مسويه ربط وين بتولدين ؟

[miss hessa]

السلام عليكم ورحمة الله وبركاته

صبحكم الله بالخير



بنات انا حدي محتاره مسويه ربط وجم يوم وادخل شهري

وبصراحه محتاره وين اولد بعد ماشفت اهمال الولاده بالفروانيه
ينقعون اللي بتولد وازمة سراير

مع انه مراجعتي كله بالفروانيه

وشفت اهتمام الخاص بالولاده


بس خايفه من اول تجربة اجهاض وسوالف الخاص يقطونا ع الحكومه وماكو مسؤليه



وجزاكم خير اللي مسويه ربط تقولي وين ولدت

وشنو تنصحوني خاص ولا حكومه

 

[ام اغلى الناس]

انا مسويه
وعشان حاله خاصه باولد بالصباح باذن الله
اذا حمالج وولادتج مافيهم مشاكل اولدي بالخاص
انا جربت رويال حياه يجنن بس نار الاسعار
شوفي دار الشفا او السلام
الكل يمدحهم
المفروض مراجعه الدكتوره اللي بتولدين عتدها من السابع عشان تعرف حالتج

 

[منونتي]

اب اب

 

[روح الأحزان]

بالنسبة للربط ماعندي فكرة بس انه جربت دار الشفا بولاداتي وايد ممتاز

 

[ام الحلوااات]

اللــــه يــــســـهــــل عــــلـــيـــج

 

[امواج الكويت]

انا مسويه ربط بافتحه بالصباح وبولد بالمواساه ان شاءالله

 

[ام فوااز]

الله يهون عليج
اذا بتولدين بالخاص المفروض تكونين مراجعة من السابع عى الاقل

 

[ذروة حلا]

ي ربي تكون بعونك
كيف الربط تفتحه ب بنج؟

افضلك تولدين بالحكوني اكثر خبرة

 

[امواج الكويت]

انا من حملت اراجع بالخاص والحكومه

فتح الربط بالحكومه بدون بنج وكنت بافتحه بالمواساه بس قالوا سعر الفتح ٣٥٠ ميزانيه ثانيه

 

[miss hessa]

انا فتحة الربط بالحكومه بدون بنج
طبعا اول شهرين بالمواساة وتركته ورحت الفروانيه كملت مراجعاتي
والحين انا داشه شهري بس محتاره بالولاده عقب ماشفت لوعة الجبد بالفروانيه
ومحتاجه اشوف تجاربكم للي مسوين ربط وين ولدو

 

[امواج الكويت]

انا امس فتحت الربط بالصباح وناطره الولاده ان شاءالله بروح المواساه

 

[ام نواااف]

اموااج شدعوااا

من صجج ياخذون الخاص افلوس حق فتح الربط

 

[yoyo"s mam]

الله يكتبلك الخيير

 

[الاء النور]

انا مسويه ربط بس توني بالرابع

بس ان شاء الله ناويه اولد بدار الشفا ودكتورتي من بره

بس توني ادري لمن تبطل الربط ياخذون هلكثر

الله يسهل على الجميع

 

[أبله هنوف]

حبايبي إلي مسوين ربطإذ كان فتح الربط حزت الولاده على طول يعني ياج الطلق وانتي ما فتحتي الربط اكون له سعر خاص
أنا على بنتي الهادي خذو مني حوالي٢٥٠ غير ابر الرئة للبيبي إذ كانت ولاده مبكره
العيادات الخاصه يفتحونه ٤٠ ومره قريت اهنيه بالمنتدى انه وحده راحت الهادي ودخلوها غرفة الولادة وفتح لها الربط ٢٠ دينار بس الصراحة ما صدقت أهي ما كان فيها ولاد بس داخله شهرها

 

[الاء النور]

الله يسهل ان شاء الله حدي خايفه