مشاركه وجدانيه لاهالي ضحايا كارثة الجهراء

[دلـــــ زوجها ـــــوعة]

كما تعلمون!!!
فان كارثة الجهراء ادمت القلوب قبل العيون!!
واختلطت احاسيسنا باحاسيسهم حتى ظننا اننا فقدنا احبائنا






( يــمـــه)

يمه وين رحتي؟؟
تأخرتي؟؟
كل هذا بعرس يايمه؟؟
يمه سويت الي قلتي!!
يوم قلتي!!
((يابنتي: عشي اخوانك الليله !! واخوك الصغير بعد ساعه عشان ينام غنيله!!))

ومشاري يمه!! شسوي فيه؟؟؟ يقول انك وعدتيه!!
تعطينه حلاو العرس!!! يمه عجزت اهديه؟؟؟

جهازك مغلق يمه ليه؟؟ عبدالله تعبان حيل
كحته زادت عليه ؟؟؟ ماقلتيلي وش اعطيه؟؟؟؟

بديت اخاف يايمه
الساعه وصلت وحده

يبه جيت!! وين امي ؟؟
يبه شفيك؟؟ وين امي؟؟؟
يبه!!
يبه ليه تحضني؟؟؟
يبه ريحة حريق؟؟؟بثيابك ريحة حريق!!!!

يبه ليكون؟؟؟؟؟؟
يبه امي؟؟؟؟؟؟؟؟
ماتت امي؟؟؟؟؟؟؟؟؟ماتت امي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


__________

( حليلتي )

حليلتي....
حبيبتي.....
اذكرك كنتي هنا!!!!
وانا واقفلك هنا!!!!
كنت انتظر تجهزين...
وكنت اطلبك تستعجلين........
ماهو ذنبك.. ياحياتي!!!
كانت اشيائك تحاتي!!!
ماتتركك لو تتركين!!!!!!

وقلتي: حبيبي لاتنسى؟؟؟
بكره حبيبي موعدي
بكره موعد السونار
ياااااااه مشتاقه لولدي!!
ودي اشوفه كيف صار؟؟

وينك انتي وولدي؟؟؟

انا الي وديتك هناك!!!
وديتك للموت بيدي!!!
وانتي كنتي تضحكين!!!
لاتنساني عاد اليوم؟؟؟
دايم تتأخر علي؟؟؟

مانسيتك ياحياتي
بس القدر ماهو بيدي؟؟؟
استغفر الله العظيم
الغفور ارحم رحيم
اطلبه مثواك عنده
وسط جنات النعيم


__________

(بنيتي)

بنيتي...
آآآه يابنيتي!!!

لي ثلاث ايام اناظر يدي
متي هينا
فوق يدي
واحترق قلبي معاك... وذابت ظلوعي وراك!!!

وش اسوي في جهزاك؟؟؟
وفستان الزفاف ذاك؟؟؟
ماكنتي تبين اشوفه
الا في ليلة زفافك..........!!!!
ورحتي بزهرة شبابك؟؟؟

واحمد الله يوم اخذك
كثر حمده يوم جابك.


_________

(خيتي)

خيتي...
نصفي الثاني...
ودنيتي...

كيف ابدخل غرفتي؟؟
ومااشوف لك فيها اثر؟؟

سريرك يسألني عليك؟؟
وعطورك مشتاقه ليديك؟؟
وثيابك تنادي تبيك؟؟؟
واحظنها وانا ابكي وابيك!!!

ابيك الصبح ... تقومي معي...
نلبس نروح للمدرسه
ونرجع نسولف وش حصل؟
سوالف ابد ماتنتهي.....

وابيك كل ليله معي...
احكيلك اسراري وانام..!!!

صحيت الصبح.. ومنتي معي
وبروحي رحت المدرسه..
اسولف عنك وش حصل؟؟
الم أبد ماينتهي!!!!

وكل ليله اساهر مدمعي!!!
اتذكرك مقدر انام!!!
وألجأ لرب الأنام....
واقوم اصلي ركعتين
واطلبه غفران لاختي
ولجميع المسلمين......





_________________________

 

[آبـلـہ نـونـو]

لآ حول و لآ قوة إلآ بالله ,,

حسبي الله و نعم الوكيل على من كآن السبب ..

 

[املى كبير]

ياالله .....................لاحول ولاقوة الابالله
الله يرحمهم برحمته ويصبر اهلهم ويعطيهم النسيان ​

 

[بــدويه]

جزاج الله خير حسبنا الله ونعمه الوكيل

 

[.:!:. ونس .:!:.]

الله يرحمهم برحمته
ويشافي المصابات

 

[Mysterious_Girl]

قلللللللللبي عورني والله ان خنقتني العبره .. حسبي الله ونعم الوكيل على من كان السبب... حسبي الله ونعم الوكيل... والله يرحمهم برحمته ويشافي المصابين يارب

 

[دلـــــ زوجها ـــــوعة]

جزاكم الله خير

 

[ريموووه]

لاحول ولاقوة الا بالله وربي حادثة توجع القلب يارب ارحمهم واغفرلهم وصبر اهاليهم وحسبي الله ونعم الوكيل في من تسبب بالحادثة

اختكم ريموووه من السعودية

 

[دلـــــ زوجها ـــــوعة]

جزاكم الله خير

 

[اللولو000]

قلبي عورني والله ان خنقتني العبره ..



ياالله .....................لاحول ولاقوة الابالله
الله يرحمهم برحمته ويصبر اهلهم ويعطيهم النسيان

 

[M!$$.3NoNa]

والله دمعت عيني

حسبي يالله ونعم الوكيل حسبي يالله ونعم الوكيل


ان لله وانه اليه راجعون

 

[دلـــــ زوجها ـــــوعة]

الله يغفرلهم ويرحمهم

 

[rawan22]

الله يغفر لهم ويرحمهم ويشفي المصابين

ويصبر الاهالي

 

[دلـــــ زوجها ـــــوعة]

امييييييييييييييييييييييييييييييييييييييييييييييييييييييييييييييييييييييين

 

[taybaa]

حسبي الله على اللي كان السبب