السلام عليكم ورحمة الله وبركاته
حبيباتي اخواتي الكويتيات في منتدانا الغالي كوتيات
من غير مقدمات و باختصار انا منزمان وانا تطري على بالي افكار و مشاريع بس اهي في خيالي و ما قلتها لاحد ولا اعرف حق منو اعرض هالاقتراحات والافكار قلت ماكو الا اكتبها اهني بالمنتدى و ابي اتقولونلي رايكم في افكاري و راح استقبل آرائكم بكل صدر رحب انا ابيكم مجرد انكم تتخيلون لو تطبق افكاري عالواقع اكيد راح تستانسون فيها و راح تكون الكويت اجمل واحلا
فكرتي الاولى : دايما لما ايي الصيف اتخيل ان يكون عندنا حدائق مغلقه مسقفه كبيييييره ومكيفه داخلها نباتات داخليه و ازهار و السقف زجاج تدخلها الشمس و منقيات هوى و ممنوع التدخييييين فيها داخلها هوى نقي الي يدخلها يتنفس الهوى النقي و يسترخي و يشم ريحة الازهار و الندى على اوراقها و بنفس المكان يكون فيه اماكن للجلوس والاسترخاء و المكان هادي وممنوع الازعاج فيه و يسعوعب عدد معين من الناس يعني اذا اكتمل العدد ممنوع احد يدخل زياده و الدخول بتذاكر طبعا تخيلو معاي المنظر و يكون فيه طيور من اجمل انواع الطيور الي يستمتع الواحد بتغريدها
فكرتي الثانيه : اتخيل ان يكون عندنا ممشى مغلق ومسقف و مكيف يكون داير مدار المولات التجاريه مثلا و الممشى نفسه يكون فيه محلات تبيع اكلات للريجيم و اماكن للاستراحه
فكرتي الثالثه : اتخيل ان يكون عندنا مكان للتنزه وانت داخل السياره ما تنزل مثلا يسوون مكان تدخل فيه انت وسيارتك بتذكره و داخله تدخل بشارع و بهالشارع يكون فيه اماكن تدخلها فيها شاشات و الارض تتحرك و اتحرك السياره و تهتز مع تاثيرات الفلم المعروض بالشاشه و تاثيرات ماي ينرش على جام السياره و دخان و هوى مثلا و كل هذا وانت داخل السياره ما تنزل.
هذيل افكاري و الي عندها خيال وافكار مثلي تكتبها و يليت نلقى من يطبق هالافكار علشان نستمتع بديرتنا حتى بحرارة الصيف نلقى اماكن الترفيه الي نرتاح و نستانس فيها.
حبيباتي اخواتي الكويتيات في منتدانا الغالي كوتيات
من غير مقدمات و باختصار انا منزمان وانا تطري على بالي افكار و مشاريع بس اهي في خيالي و ما قلتها لاحد ولا اعرف حق منو اعرض هالاقتراحات والافكار قلت ماكو الا اكتبها اهني بالمنتدى و ابي اتقولونلي رايكم في افكاري و راح استقبل آرائكم بكل صدر رحب انا ابيكم مجرد انكم تتخيلون لو تطبق افكاري عالواقع اكيد راح تستانسون فيها و راح تكون الكويت اجمل واحلا
فكرتي الاولى : دايما لما ايي الصيف اتخيل ان يكون عندنا حدائق مغلقه مسقفه كبيييييره ومكيفه داخلها نباتات داخليه و ازهار و السقف زجاج تدخلها الشمس و منقيات هوى و ممنوع التدخييييين فيها داخلها هوى نقي الي يدخلها يتنفس الهوى النقي و يسترخي و يشم ريحة الازهار و الندى على اوراقها و بنفس المكان يكون فيه اماكن للجلوس والاسترخاء و المكان هادي وممنوع الازعاج فيه و يسعوعب عدد معين من الناس يعني اذا اكتمل العدد ممنوع احد يدخل زياده و الدخول بتذاكر طبعا تخيلو معاي المنظر و يكون فيه طيور من اجمل انواع الطيور الي يستمتع الواحد بتغريدها
فكرتي الثانيه : اتخيل ان يكون عندنا ممشى مغلق ومسقف و مكيف يكون داير مدار المولات التجاريه مثلا و الممشى نفسه يكون فيه محلات تبيع اكلات للريجيم و اماكن للاستراحه
فكرتي الثالثه : اتخيل ان يكون عندنا مكان للتنزه وانت داخل السياره ما تنزل مثلا يسوون مكان تدخل فيه انت وسيارتك بتذكره و داخله تدخل بشارع و بهالشارع يكون فيه اماكن تدخلها فيها شاشات و الارض تتحرك و اتحرك السياره و تهتز مع تاثيرات الفلم المعروض بالشاشه و تاثيرات ماي ينرش على جام السياره و دخان و هوى مثلا و كل هذا وانت داخل السياره ما تنزل.
هذيل افكاري و الي عندها خيال وافكار مثلي تكتبها و يليت نلقى من يطبق هالافكار علشان نستمتع بديرتنا حتى بحرارة الصيف نلقى اماكن الترفيه الي نرتاح و نستانس فيها.
