مسويه تلقيح صناعي حياج عندنا بالتجمع

[Swan]

انا سويت التلقيح الصناعي 3 مرات
اول مره ما نجح والثاني نجح بس ما تم الحمل بسرعه طاح والمره الثالثه طلع معاي التهاب بس هم سوت لي الدكتورة التلقيح وما نجح

 

[موزةالكويتية]

انا افكر اسوي تلقيح صناعي
بس باسألكم جم تكلفته ؟؟
و لازم اخذ منشطات و الا عادي ما اخذ اذا تبويضي زين و شنو الافضل؟؟
و حم مرة ممكن اسويه؟؟

 

[رايقة1980]

بنات ياليت اللي جربوا التلقيح

يذكرون تجربتهم


ناوية اسوي ان شاء الله..

 

[manycan7]

السلام عليكم
هلا فيكم يااخواتي انا مسويه طفل انابيب اثنا عشر مره ولا نجحو وكل مكان اروح له يقولون لي ان مافي شيء يمنع الحمل لكن ارادة الله فوق كل شيء وثقتي ويقيني بالله كبير انه لن يخذلني واياكم باذنه تعالى.
اسال الله العظيم رب العرش العظيم ان يمن علي واياكم بالذرية الطيبة الصالحة الباره انه لايعجزه شيء في الارض ولا في السماء وهو على كل شيء قدير
اللهم يامسهل الشديد وياملين الحديد ويامنجز الوعيد ويامن كل يوم هو في امر جديد اخرجني من حلق الضيق الى اوسع الطريق بك ادفع مالا اطيق ولا حول ولا قوة الا بك ياارحم الراحمين
قال تعالى والهكم اله واحد لا اله الا هو الرحمن الرحيم )
ادعو لي يابنات جعلها الله في ميزان اعمالكم

 

[رايقة1980]

الله يرزقكم الذرية الصالحة

وياليت اللي عندها تجربة تذكرهاااا

 

[ترووفه]

ياعسى الله يرزقكم ويرزقني يااارب

في وحده اعرفهااا تقولي سوت تلقيح عن الدكتور مدحت بالعرف وحملت

بس اهي ماعندها مشاكل لا اهي ولاريلهااا


الله يتمم عليهااا

 

[مع الخيل ياشقره]

هاااااي بنات انا قاعده اخذ ابر اللحين عشان التلقيح بعد جم يوم وهذا ثاني تلقيح اسويه ياااااااااااااااااااااااااااااارب ينجح وحمل ياااااااارب

بسالكم انا قبل دكتورتي بطيبه عطتني كلوميد وبعدين ابره وحده اللي اهي تنزل البويضه وبعدها تلقيح اما ماجده عطتني 6 ابر ومع حبوب وبعدين اظن تلقيح هذا اذا مازادت الابر بعد ؟؟؟؟؟؟؟؟؟؟؟؟؟؟ والله الابره تذبح حيل تعور

 

[كويتيه مول]

وانا معاكم سويت تلقيح الشهر هذا
بس بصراحه الدكتور انصدم بعدد الحيوانات مالت زوجي وقالي احتمال الحمل
ضعيف جدا انتو لازم تسوون طفل انابيب واللي الله كاتبه بصير

 

[امواج الكويت]

انا سويته والحمد لله فشل وللحين انطر الرزق من الله سبحانه

 

[أم الروووووون]

فديتكم يارب يارب يارب يارب العالمين ترزق كل المحرووومين والمحرووومات بالذريه الصالحه اللهم امين

بنات انا كنت متاخره بالحمل واااايد لكن بفضل الرحمن الرحيم - بفضل رب العالمين

حملت باحلا عروستين ولله الحمد واطمع واتمنى الله يرزقني بولد يحلي ايامي ان شاء الله

بس ياريتكم تسون الي سويته وباذن الله راح تحملون

الي سويته طال عمركم قيام الله والدعااااء لله سبحانه الرازق الكريم

فديتكم (( مايرد القضاء الا الدعاء ))

اكثرووو الدعاء وان شاء الله تحملون من غير تلقيح ومن غير ولا شي

ولا تنسوني بالدعااااء الله يرزقني وياكم الولد الصالح

تقبلو مروري فديتكم

 

[نوفمبريه]

انا يا حبيباتي سويت تلقيح صناعي برمضان ومانجح وبعده سويت كوي وهالفتره كان يتعالج فيها زوجي بزنك وفيتامينات عشان اللزوجه في السائل وقلت كثيير الزوجه الحمدالله
وشهر ذي الحجه هذا سويت تلقيح وكان سهل وبسيط وحجم البويضات اوكي وقبل طقيت ابره تفجيريه وصبرت 36 ساعه بعدها صار التلقيح
وشعووور داخلني يقول مافي حمل يااارب سامحني راضيه بقضاءك وقدرك
دورتي بعد 4 ايام ....

 

[انثى استثناء]

هلوووووووووووووووو بنات

انا فرحانه للتجمع من احلى انادي .............

انا اليوم كنت عند الدكتورة و قالتلي خلينا اشوي اشوي نبدي بالعلاج

تعرفون الالمان و سوالفهم .......ز

انت صغيرة و قدامج وكت

ف انا يبتلها من الاخير قلتلها عندكم اصغيرة بس عندنا غير و الله


خيرتها ان ابي اسوي تلقيح صناعي ..........ز

قالتلي اوكي ......

بس انا الحمد االله كلشي عندي سليم بس زوجي عنده العدد 20 مليون و الحركه وايد زينه

شنو تتوقعون النتيجه تمام

طبعا كلشي بيد الله عز وجل


بس حبيت اسال عن الي عندها الرحم من الخلف صاير هل فيه مشكله


يا رب يديمكم

 

[الجوهره 70]

الله يرزقنا ياكريم عاجل غير اجل انا ان شاء الله بسويه بعد اذا اقنع زوجي



زوجي عنده صديد وعنده ضعف حركه

 

[ياراا]

بنات اذانزل دم بعد قبل موعد الدورة بسبوع ومسويه تلقيح صناعي دليل على شنو فشل او ثبت ؟؟؟

 

[نوفمبريه]

ان شا ءالله ثااااااااااااااابت يا يارااااا والله يثبته ويرزقك يارب ويبشرك

 

[ياراا]

انا الحمدلله حامل مافيني شي بس رفيجتي مسويه طفل نابيب وخايفه من هللي نزل منها ياليت تفيدوني

 

[نوفمبريه]

فشل تلقيحي للمره الثانيه

ياااااارب لا اسألك رد القضاء ولكن اسألك اللطف فيه

الحمدالله على كل حال

بناااااااااااات اعيد التلقيح ولا خلاص ؟؟انصحوني معاااااااااد فيني طاقه والله العظيم

 

[الجوهره70]

عيدي التلقيح نوفمبريه والله يرزقش وصدقيني حاسه بنفسيتش لاني جربت من قبل بس ما راح اياس من رحمت ربي

 

[SALYY]

حبيبتي يارا بخصوص الدم الي نزل على رفيجتج انشاله ثبت الحمل....
لان هذا صارلي انا واختي قبل الدوره بسبوع ينزل دم شويه ...لان اختي كل اعيالها الصبيان ينزل دم وبعدين يطلع ولد واذا بنت ماينزل شي....وهذا االدم انشاله دليل غرس البويضه بالرحم....
وبشرينه اماااااانه,,,,

 

[بنت الأصيل2009]

أنا يوم قررت اوي تلقيح توكلت علة الله وأكثرت من الاستغفار بشكل دائم والدعاء في السجود آخر الليل واذكار الصباح والمساء مع قراءة سورة البقره بشكل يومي.. والحمدالله حملت والله رزقني باحلى بنوته الفضل لله ثم لدكتوري لانه شاطر وربي رزقني

بنات انصح الجميع بعدم اليأس والمحاوله دايما
بنات العمر يمشي والوحده مو حاسه بعمرها..؟ اتمنى ان الامل ما ينقطع والمحاولات تكثر وتتنوع
اللي سوت تلقيح اكثر من اربع مرات وما حملت تبلش تسوي انابيب
واللي سوت انابيب اكثر من ثلاث مرات وماصار لا تسكت ولا تيأس تروح برا الكويت
تروح للاردن أو الرياض .. واذا ما صار عقبها تسافر امريكا...والله كريم
وحطوا في بالكم ان رحمه الله وسعت كل شي وربي انشالله يرزقني ويرزقكم