رد : مسويه ليزر للبكيني؟؟؟؟ صار معاج هالشيء؟ زوجج لمح لج بهالشيء؟؟؟
ذكرتيني بنفسي أول ما فكرت فيه
بس أنا ما خليتها بخاطري بحثت و سألت و استقصيت الأولي و التالي عنه و عن اضراره و كل شي :d
* الريحه
بالبدايه خوفوني 3 من ربعي و 2 من قرايبنا قالوا الريحه لا تطااااق و و و ... الخ !
بس سمعت إن الريحه بس للاندرارمز أول مره اسمع إن اللي تحت بعد !
و بعدين اكتشفت إن فيه ناس كثير ما تطلع لهم ريحه و لما سألت الدكتوره قالت يرجع لطبيعة الجسم
ع العموم حتى اللي خوفوني الريحه بس أول كم جلسه يعني جلستين أول 3 بالكثييييير الرابعه تصير مختفيه يعني اختفت منهم بعدين و ارتاحوا
و اللي يشتكون منها هنا يا ليت يفيدونك كم جلسه سووا ؟؟
* ليزر البكيني
أغلب العيادات تسوي له تست اختبار تجرب قبل !
* أنواع الليزر
فيه شي اسمه ليزر و شي اسمه ضوء أو اللايت
اللايت للشعر الخفييييف الاشقر أو الوبر اللي يصير بالوجه او الصدر .. و هو خفيف مو حيل قوي
و الليزر العادي هو اللي يشيل الشعر العادي
* نسبة نجاح الليزر
ترجع لسواد الشعره و قساوتها كل ما كانت سوداء حيييل و قاسيه كل ما نفع معها الليزر مثل شعر البكيني و الاندرارمز
عشان كذا يقولون اللي تشيل ليزر تشيل قبلها موس كم مره !
* الليزر الذاتي
أو اللي تشيلين انتي لنفسك العيادات يعلمونك كل شي بالتفصيل
و المفروض و انتي تشيلين يعلمونك تقسمين المنطقه لك و ما تمرين عليها اكثر من مره بالجهاز << و هذا اكبر غلط قاعد يصير ان الوحده ترجع للمنطقه تشيك ع بالها شيره و تحرق نفسها
اضربي مره وحده و امشي و بعد اسبوعين بيطلع الشعر اللي ما جاه ليزر ارجعي اضربيه << و غالباً هالجلسه تصير مجانيه و يسمونها رتوش
* بالنسبه لطلعة الشعر
إذا كانت جلستك اليوم ، بعد يومين أو 3 راح يطلع الشعر مره ثانيه بس ميت يعني تسحبينه و يطيح
و ممكن يطلع لكن ما ينسحب إلا بعد اسبوع بالضبط من الجلسه او 10 ايام << أحلى شعور :d
* تفادياً للألم انصح إن المخدر تحطينه من البيت عشان يقعد أقل شي ساعه و يبين مفعوله مو العيادات يخلونه بالكثير نص ساعه بس
* بداية الليزر
الحلوات الجميلات اللي يقولون بنبدأ قبل عرسنا ؟؟؟؟؟
سؤال بنات ليه الوحده تنطر عرسها عشان تبدأ تدلع نفسها ؟؟
الليزر بالذات أنا أنصح من أول ما تتوفر الفلوس ابدي فيه بدون ترددددد لان كل ما طولتي بالجلسات كل ما كانت النتايج واااااااو
أذكر إني صحت لين شبعت بعد اول جلسه متحسفه ع كل ريال قطيته ع الليزر بس بعد الجلسه الثانيه و الثالثه صحت من الوناسه :d
* المعلومه الأهم و اللي صدمتني بالبدايه بس بعدين عادي :d
الليزر ما يشيل الشعر نهائي نهائي و يقطعه للأبد !!
غلطاااااااانه مليون بالميه اللي تقول هالكلام ..
الليزر يطول المده بس ، يعني بدال ما تشيلين كل شهر مع الوقت تشيلين كل 3 شهور مره و بعدين كل 6 شهور مره و بعدين كل سنه مره
عن نفسي أول جلسه شلتها اليوم الثانيه بعد شهر الثالثه بعد الثانيه بشهر و نص الرابعه بعدها بشهرين و هكذا و أحيانا ً يكون يجي موعدي و للحين ما طلع شهر و اسحب عليهم ما اروح لين يطلع
و فيه عيادات لا تشيل كل شهر بشهره
و فيه عيادات ما تعطي موعد خير شر تقول متى ما طلع الشعر تعالي
سيقاني 7 جلسات آخر جلسه قبل سنه بالضبط و توه بادي يطلع لي شي خفييييييييييييف و ناااااااعم ما ينشاف اصلا و لا ينحس فيه بس لاني حيل احوس فاكتشف خخخ
* اللي خايفه و متردده عليها
بالاستخاره و الله يكتب لها الخيره عشان ترتاح ع كل حال سواء سوت و لا ما سوت عشان ما تحسف !
آخر شي بتكلم عن تجربتي للفائده 
أنا بالبدايه شلت سيقاني الاندرارمز و عيت الدكتوره ع فخوذي و يديني تقول خفيف ما يسوى
و لما شفت النتايج تحمست للبكيني و رحت لها و خذت تست و سويت البكيني و قعدت احاول فيها بإيدي و فخوذي ابي افتك مره وحده
قالت شيلي موس من الحين للموعد الجاي << كان بعد شهرين
و فعلا شلت و رحت لها قالت نو وي مستحيل حيل خفيف و ناعم حرام و الله بيطلع لك اكثر من قبل و بتتحسفين
و طلعت منها و رجعت لها الموعد اللي بعده و انشب لها ع يديني << لانه حيل يقيدني باللبس شسوي تعودت ع الدلع بالسيقان :d
قلت ما لك دخل شيلي يديني قالت لي تتحملين المسئوليه كامله و صدقيني بتصرفين عليها أضعاف ما كنتي تصرفين ع سيقانك وباقي الجسم و بتطلعين شعر ماكان موجود أصلا قلت عادي شيليهم
و جابت لي ورقه اوقع اخلاء مسئوليتها و حسيت السالفه جد و خفت و هونت << زين حسيتي :d
لما حملت احس الشعر زااااااد حييييييييييل خصوصا ً البكيني شي مو طبيعي
بالعاده يطلع بس خفييييييف شعره او شعرتين و ناااعم الحين مادري ليه احس اني مستنكرته
و قريت فعلاً إن شعر الجسم كله يزيد مع الحمل
و سيقاني اللي ما شفت شعرها من سنه بدت تطلع الحين
قالت لي دكتوره نساء إن خطر الليزر ع الحامل أول الشهور بس ، لان مع الالم انتي تشدين و تأثر انقباضات الالم ع الرحم و تسبب تسقيط
لكن من الرابع و الخامس مافيه مشكله
لأن الشعر ع الطبقه السطحيه للجلد و الليزر يشيلها و الجنين انتي وين و هو وين داخل كيس و الكيس داخل الرحم و بينك و بينه مسافات و أشياء !
هالموضوع للحين ما تأكدت منه و لا احطه بذمتي لكن ببحث و بشوف
ياااااطووول ردي @@
بس حبيت اكتب لكم تجربتي و نتيجة بحوثي و تقصياتي و استفساراتي لاكثر من 6 دكاتره
مابي إلا دعواتكم لي بالهدايه و الصلاح ..
![[[ عيون جابر ]]](/data/avatars/m/88/88982.jpg?1621060915){kind=avatar}
