مسويته يا دهينه لا تنكتين ومع هذا ما يغليج تعالي ...

[منـــاي]

اشكركم جميعا على التفاعل الحلو

وشكرا على دعواتكم الطيبه سواء بالموضوع او الي راسلوني بالخاص

وبنات كل شي ممكن يتغير كللللللللللل شييييييي

بس تذكروا ان الله لا يغير ما بقوم حتى يغيروا ما بانفسهم

وطولوا بالكم والله يخليكم لازواجكم ويصلحهم لكم و يوفقكم يارب

 

[منال $]

الله يسخرلنا ازواجنا ياااااااااااااااارب

 

[nutella22]

كلامك صح ميه في الميه

 

[منـــاي]

حبيباتي اشكر كل وحده عطرت موضوعي بردها

 

[a7вĸ мσσστ]

بنات ينفع لو بديت بهالشي
بعد ماكمل ليا 3 شهور
مرضت كم مره رحت مع اهلي ومره معه
المصروف من تزوجت مااطلب منه شي
حتى العيديه

اتمنى تفيدوني بهالشي

 

[صعيريه]

موكل الرجال زي بعض

 

[الزيـــــ^^ـــــن]

انا الحمدالله زوجي جذي طبعي ويااه
بس والله موكل الرياييل تقدرين تتعاملين معاهم جذي
في عقلياتهم متخلفه ماتقدرين

 

[منـــاي]

بنات صحيح مو كل الرياييل بسهوله ترضخ بس حبه حبه و شوي شوي كل شي يتغير والله اشكثر نماذج اشوفها جدامي المهم المره اذا وسعت صدرها و طولت بالها وعرفت اشلون تتصرف عدل راح تغير زوجها والله يهنيكم يارب

 

[منـــاي]

احبك اي بدري الحين مرحلة التعارف بالنسبه للطبيب حاوليييي تروحين معاه مو مع احد ثاني

والمصروف حتا لو مو محتاجه طلبي منه بادب و ذرابه يعني عوديه على هالشي

عشان اذا طلبتي منه لا يصير شي مفاجا و اذا تنازلتي عن المصروف شهر مثلا يحس انج زوجه عظيمه و تقدرينه

بس اذا ما تعود يدفع ماراح يحس بهالشي و العيديه قوليله بطريقه عفويه و طفوليييه و بدون تخطيط و لف و دوران وعوار راس العيد الياي قوليله عادي

 

[ما ينحني راسي]

واذا انا اخلي كل شي عليه ولا قاعد يسوي شي شسوي الثلاجه فاضيه والسوق ابيه ولا وداني

 

[ما ينحني راسي]

والمصروف ما يعطي معني اطلب ولاني موظفه

 

[منـــاي]

ما ينحني راسي عندج عيال ؟

تسوقين سياره ؟ عشان اقولج بعض الافكار بس كتبيلي شنو نظامج وشنو وجهة نظر ريلج

 

[تبيني آرضى عليك]

يزاج ربي خيرر على النصيحه

 

[قموووره]

والله كلامج عين العقل بس مو كل الرياييل ترضى اغلبهم تنابل مايبون يتحركون ويقولج هذا انا وانتي كيفج !!!!
الله يسخرج لزوجج ويسخره لج ويصلح ما بينكم ويسعدكم ويهنيكم يارب​

 

[Bnt-USA]

يعطيج العافيه على الموضوع

بس انا عندي وجهة نظر

ان الريال ما تقدرين تقولين له ودني و ودني حتى مشوار الطبيب


على قولتج لازم تعودينه
بس الواحد اذا عودتيه على شي ما يبيه ماراح يسويه !!


انا اقول اذا طلعت من قلبه ان يودي و يجيب هذي الخدمة ،،



وكله يرجع للمره كثر ما تصيرين طيبه وحليوه فيه و ب اهله
كل ما يشيلج على راسه ويحترمج ويقدرج
والنظافة بالبيت وترتيب اغراضه بنفسج

انا عروس يديدة والله اني اغسل هدومه كلهم
ولما تجي الخدامه تساعدني !!
تكوي ملابسه !!
انا اقول له اني تعبت وانا اكوي وااااااااااي دخت تصدق؟؟
اذا قال لي شنو تكوين
اقول له ملابسك !!!!!!!!!

يستانس اذا سويتي شي من نفسج له

وصدقيني بتشوفين الخدمة منه

حتى لما افصل على يوم واطبخ !!
ولما ياكل ويعجبه طباخي
اقول له عادي تساعدني ؟؟
اخليه يقعد بالمطبخ وانا اغسل المواعين واهوه يصفهم بالكبت
ويحط جيس زبالة يديد
ويرتب الثلاجة معاي

كلش كلش اقول له اقعد بالمطبخ وانا اغسل المواعين سولف معاي !! عشان لا اتعب

تتوقعون ليش سوا جذي؟؟

لان انا ارضيته و وكلته و ونسته !!



حريم هالوقت بس تبي اهوه اللي يدلعها !
ما تبي تدلع زوجها

وحتى القلاص مالها خلق تغسله ،،

الحمدلله عسى الله يرزق البنات بالزوج الصالح الطيب الخلوق
ويهدي البنات اللي ازواجهم مثل ما تفضلتي ،، ​

 

[Bloom]

احس كلامج صح

 

[((shoOoshoOo))]

صاجه بكل كلمه قلتيها

الريال لازم يصرف على مرته

 

[latkt7as]

معاج حق بكل كلمه

لان اذا الوحده سوت كل شي

مايحس له داعي ويروح

يدور على وحده تحسسه

بكيانه وجوده


تقبلي مروري

 

[ماتغير شي]

كلآمج عدددل ٪

بس بعض الريايل يعاندون اذا طلبتي شغله يذلونج ذل

 

[منـــاي]

بنت كلامج عدل وهذا جزئ من الفكره الي احب اوصلها و ذكرتيني بفتره حلوه ماكان عندي فيها خدامه وزوجي ماكان يقصر مثل ما قلتي الحياة تعاون وهالامور والتوصيات الي اقولكم عليكم يمكن البعض يستصعبها بس لما تصير بسلاسه يعني مثل ما قلتي تدخلينه المطبخ و بين السوالف يساعدج وتجذبينه صوبج بهالطريقه اهو يتاقلم مع الوضع ويصير شي عادي بس في حريم الله يهداهم اذا ما سوا الي اهي تبيه من اول مره تفجر الدنيا ,, الله يهنيج يارب و يحفظ لج زوجج و اشكرج عالمشاركه الحلوه

اتمنى اسمع ارائكم و نستفيد من بعض