييييييييييم والله ياببنات

سويت له كل شي عاملته بكذا طريقة مافي شي باين بعينه ولا يهمه يقلب والله بدووون سبب او على اتفهه الاسباب !!

وللعلم هو قبل ماكان جذي كان احســــــــــــــــن بوااااااااااايد وفجأه بدا يتغير

يقولي انا ابي اعيش حق ( وناااااااااستي ) ابي اطلع واستانس بشبابي ولا تبيني اصير شايب وانا ما استانست !!!

اقوله انزين وعيالك لهم حق عليك !! يقووولي بالطقاق ابي استانس

مقصـــــــــــــــــــــــــــــــــــــــــــــــــــــــــــــــــــــــــــــــــــــــــــــــر معااااااااااااااااااااااااااااي

اهماااااااااااااااااااااااااااااااااااااااااااااااااااال

ما اشوفه بالبيت كله براااا

طلبااااااااااااات ربعه مجااااااااااااااااااااااابه وانا بالطقااااااااااااااااااااااااااق

وكل شوي يقولي مو عاجبج اخذي اغراضج وروحي حق اهللج !!!!!!

شسووووووووووووووووووووووووووووووووووووووووووووووووووووووي

ورب الكعبة تعبت ويهي طلع فيه تجاعيد وانا عمري 24 سنة

انهرت خلاص مافيني شدة اتحمل

شسوي تكفووووووووون قولولي

مرضت وطحت بالمستشفى واهوا لااااااااااااااااااااااااااا همه

منكد علي حياتي لاني قادرة اهده ولا قادرة اتحمل

في واااااااايد ناس قالولي زوجج مسحووور مبين عليه !!!

تعبت وربي تعبت

مابي امرض ولا اموت من الهم عيالي محتاجيني ربي يخليني لهم

تكفوووووووووووووووون عطوني حل ولا ادعوووووووووووووووووووووووووووولي الله يرفع عني البلا

 

[نطوووعه]

رد : مشاكلي معاه مالها حل وأنا تعبت وانهرت خلاص ...

حبيبتي ظروفج و حياتج ويا زوجج حدهت صعبه! فهل معقوله ان ظروفج اللي تمنعج من الطلاق وانج ترجعين لاهلج او انهم يوقفونه عند حده اصعب بواااايد من حياتج ويا زوجج! ماتوقع شنو اصعب من عيشتج هذي؟؟ حاولي تسهلين على روحج لجأي حق اهلج مافيها شي ياريت توضحينلنا سبب انج ماتبين تدخلين اهلج بالموضوع ولا تقدرين اتطلقين؟

 

[فاقده ابوهاااا]

رد : مشاكلي معاه مالها حل وأنا تعبت وانهرت خلاص ...

انا حاسه فيج والله وعورتي قلبي المشكله مثل ما قلتي ما تقدرين تتطلقين لان الكل عارف شنو نظام الاهل وشنو تفكيرهم واذا ضليتي معاه وجوده مثل عدم واذا اقولج خلي كل شي عليه واهو يصرف ويودي واييب ادري ومتأكده انه ما راح يسوي وادري بقلب الام لو شنو تتقطع وتتعب وتروح عافيتها بس اهم شي عيالها لا يتعبون او تشوف شي ناقصهم بس المشكله اذا ريل جذي انا اقولج مافي فايده فيه الا ربج يهديه الضرب بالميت حرام وهذا ريلج على كلامج خلالالالالالالالالالالالالاص ماكو احساس انعدمت المسئوليه عنده وكل همه وناسته اهو وبس وربي يعينج حبيبتي كل الي اقدر اقوله وانصحج فيه ان تطلبين له الهدايا وكل شي بأيد ربج اهو الهادي وربي يسخره لج ان شاء الله

 

[++The DuchesS++]

الله يهديه لج يارب

 

[Elizabeth]

الله يهديه لج انشالله ويبعد عنكم عيال الحرام ويقرب منه عيال الحلال بس حبيبتي اسمحيلي شلون ظروفج تمنعج؟ مهما كانت الاسباب البنت لازم وراها ظهر اهل يكلمونه وضعه مو مال تسكتين اكثر يطق ويهمل عياله !! انزين اهله مافي احد يكلمه؟؟؟ امه ابوه اخوانه ؟؟؟ريلج انسان طايش وماعنده مسؤولية وانتي عودتيه انج شايلة كل شي لا تصرفين على البيت هذا الشي اهوا مسؤول عنه !!!! يعني اهما عيالج بروحج؟؟؟

مهما كانت الاسباب لازم تحطين حد لا تطوفين وتسكتين عنه تمادى وايد

 

[Q8Lady]

اقدر أروح لاهلي واطلب الطلاق واتطلق
بس ادري ان حياتي عندهم راح تصير أسوء اهلي مايحبون فكرة الطلاق ولا لهم خلق يربون عيالي !!!
ونظرة اهلي للمطلقة نظرة سطحية وانا اعرفهم عدل
ماتسوى علي باجر انحرم حتى من دوامي على بو مطلقة ولا عيالي ينزفون على اتفه الاسباب جدامي
عرفتي ليش ظروفي صعبه
وبالحالتين الوضع صعب
زوجي نار واهلي نار
وكل وحدة تعرف طبيعة اهلها عدل اذا بيتقبلونها ولا لأ !!!!
تكفووووووون افهموني

 

[باربية الكوووويت]

الله يعينج

 

[بنوته الحقوق]

رد : مشاكلي معاه مالها حل وأنا تعبت وانهرت خلاص ...

حياتي انتي ..
مو عارفه شقول بصراحه ..
بس مااقول الا ربي يحنن قلبه عليج وعلى العيال ..
واذا مسحور مثل ما تقولين فربي يشفيه ويقلب حوبته للساحر يا رب..
ما يهون عليي اشوفج متكدره جذي..
ديري بالج على صحتج علشان تديرين بالج على اعيالج ..
ومثل مو مهتم ريلج فيج وراخصج ...ارخصيه واهمليه ..
واذا رد وطقج لازم تعلمين احد كبير بالعايله يتفاهم معاه..
انتي مو بهيمه عنده انتي زوجه يعني انسانه والمفروض شريكه حياته..
تقدرين ترفعين عليه قضيه بمحكمه العدل حبيبتي لانه ما ينسكت له..
وربي يكون بعونج ويصلح امورج وامور اهلج يارب ياكريم ..​

:nbvppw:

 

[الأميرة جوري]

رد : مشاكلي معاه مالها حل وأنا تعبت وانهرت خلاص ...

عطيه طاف مادامج قايمه بامور اللي اهى المفروض تكون من مسؤلياته واهو يتحملها ......... ولاتردين عليه ولاتناقشينه بس خلي نفسج شبه زعلانه يعني لاتحطين عينج بعينه واوامره مطاعه بس صدقيني راح يحس ومستحيل ماعنده احساس وراح يتسنع وراح يسالج ويلح عليج وقتها افتحى معاه الموضوع بهدوء مو هواش واذا شفتيه عصب سكتى ومرده يسالج مره ثانيه وتسنع...انتى عندج عيال وصعب تطلقين .......وربي اعتبرج مثل اخت ياما سمعت بنات صارت لهم قصص اخس من قصتج وصبروا واخرتها كل شيء صار لهم وزوج نفسه تحسف ور د لها بس الذكي اللي ترد زوجها لها باي طريقه .. والله يهديه ..

 

[ريماس77]

رد : مشاكلي معاه مالها حل وأنا تعبت وانهرت خلاص ...

انتي ماقصرتي وبيض الله ويهج ----انا قلت لج من قبل انتي عارفه عدل حياتي مع ريلي بس مونفسج وانا قلت لج الطلاق اخر شي تفكرين فيه بس امورج صعبه وانتي بيدج القرار اسمحيلي وانتي تدرين اني اعزج حيل وحاسه فيج بس انتي غلط سكتي من البدايه صح ريلج عيال ابليس بويه وحاكرج لاتطلعين لاتروحين وبعدين سجن بسجن واهانات وطق لألألأ الله ماامر بالظلم اللي انتي فيه شستفدتي من اخر سالفه قلتي فيها حق ابوه ولاشي في شغله لازم تسوينها بس اقولج لمن تشبكين الله يصلح حالج وامورج

 

[لمسه حزن]

رد : مشاكلي معاه مالها حل وأنا تعبت وانهرت خلاص ...

ربي يفرج عنج

ويهديه و يسخره

 

[Q8Lady]

مشكورين بنات
والله العظيم تعبت
وريلي ماااااااايحس كلش وكل يوم من ردي لاردى

 

[*loveli-noni*]

الله يقويج ويعطيج الصحه والعاافيه ويخليلج يعالج ويسخرلج ابوهم باذن واحد احد..

صدقيني الي تسوينه شي موهين انج تصبرين على زوج مستهتر..عشان عيالج الله لايضيع عليج الاجر ان شاءالله...

ماوصيج بالدعاء بالصلاااه واثناء السجود...وتمسكي بعيالج وبيتج....

 

[الشهد كله]

بصراحة الله يعينج عليه

بس إذا في مجال تشكين حق أبوج وأخوانج عن حياتج الزوجية ليش لأ ؟؟؟؟؟

يمكن يتفهمون وضعج ويطلقونج بسكات ، والطلاق مو عيب ولا حرام ، بالعكس يمكن إذا رفعتي

عليه قضية طلاق راح يعرف إنه أهو ولا شي بحياتج ، وتقدرين تعيشين وتربين عيالج من غيره

ويمكن يتعدل وتتعدل حياتج معاه ، الواحد ما يقدر يسبق الأحداث بس هذي الحركة صارت وايد مع بنات أعرفهم حيل

بس إني أعيش على الطق والإهانات لا والله يا بنتي منتي مجبورة على هالعيشة ، ولا أتصور أهلج يرضون

إن بنتهم تعيش جذيه ، تحملي من ورى ريلج كل شي ولا ماكو وظيفة ولا يطقون عيالي ولا ما يربونهم

لا هذا مو حجي !!!!!!!!

هذا الريل لازم تتخذين معاه قرار صارم يوقفه عند حده ، الحين انتهى وقت السهر والعيارة والجمبزة ،

طالما إنك تزوجت لازم تتحمل مسؤلية كل شي ، تقدرين تساعدينه بس مو بكل شي ، يعني إذا خلص أي شي

بالبيت أبلغه ، طنش أوصل حق أهله ما سووا لي شي أروح حق أهلي وأخلي القرعة ترعى

مو تقولين عيالي ولا ما يهون علي ، صدقيني إذا ما توقفين جدامه ماراح يسوي شي ، وراح تعيشين طول عمرج

على هالحال ، حتى إذا استمرضوا عياله قولي له وإذا طنش خليهم عنده بالبيت وطلعي ، لااااااااااااااازم تقوين قلبج

هالأشكال محتاجة زوجة قوية الشخصية عشان ينردع لا تقولين ما أقدر هذيل عيالي ، كلنا عندنا عيال مو

قطاوة بالشارع ، بس ريلي طالما إنه مو متربي على تحمل المسؤلية ، آنا أربيه بهالطريقة ، حتى مدة الإيد

بس يمد إيده تاخذين ضده تقرير طبي من المستوصف وتخلينه بيدج وتمسكين عليه ممسك عشان ما يلمسج

بدون ما تشتكين عليه ، عشان إذا حدج الزمن وتشتكين عليه يكون عندج دليل ضده ...

من صجج انتي عايشة جذيه وانتي بهالعمر ، ليش ماكو أهل ماكو قانون يحميني ولا شالسالفة ؟؟؟؟؟؟؟؟؟

تبين الصج حتى بأيام الجاهلية ما عاشوا مثلج ....​

 

[Q8Lady]

صاجة حتى بايام الجاهليه ماعشوا مثلي
بس انتي ماتدرين اهلي شلون صايرين
ولا تدرين ان زوجي مايهمه شي وعااادي عنده يتبلا علي !!!
حسبي الله ونعم الوكيل بس

 

[brettey]

رد : مشاكلي معاه مالها حل وأنا تعبت وانهرت خلاص ...

حبي حتى لو تطلقتي طلبي سكن بروحج واهلج مو من حقهم يغصبونج على العيشه معاهم
مادري شقول لج بس هذا يبيله تاديب
عسى الله يفرج همج ويهديه ويسخره
عليج بصلاه الليل والاستغفار وسوره البقره والله كريم

 

[travel_addicted]

رد : مشاكلي معاه مالها حل وأنا تعبت وانهرت خلاص ...

حبيبتي ما دام تقولين ان يرد من الدوام و ينام و يطلع مايرد الا الفير اعتبريه جنه مو موجود اذا اهوا مو موجود سوي شغلج و جابلي عيالج و روحي حق اهلج يعني تقريبا اعتبري نفسج مطلقة و عايشة بروحج و ماعندج احد يساعدج و اذا رد انتي تكونين نايمة شتسوين بعد و ما لج الا قيام الليل و الدعاء له بالهداية و ماكو شي بعيد على الله يمكن يصير له موقف يقلبه فوق تحت و يصحيه من اللي اهوا فيه و الله يعينج و كل شي له اجره و ربي ما يضيع حقج ان شاء الله ​

 

[احلى من القمر]

ان عندي نااااااااااااااااااااار وجحيم الطلاق ولا هالعيشه

 

[قطوووة]

رد : مشاكلي معاه مالها حل وأنا تعبت وانهرت خلاص ...

يارب الخيره

 

[جذابه بنت ذيابه]

رد : رد: مشاكلي معاه مالها حل وأنا تعبت وانهرت خلاص ...

بصراحة الله يعينج عليه ​

بس إذا في مجال تشكين حق أبوج وأخوانج عن حياتج الزوجية ليش لأ ؟؟؟؟؟​

يمكن يتفهمون وضعج ويطلقونج بسكات ، والطلاق مو عيب ولا حرام ، بالعكس يمكن إذا رفعتي ​

عليه قضية طلاق راح يعرف إنه أهو ولا شي بحياتج ، وتقدرين تعيشين وتربين عيالج من غيره​

ويمكن يتعدل وتتعدل حياتج معاه ، الواحد ما يقدر يسبق الأحداث بس هذي الحركة صارت وايد مع بنات أعرفهم حيل​

بس إني أعيش على الطق والإهانات لا والله يا بنتي منتي مجبورة على هالعيشة ، ولا أتصور أهلج يرضون​

إن بنتهم تعيش جذيه ، تحملي من ورى ريلج كل شي ولا ماكو وظيفة ولا يطقون عيالي ولا ما يربونهم ​

لا هذا مو حجي !!!!!!!!​

هذا الريل لازم تتخذين معاه قرار صارم يوقفه عند حده ، الحين انتهى وقت السهر والعيارة والجمبزة ، ​

طالما إنك تزوجت لازم تتحمل مسؤلية كل شي ، تقدرين تساعدينه بس مو بكل شي ، يعني إذا خلص أي شي ​

بالبيت أبلغه ، طنش أوصل حق أهله ما سووا لي شي أروح حق أهلي وأخلي القرعة ترعى ​

مو تقولين عيالي ولا ما يهون علي ، صدقيني إذا ما توقفين جدامه ماراح يسوي شي ، وراح تعيشين طول عمرج ​

على هالحال ، حتى إذا استمرضوا عياله قولي له وإذا طنش خليهم عنده بالبيت وطلعي ، لااااااااااااااازم تقوين قلبج​

هالأشكال محتاجة زوجة قوية الشخصية عشان ينردع لا تقولين ما أقدر هذيل عيالي ، كلنا عندنا عيال مو ​

قطاوة بالشارع ، بس ريلي طالما إنه مو متربي على تحمل المسؤلية ، آنا أربيه بهالطريقة ، حتى مدة الإيد ​

بس يمد إيده تاخذين ضده تقرير طبي من المستوصف وتخلينه بيدج وتمسكين عليه ممسك عشان ما يلمسج ​

بدون ما تشتكين عليه ، عشان إذا حدج الزمن وتشتكين عليه يكون عندج دليل ضده ...​

من صجج انتي عايشة جذيه وانتي بهالعمر ، ليش ماكو أهل ماكو قانون يحميني ولا شالسالفة ؟؟؟؟؟؟؟؟؟ ​

تبين الصج حتى بأيام الجاهلية ما عاشوا مثلج ....​

انا معاها ..:eh_s(17):



ولاتقولين زوجي احتمال يتبلا علي لان انتي ماتدرين عن اللي بقلوب اهلج

انتي فضفضي لحد قريب منج وصدقيييييني بيسمعج وقوليله راقب الوضع اللي بيني وبين زوجي
عشان مايتهمني زوجي باي شي وعشان ما يجذبج ..



والله يهديه يارب

وكل يوم حطي سورة البقره ابيتج نصيحه من اخت


ودايم استغفري


وطرشي اعيالج لابوهم يقولون له يبه نحبك يبه نبيك
بس مايدري ان هالشي منج


لازم تطلع منهم


والله يهديه ياررب