مسـاحـتي الخـاصه .. عن كـل ما يخص عآلـم المكيـاج {الجزء الثاني}

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

مشكـوريييييييييييييـن بنوتـات اللي رفعـوآ الموضوع .. وإللي دايم متواجدين بموضوعي ..


بناء على طلبكم بحط لكم صور أحلىى العدسات إللي جربتها .. قعدت أقصقص وألقط وأدور بصوري :dddds: .. وزين لقيت لي كذا صوره .. والباقين بتلفوني القديم .. إن شاء الله أنزلهم لكم وقـت بأقرب وقـت ..


بسـم آلله ولاحول ولاقوه إلا بآللـه ....






هذه عدسات بيلا حليمه بولند لون رمادي .. بس يهببببل مايل على الزيتي .. تعرفون نظام يخلي لون العيون اللون إللي يبجي .. مادري شلون أوصفه :dddds: المهم لون يبجي






هذه عدسات أمل حجازي فاشن لوك .. لون الاكوا المائي .. ترى تهبببببببببببببـل حيل وفاتحه ..
وحتى الرمادي مالها يهبـل جربته من زمااااان ..




هذه عدسات أمل العوضي اللون البني .. تراها غامجه وطبيعيه ..




وهذه أخر عدسات شريتها .. كوين كلر لون البيرلا فااااااتحـه ومو محدده وما عليها كلام .. بس مشكلتها صغيره على حدقه العين فـ على الاطراف يطلع لون عيونج الطبيعي فـ تصير جنها محدده بس مو مشكله ..




وإن شاء آلله الباقيـن أوريكم إياهم بأقرب وقـت . .

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آلله الرحمـن آلرحيم .. نرجع لـ ريفيو آلعدسـات ..

طبعا بنات سامحووووونـي على رداءه التصوير أغلبهم صور قديمـه ومو واضحه طلعتهم من الارشيف ههههههههههههههههههههه ..



هذه بيـلا زينـب العسكري لون رمـادي يهببببببببببببببببببببـل اللون ..حسافه إنشقت وإنشق قلبي معاها :lkmnkl:





هذه عدسات الكرستال لون رمادي من نظارات الخالديه .. بصراحه تحسفت ما لبستها إلا مره مرتين ..لونها غامج ما جني لابسه عدسات .. بس الشيء الوحيد الحلو فيها إنها تكبر حدقه العيييييييييين .. ذكرتوني فيها ناسيتها :eh_s(3): ..

إللي تحب نتيجه طبيعيه تاخذها ..





هذه عدسات من صيدليه بوتس وتلقونها بأغلب الصيدليات إللي على 5 دنانير وتقعد شهر عندج ..

لونها أزرق غاااااااااااااااامـج ما عجبتني .. بالصوره هذه فلاش والحاله حاله وهم غامجه .. بس عجبت البنات إللي معاي .. يمكن لانهم يبون شيء طبيعي خاصه للصبح




هذه عدسات بيوتي آي ..أمل العوضي .. يهببببببببببـل أقوىىى عسلى على وجه الارض :eh_s(13): ..

لما تشوفونها بالعلبه تخترعون جنها تايقر بس على اللبس حلوه





والختـام آخر عدسات شريتها ..فريش لوك ( هازل ) لونها طبيعي وحلـووو حيل عجبني .. ومو محدد .. توني تمكيجت شيشتني ( كركوره ) بس تحطمت طلع التصوير يلوع الجبد انا هني حاطه عشرين ألف لون وإضاءات وحاله .. وأخرتها هذه النتيجه :eh_s(2):


أمانه مو نظرتي حزينه





وسلاااااااااااااااااااامـتكم وسلامت الحاضرين وتعيشون ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

ريفيـو .. عن مشتريـاتي من شـارمل .. ( يا ويلي من فوشيـا بعنيها من الصبح لـ شارمل )


بنـات شفت بتجمع ماك لون يهبببببببـل مت عليه شوفوه .. بين البنفسجي والازرق .. حيل غريب وحلو ..

عاد رحت سألت محل ماك قالوا لمتد .. يا جعل ما من ليمتد قولوا أمييييييييين :dddds:





عاد أمس رحت على فالي إلا ألقى شارمل مسوين تنزيلات .. خذيت منهم شدو بني بقلتـر يهبـل ..

وشدو مشمشي فاتح بقلتر .. وشدو نسـخـه من مال ماااااااااااك إللي كنت ميته علييييييه :eh_s(20):










وإللي بروحـه .. ماركه tools تلقونها عند شارمل بعد .. خذيت لون البيبي بنـك ..



هذه البنوته مستعمله مال ماك .. شوفوا شحلاته على العين :wqedqw: ..





وسلامـتكم يا الغاااااااااااليـن .. :eh_s(17):

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بهذه الصوره على بن لوك العيد إللي طالبينه البنات ..

فـ لازم تكون الحواجب غامجين وواضحين .. حطيت قلم فر ماركه ( إيليقانس ) لون بني .. تلقينه عند الهنود ..

وعند جودي آيبرل يم الشرقيه ..

بعدين حطيت بودره بدي شوي اللون الاسود .. بالفرشه المشطوفـه ماركه ماكس تاتش من الزلزله ..
يهببببببببببببببببببببببببببببـل السيت كله ..

الحمدالله لك ياربي فرشتي كانت مبيوقه من بعض الناس وردت لي اليوم ..


هذه الصوره لقيتها لج من مواضيعي القديمه .. الفرشه وقلم الحواجب ..






وآلله خووووووووووش تصدقين .. بحط ريفيو عن أدوات رسم الحواجب ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آلله الرحمـن آلرحـيم ..

بوريكم إللحين العدسات بعلبتها .. لان عين عن عين يفرق اللون .. فـ مو مقياس الصور ..
أحسن تشوفون الالوان وإللي يناسب عيونكم ..






نبدأ بـ درجات البني .. من اليمين فوق إلى اليسار

عدسات أمل العوضي لون بني -عدسات أمل العوضي بيوتي آي لون عسلي

عسلي فريش لوك - هازل فريش لوك







درجات الازرق . . من آليمين

عدسات بوتس لون أزرق - عدسات أمل حجازي لون الاكوا -عدسات أمل العوضي لون التركواز





درجات الرمادي

كوين كلر لون البيرلا-الكرستال لون رمادي -بيلا زينب العسكري رمادي





هذول بس إطارات .. لما شريت نظارات شمسيه عطوني إياهم هديه ...

إطارات ماركه جونسون .. ما حبيتهم صراحه ما جنج لابسه شيء بالمره ..





-=-=-==-=-=-=-=-=-=-=


العنـايـه بالعيون والعدسـات .. :


ما أوصيكم على نظافه عدسـاتكم وتعقيمها دايم .. وحتى إيدكم عقموها بالمحلول ..

أنا استخدم محلول (alcon ) من صيدليه بوتس حيل مدحوه البنات للتعقيم والتنظيف .. مرتاحه عليه




نجي للقطرات إللي ترطب وتعقم العين .. : تدرون إن العدسات تنشف ماي العيون .. فـ بعض المرات إذا جا على عيونج هوى بسرعه تدمع وتخرب المكياج وكل شيء ...

فـ لازم تقطرون عيونكم بقطرات طبيه قبل لا تلبسون عدساتكم بجم ساعه أو . . أول ما تقومون الصبح ..

انا عن نفسي أحطهم يوم وترك أو يومين وترك .. لانج ما تدرين متى بتلبسين عدسات ممكن تصير مناسبه فجأه ومو حلوه
تلبسين عدساتج ويحمر وجهج وخشمج يصير طماطه .. >> شكثر مرت علي :eh_s(3):


المهم أنا استخدم قطرات alcon وأنبولات أرتلاك ..تاخذين الانبوله وتقطرين فيها عينج وتقطونها لا تخلونها عندكم ..
حتى لو فيها محلول ..

وبـ جذي سكرنـا ملف العدسـااااااااااااااااااااااات :wqedqw: ..

وسلامـتكم .. :eh_s(7):

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

*العنـايـه بالشعـر المصبوغ* ..:

أنا شعري مصبوغ وتـالف وجاف :eh_s(2): ومدحوآ بنات المنتدى مجموعه كرستاتس للشعر وهي التوب :rerrerek: . .

رحت صالون الشرقيه .. فحصت شعري الخبيره وعطتني المجموعه إللي تناسبني . .


المجموعه عباره عن ( شامبو - ماسك - كريم حمايه ما بعد السباحه - تونك قبل النوم )

1-الشامبو أغسل فيه شعري عدل وحتى فروه الراس ..

2-الماسك أحطه بعد الشامبو بس ما أجي صوب الفروه كـلـش ...أخليه من 10 دقايق إلى ربع ساعه

3-كريم الحمايه أحطه بعد السباحه وهم ما تجيييييييين صوب الفروه كلش كلش ..

4- التونك يوميا قبل النوم تحطينه على الفروه فقط ..




توني مـا بديـت فيه .. بس حبيت أقولكم عنه .. وهذا دواك وعلى الله شفاك ..


-==-=-=-=-=-=-=-

أنا اعاني من شفايفي حييييييييـل جافين ويتشققون .. حتى بعض المرات من كثره الجفاف يحرقون ..

فـ إللي تعاني من الجفاف .. تجرب هالمنتج من nuxe تلقونه بالصيدليه .. طبعا مخصص للشفايف ..

ومن مكوناته العسـل ... يهبببببببببـل صراحه .. وثقيل حتى أثقل من الفازلين




وهذه صورته من النت






وسلامتـكم ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

ريفيـو .. عن مكيـاج . .(( ميك أب فور إيفر)) ..


هذا باليت الالـوآن المائيه .. قبل لا أشتريه كنت بحطلكم الريفيو من النت .. وتوه بنات طلبوا مني إني أسوي سواتشز على إيدي فـ هذا وقته أحطه . .





هذه السواتشز .. إلللي سألوني عن ايلاينري الاسود بأخر صوره تراه هذا هو إللي بالعلبه




وهذه البنت مستخدمه اللون إللي عند الازرق كـ حمره




=-=-=-=-=-=-=-=-=-=-=-=


الالوآن الكريميه الجديده .. قبل فتره قصيره نازله .. تستخدم كـ بلشر وكـ حمره بعد






كل الالوان مال أكـل _03BA:





هذه السواتشز للالوان ..بدون فلاش




وهذه بـ فلاش






=-=-=-=-=-=-=-=-=-=-=


البلـشرات الكريميه :lkmnkl: .. تحطيييييييييم كل الالوان عندهم وكل الدرجات .. وطبعا بس نقطه وحده تكفي وزوود ..




هذه سواتشز لبعض الالوان ..
























وهذول البلشرات الكريميه ... اللون إذا حطيتيه شلون صاير وإذا دمجتيه بخدودج شلون يطلع ..








وسلامـتكم فديـتكم :hjy5jewf:

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آلله الرحـمن الرحيـم ..

قلـت شوي نغيـر من جو المكيـاج .. وننتقل للاكسسورات .. _03BA:



ببدأ بإكسسورات لبنان .. كل شيء بـ لبنان غيييييييييـر ويهبـل .. صارلي شاريتهم قريب السنتين .. ولين إللحين ألبسهم
لانهم حيل مميزين وما تروح موضتهم ..

هذول الـ بعض منهم لاني قشيت منهم صراحه :dddds:














هذا توني شاريته من (سلفراما ) إللي بالافنيوز .. مطلي ذهب مادري فضه >> مييييح بهالسوالف :eh_s(3):






إكسسـوآرات العيـد شريتهم من كشك الهندي إللي بجمعيه الخالديه تهبببببببـل إكسسواراته والشورافسكي أصلي يبرق برق :eh_s(20): ...


بدلتي أول يوم ليموني ولقيت سواره وخاتم وتراجي لايقين على البدله .. وما يحتاج قلب لان بدلتي فيها شغل على الغوله ..





ولقيت إكسسورات حييييييييييييـل لايقه على بدلتي ثاني يوم حدي إستانست ركبت عليها وطلعوا مضبوطين ..

نفس شغل البروش إللي بالبدله





وسـلااااااااااااااااامـتكم وإن شاء الله حبيتو التغيير بالموضوع.. ولي رجعـه للموضوع بـرب .. :eh_s(17):

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آللـه الرحمـن آلرحـيم ...


:nbvppw: :nbvppw:


بنـوتاااااااااااااات اليوم صـار (( شهـر )) لمـوضوعي :eh_s(22): .. سبحان آلله الايـام تمر بسرعه ..

واليوم راح أتكلم عن الايـلاينرات الملونه والسوده +الكحول الملونه +طريقـه رسم الحوآجـب ..

وإعذروني بنـوتات راح يكون آخـر بارت أحطه بالموضوع لاني عندي ظروف تخص الدراسه ..

ورآح أرجع لكم بعد آلعيد بـ دروس أحلى وأحلى .. لـكن ما يمنع أدش الموضوع وأرد عليكم فديتكم :eh_s(17):




نبـدأ . .

****الايـلاينرآت السود .. من اليمـين إلـى اليسـار .. *****




1- أيلاينر ماك الكريمي : يهبـل وسواده حلـوووو وما يسيـح

2-أيلاينر سمايلنق : حلوووووووو وفرشـته بعد حلـو .. وهم السواد

3-ايلاينر ماكس فاكتر : هذا شاريته من سعوديه مادري إذا موجود بالكويت لاني ما شفته ... حلـووو بس فرشته عريضه ..
فـ ما أستعمله واجد

4-ايلاينر محمود سعيد : حبييييييييييييييييب القلب والروح _03BA: .. أخر مره شريته من محل محمود سعيد نفسه

موجود بالعربيد بلازا وبالحمرا مول بالفروانيه .. حسيت بـ فرق وإنه طول معاي هالمره .. المرات إللي طافت ينشف ويخلص فـ إظاهر زايدينه ماي أو مو أصلي ..


5- ايلاينر قزاز : من السعوديه .. يهبببببببببببل سواده بس أنا من زمان تاركه الفرشه المتينه أحب الضعيفه ..

6-ايلاينر برستيج : حلـووووو وسواده بعد .. بس فرشته بعد متينه أول كنت أحط منه بس إللحين لا ..

7- ايلاينر ستيلا باريس : من الهنود عـااادي بس أحلى ما فيه فرشته تصلح لـ رسم الشدو أو للتاتو ..


يعني بإختصـار تجاربي بالايلنرات كلها ناااااااجـحه وكلهم حلـوين من سواد وثبات وغيره ...



=================================


***** الايلانرات الملونـه ****


من آليمين إلى اليسـار ..





أول إثنين من ( مستر أند مسز ) من الهنود .. يهبـلوووووووووووووون وألوانهم فضيعه وواضحه ومعاهم قلتر خفيف ..


الثالث من برستيـج .. ناعم لونه سمـاوي وناعم ..

الثالث لونه زيتي بقلتر .. من ماركه سبلاش عند المنصور ..



يتبـع . .

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

******الكحـووووووول الملونه***** ====> ما أعرف الجمع صراحه :dddds: ..





نبدأ بـ****اللون الابيض**** . . من آليمين إلى اليسار طبعـا






1- الاي برايت من بنفت : يهبببببببببل لـ داخل العين ولو تلاحظون لونه مو أبيض أبيض لا مايل على الوردي فـ يطلع طبيعي داخل العين ... وتقدرين تستخدمينه بدايه العين وتحت الحاجب .. وفي أجنبيات يـ ستخدمونه على الهالات قبل الكونسيلر ...

2-من بلاديو : يلوع الجبد صراحه :dddds: .. بس لمعه ويالله تطلع ...

3-من سماينلق : عاااااااادي جدا بالنسبه للي راح أوريكم إياه ..

4- مستر أند مسز : بناااااااااات زبـده يهبببببببببببببببـل بسرعه يطلع وثاااااابت ما يروح لو شنو ..




*****اللون الازرررررررررق **** حبيب قلبي





ببدأ بإللي ما حبييييييييييييتهم كلـش ..




أول واحد سماينلق يالله يطلع معنه لونه حلو كحلي ..

ثاني واحد من قولدن ليدي .. كنت هابه فيه وعندي التوب .. بس لقيت إللي يصك عليه ومن غير ولاعه ولا برايه :eh_s(3):

ثالث واحد من بلاديو عـاااااااااادي جدا



حباااااااااااااااااااااااااااااايـب قلبي والتووووووب ..




يا ويلي يا ويلي عليهم كلهم مال أكل :eh_s(15): ..


أول واحد قولدن ليدي النوعيـه الجديده نفس مستر أند مسز .. ثباااااااااات وبسرعه يخطون ..

ثاني واحد من قزاز هم يهبببببببببل وبسرعه يخط


ثالث ورابع واحد يهبـلووووون يشبون شب بعيونج .. تقريبا نفس آللون بس واحد مطفي وواحد معاه لمعه خفيفه . .


الثالث من قولدن ليدي والرابع من مستر أند مسز .. نفس لون قولدن إللي حطيته لكم ضمن الالوان الرزق إللي ما حبيتهم ..

بس تخيلوا على ثباااااااااااااااااااااات ولون أوضح وكريمي اكثر .. :eh_s(15):



************* آللون الذهبي **********


الاول من قولدن ليدي النوعيه القديمه يآلله يخط بس بوقتها كان عندي أسكت وحلو

بس لقيت إللي يصك عليه .. طبعا من مستر أند مسز







**** اللون الزيتي + البنفسجي *****




يهبلـوووون ثنينهم وترى الصوره هذه ظالمتهم ..

البنفسجي أستعمله للكسره بعدين أنثره أو أزيده شدو بنفسجي . . يصير مررررررررتـب الشدو ..



يتبـع ....

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

شعرك سوآآآآآآآآآآآآآآآآآآآآآآآد آلليل بالهوىىى طاير >> طربانه :dddds:


******** آللون الاسود ********


للامـانه .. أنا كلش ما احط الكحل داخل عيني ... أحطه على منابت الرمش ومن برا ..

من آليمين إلى اليسار طبعا ..




1-سماينلق حبيب الكل :eh_s(9): .. ما يحتاج مـدح

2-من قولدن ليدي النوعيه الجديده إللي قلتلكم عنها .. يهببببببببببببببـل زبده زبده .. توني شاريته بس الكتاب واضح من عنوانه ..

3-من ديانا أوف لندن .: ماخذته من سعوديه .. بس إللحين موجود بـ محل أطياب إللي تابع للمنصور بالعربيد بلازا الفروانيه ... وهم فاتحين ستاند خاص فيهم بمحل المكياج الجديد إللي بالمهلب تحت ..
وآلله حلوو جربوه يمكن يعجبكم ..

4-من برجوا : مو لون أسود أسود .. لا أسود معدني ( ميتاليك ) مايل على الرمادي . .



وهذه صوره أقرب لهم ..



..



وبـ جذي خلصـنا من الكحـووووووووول ... وسلامـتكم :nbvppw:


يتبـع .. طريقه رسم الحواجب ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

******* طـريقـه رسـم الحـوآجـت *******




أول لازم نفرق بين الحواجب الخفيفه والكثيفه ..



الخفيفه لااااااااااابد يبيلـها قلم بني أو أسود لان بالشدو يبين الفرق ..

ممكن تجمعين بين الطريقتين تسوين إطار حاجبج بالقلم وتملين حاجبج بالشدو

أو ترسمين حاجبج كله بالقلم بعدين تخففينه بالشدو

هذه طريقتي قبل ..


الحواجب الكثيفه

حواجبي حاليا الحمدالله تغيرت عن أول وعرضت ..

فـ قمت بس أكتفي بـ ( بودره بدي شوب ) أو بعض المرات إذا أبيهم بارزين

أحط بشكل خفيييييييف تاتو الحواجب ( وانا أستخدم إللي من مكياج ) من الهنود أو فوقه قلم بني ..

يصيرون بيـرفكـت على قولتهم ...


وعموما ( القلم - التاتو -الشدو ) كلهم حلـووووويـن ويعطوني نتيجه حلووووووووووووه

إذا إستخدمتيهم عدل وتمكنتي من رسمه حواجبج .. كل الطرق تؤدي إلى روما :eh_s(20):


=-=-=-=-=-=-=-=-=-=-=-=-=-=-=






الشغلات إللي استخدمها ..:

قلم إيليقانس الفر يهببببببببببببببببببببببببـل آللون البني . . للحواجب ...


الفرشه المشطوفه ثنتينهم من ماكس تاتش من محل الزلزله >> جننتكم فيها أدري :krkrkr: .. تهبببببببببببببببل صراحه ..

أتعب وأقول تهبببببـل . . .


بودره الحواجب من بدي شوب يهببببببببببببببببببل آللون الاسود حده حده خطير ومو أسود غامج تحسون باهت ويصلح للحواجب ..واللون البني نفس الشيء يهببببببببببل ..

تاتو رسم الحواجب من مكياج .. لونه بني يهبببببببـل بعد ويتم معاااااج يكفي منه نتفه لحواجبج كلهم ..


وسـلاااااااااامـتكم حبيبـاتي إن شاء الله تكونون إستفدتوآآآ

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

الـسلااااااااااااامـ عليـكم ..

شلونـكم يا أحلىىىىى بنوتات شخبـاركم ..

أشكـركم كلكم على مشاعركم الطيبه وحده وحده .. وتفاعلكم بالموضوع إللي هو سبب التثبيت ..

وأشكـر المشرفـات على جهودهم الواضحه .. وما قصـروآ صراحه ..

وأعتذر لكم عن قله تواجدي لاني مثل ما قلت لكم عندي إمتحانات وإن شاء الله بخلص اخر أسبوع العيـد ..

وإن شاء الله بحاول أحط لكم ريفيوات ودروس قد ما أقدر ..


=-=-=-=-=-=-=-=-=-=

بسـم آلله الرحمن الرحيـم ..

تجربتي لـ ( ليزر الوجه ) ..








الحمـدالله بنات خل أونسكم أول شيء .. طبعـا راااااااااااااااحـه ما بعدها رااااااااااااااااااااحـه ..

والشعر لا طلع بيطلع ناعم ومفرق وحتى لونه فاتح مو أسود نفس أول قطيعه ..

ومن غير مبالغه حتى وجهج يشد ماشاء الله يصير شحلاته يفرق علييييييييييـج

طبعا كنت أعالج بالروكتان فـ الدكتور( عيسى بشور ) بمركز عنايه الالماني .. بالسالميه ... قالي عندج خيارين يا أما أكسجين أو ليزر غيره إنسييييييييييييييي

لانه يخرب البشره ويشلع طبقه الجلد إللي فوق وحتى إذا كنتي تعالجين وقتها ما راح يستفيد وجهج من العلاج لان الطبقه كلها تروح .. >> وصج من هالناحيه إرتحت أول ينفر وجهي ويحترق من الشمع وبعض النفر يبقى ما يروح ..



وعلى فكره حيل يمدح الاكسجين وصج تذكرت الاجانب واللبنانيات كله تشقيييييييـر شغلهم

قلت بسوي أكسجين حطيته ثواني ما تحملت قلت خلاص مـا عندي إلا الليزر ..


طبعا يحلقون وجهج بموس عساس تبين راس الشعره .. ويطقون لج الليزر على حسب لون بشرتج على حسب نوعيه بشرتج ..

إذا كنتي تعالجين مثلا وتعانين من إحمرار تسوين بـ ليزر البشره ( السمراء ) لانه أخف ماشاء الله تشوفون بشراتهم ناعمه وما يطلع فيهم شعر إلا خفيف .. وموجاته عميقه بنفس الوقت ..


أنا سويت بـ جهاز البشره السمراء معني مو سمره لاني كنت أعالج .. وطبعا الدكتور يشوفج وهو يقرر هالشيء ....

الحلـو فيهم نظاااااااااافتهم وشلـون مهتمين حيل بالانسانه المسكينه إللي تتألم قدامهم ..

أول شيء يحلقون وجهج بموس .. بعدين يخططون وجهج بقلم أبيض عشان يكونون دقيقين بالمكان إللي حاشه ليزر والمكان إللي ما حاشه ..

يلبسونج ( نظاره ) .. ويحطون لج شاش مع ماي داخل لثتج عشان ما تعور ضروسج ضربات الليزر ..

أخر شيء ينظفون وجهج من الشخابيط إللي على وجهج .. ويدهنونج بكريم جل ..


السلبيـات .. مااااااااااااااااااااااااااااااااااافي إلا الالـم واللسعات .. صج يحطون على وجيهكم هوى بارد بس هم تحسين باللسعه عشان أكون أمينه معاكم ..

بس تذكروآ (( إللي يبي الزين يتحمـل )) .. :eh_s(7): ..


الشغلـه الثانيه إللي حبيت أذكرها إني كنت بسوي بـ عياده ( الصالح كلينك) بخيـطان غير عن اللي أسوي فيها لانها غاليه ..

بس للاسف لما أكون أعالج أو وجهي مقشر يخافون وما يسوون لي وهذا مو تقليل من شأنهم ..

سويت بعياده غير عيادتي مرتين أو ثلاث لاني كنت مخلصه علاجي ليزرهم حلـووووووووو ما عليه كـلام ..

وكلش كلش ما يعور ولا تحسين فيه غير عن عيادتي الاوليه أمي لين إللحين تسوي عندهم بس أنا رديت عيادتي الاوليه
لـ ظروف علاجي بس إللي ما تعالج أنصحها فيه صراحه وأسعاره زيييييييينـه ..


قـرقت عليـكم واجد إعذروني ..

بس حبيت تكونون على بينـه وأقولكم كل شيء بأمانه ..

..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

توني خلصت المقطع يمممممممممممممممممممممممممممممه يمممممممممممه ابيهم

http://www.youtube.com/watch?v=9dYuGDAtnCw

عزوز تكفيييييين نخيتج ابي تشرحين لي شنو استخدمت من ماركة انجلوت بالاسماء وخاصه الشي الاخضر الي طير الاثاار

وشووكراااان مره اخوووراااا:balo:

صـاجه شغلهـاااااااا يهبـل هالبنوته والاحلى سوالفها وروحها ..

بنـاء على طلبج قلت أحط صور الدرس كـامل أحسن عشان تعم الفايـده ..



أول شيء بشره البنوته من غير مكيـاج .. عورت قلبي معنها حلوه وملامحها حلوه بس بشرتها مخربه عليها





1- حطت برايمر شفاف من إنجلوت



2-بعدين حطت الكونسيلر الاخضر من إنجلوت بعد .. رقم 60




3- تحط كونسيلر ثقيل من إنجلوت على مكان الاثار والحبوب




4- حطت الكريم أساس السائل بعد من إنجلوت



5- حطت كونسيلر خفيف لـ تحت العين لان هالاتها خفيفه





6-حطت البودره المضغوطه بـ فرشه بس عساس تثبت الكريم أساس .. بعد من إنجلوت البودره




وخلصنـاااااااااااااا ..










قبـل







بعـد ما حطت الرتوش الخفيف والبلاشر .. تهبـل ماشاء الله ..







وهي قالـت مو شرط تشترون نفس إللي مستخدمته .. في واجد منتجات تعطيكم نفس النتيجه بأغلب الماركـات ..


وإللي حابه تشوف الفيديو كـامل مع فرشها وطريقتها ..

http://www.youtube.com/watch?v=9dYuGDAtnCw


وسـلاااااااااامـتكم

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

السـلام عليـكم ورحمه الله وبركاته


.. شلونكم بنوتات ... وآلله حدي حدي مشتاقه لكم وأدري مقصره ..


أشكركم كلكم .. على وجودكم الدائم بالموضوع وأشكر حتى المشاهدات .. الحمدالله يوميا يزيد عدد المشاهدات ألف الله يزيد ويبارك..

بالنسبه لـ لوك العيد .. للاسف ما كان عندنا عيد لان صارت عندنا حاله وفاه .. آلله يرحم جميع أموات المسلمين ..

فـ قلت مره وحده أريح بشرتي لـ عرس بنت خالتي ( هوازن ) .. أدعولـها يا بنات بالتوفيق ..



هذا لوك سويته تعرفون الحريم داشين طالعين يباركون ماشاء الله .. ومنها أحلل المكياج اللي شريته :tongue22: ..


ماشاء الله ولا حول ولا قوه إلا بآلله ..





طبعا بالصوره ما كنت حاطه ماسكرا :eh_s(3): ..

وإن شاء الله بشرحه لكم .. وبشرح طريقه المكياج اللبناني والسر إللي إكتشتفته .. :rerrerek: ..

والشدو إللي إستخدمته يهبببببببببببببببببببببببببببببببببببل من بوبي براون طبعا إللي كنت أبيه خالص ولقيت مقارب له وشبيهه بالضبط وخذيته ..

بنات ما يحتاج تحطين لون ثاني بس إنثريه على كل العين تعرفون يعطيكم نفس لوك سموك اللبنانيات ..

إسمه slate .. بني هاااااااااااااادي على رمادي .. خطـير آللون ..


وإن شاء الله بـ حيل آلله برد على جميع إستفساراتكم .. وسامحوني على القصور مره ثانيه ..

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آللـه الرحمـن آلرحيـم ..

عدنـا والعود أحمدووووو .. شلووووووونـكم فديـتكم عساكم بخيـر ..

أشكركم كلكم على تواجدكم الدايم بموضوعي وما قصرتوآ صراحه ..


اليوم بـ تكلم عن تجربتي لـ ( صالون رشا شيك ) .. وعلى فكره مو أول مره أحط عندهم

وأستغرب من الانتقادات إللي توجهت له ..!!


تعاملهم عسسسسسسسسسسسسسسسسسسسسسسـل وما شفت منهم إلا كل خير وسعه صدر ..

وحتى كذا مره وحده قدامي تغسل مكياجها ويردون يحطون لها بعد شتبون أكثر من جذي ؟؟

وإذا في شيء مو عاجبج رشا الحافظ بـ كبرها تسنع لج وتضبطج بس أهم شيء على قولتها محد يطلع زعلان من رشا شيك ..



المهم .. انا سالفتي سالفه كان حيييييييييل زحمه عندهم وانا متعوده على سماهر وسماهر طلعت من صالونهم

قلت بجرب فائده صار عندها زحمه ووزعوآ الفواتير .. حطوآ فاتورتي عند ( فاطمه )

كانت تحط لـ خالتي دشيت عليها جان تقول ماشاء الله أنا أبيج بحطلج مكياج قلت أوكي مو مشكله بس أبيه ناعم وكيت وكيت

شوي إلا تطلبها عروس عشان تسنع مكياجها وطولت علينا جان تجي رشا وتقولي تعالي أحطلج .. رحت عند رشا

حطت لي البيس والاضاءه وهم جت عروس تعدلها قلت خلاص انا بروح لـ خالتي على ما تخلصين دشيت إلا تتشقق من

الفرحه ( فاطمه ) وتقولي سبحان آلله ربج كاتب تسوي عندي توني مخلصه من خالتج



المهم مكيـاجها حلـوووووووو ومرتب ومو مخبصه ألوان واجد ولكن تبقى خطه إيدي أحلىى وأنعم ( عشتو .) وخطتها أحس مصغره عيوني وهم إنتقادي على رسمه الحاجب ما أحب الضعاف أنا ورحت لها وقلت عرضيهم عرضتهم لي نقطه وقالت ما يصير تظلمين المكياج ومن هالكلام .. أنا كنت مرتبتهم وأبيها ترسمهم مثل ما إهم بس شنسوي .. عموما أنا ما أحط بصالونات إلا بالمناسبات إللي حيل حيل قريييييييبـه ..

.. انا نفنوفي فوشي جابت لي درجه النفنوف بالضبط وقالت مكياجج بحطه رمادي >> انا كنت مخططه على البرونز ..


المهم مالكم بالطويله ..

هذا المكياج ماشاء الله ولا حول ولا قوه إلا بآلله














استخدمت لي : ايلاينر محمود سعيد -شدو سي ريه الرصاصي يهبببببببببل - شدو نوبا الاسود فحم -

إضاءه سي ري تحت العين وعجينه حواجب ديرما كول .. وقلم كحل سمايلنق -قلم كحل الازرق من برجوآ


تاتو كريولان للحواجب

--------------------------------



بنت خالتي العروسه ( هوازن ) .. حطـت عند منار الحافظ إخت رشا .. وإسم آلله عليها طلعت تهببببببببببببببببـل ..

وهي أصلا بليا مزيونه .. وحتى قبل لا تبدي فيها ( منار ) قلت لها ممكن أقعد عندج >> مؤدبه ههههههههههههه

قالت أكيد وتقعد تسولف ونفسيتها حلوه والاهم من هذا كله عيني تتلاقط بشوف مكياجهم وصدت لكم بلاوي :eh_s(20):


وخذت الغرفه الـ vip أريح صراحه نفس شقه كبيره عندكم صاله وتلفزيون وحمامات تكرمون

وقهوه وجاي وحلىى .. وغرفه مقفله تحطين فيها أغراضج وقشج وخاصه العروس أغراضها ثمينه وغاليه

وهم صورنا على راحتنا بالصاله ماكو أحد حولنا ..


------------------------------

المكيـاج إللي يستخدمونـه .. :

طبعا صايره هناك المحقق كونان هههههههههههههههههه ..


كريم أساس الوجه :

مرطب بعدين سوبر كلر ..وعندهم غراش كريم أساس ثقيل يحطون منه نقط بـ عود أذون

بعدين يوزعونه بـ إسفنجه مثلثه

بعدين عاد تحط بودره سمايلنق الاشهر من نار على علم وتحط بعد لوس باودر ماله ماركه إهم خالطينه وطاحنينه مع إضاءه

وأخر شيء يحطون إضاءه سمايلنق شكلها نفس البودره من برا بس من داخل إضاءه تهبببببببببببببببل تبرق برق



كريم أساس الجسم :


يستخدمون سي ري .. مع كريم ثقيل حاطينه بقراش هم بدون أسم .. مسوين خلطه ثقيله

بعدين يحطون إضاءه الجسم بـ فرشه كبيره من ماك



مكياج الوجه :


الشدوات متنوعه .. يستعملون ماركه فلورمار + نوبا +سي ري + كريولان المائي والعادي + شارمل + بن ناي

الشدو الاسود الفحم من نوبا يهببببببببببببببببببببببببببببببل

عجينه الحواجب يستخدمون عجينه ديرما كول من زمان شايفتها يبيعونها بـ جودي آيبرل يم صالون الشرقيه ..

ولقطت لي صمغ الحواجب إللي يخفيهم من بن ناي ويستخدمونه فنانين اليوتيوب وخاصه الرياجيل عشان يخفون حواجبهم



تاتو الحواجب من كريولان

الايلاينر محمود سعيد من غير منااااااازع .. الكحل سمايلنق

الكحل داخل العين برجوآ الازرق ..


الحمر من الهنود كلهم .. وهم عندهم الباليتات الكبار حق الحمر ..


البلشرات من الهنود بعد .. وهم يحطون بلشر مطحون معاه إضاءه نفس طريقه أحمد القبيسي فوق البلشر العادي


التحاديد كلهم من الهنود

الفرش : ما شفت لي فرش ماركه معروفه ما عدا فور إيفر إستخدمتهم للعيون وجم وحده ينعدون

وتستخدم فرش عاديه مالت كراجا الهنود .. وإستخدمت الاسفنجات الصغار أكثر شيء ..


الاضاءات : شارمل - سي ري - كريولان - فور إيفر



وسلااااااااااااااااااااااااامـتكم حبيبتـاتي وسلامـت الحاضرين وتعيشون

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آلله الرحمـن الرحيـم ...


بتكلم عن عدسات شريتها بالفتره الاخيـره ..


طبعا العدسات إللي متحسفه قد شعر راسي إني لييييييييييش ما شريتها من زمان .. هي عدسات ( نونو )

فضيييييييييييييييعـه بنات فاتحه لابعد مدىى .. ومريحه وألوانها عجيبه ..

عندي رقم فرعهم بـ سلوى أذكر وحده حطته بالمنتدى وقالت إنهم يوصلون لـ البيت عاد قلت حلو حلو هذا المطلوب :eh_s(3): ..


التوصيل على دينارين ونص .. والعدسه على 10 .. وبحط لكم رقمهم مره وحده لان أدري بتسألون

إسم المحل نظارات ميامي ولهم فرع بمجمع منيره بالسالميه ..

25637152






من فوق لي تحت ..:


1-اللون الثلجي >> جذي قالت لي إسمه المصريه .. فضييييييييييييييييييييـع بإختصار .. وترى هو إللي لبسته بـ صوره مكياج العرس ولا يطوفكم

2-اللون العسلي .. >> على حسب لون العين ... انا جربتها علي طلعت فاتحه وحلوه بس بنت خالتي طلعت عليها لون أصفر ..

3- اللون الاخضر أويلاااااااااااه بس جنه عيون الايرانيات صج روعـه ..



-----------------------------





من فوق لي تحت :


1- عدسات صارت صفر على عيون بنت خالتي وعطتني إياها طلعت تهبببـل .. إطارها عريض وحيل يبرز العيون

ولونها ذهبي .. أتوقع إذا ما خاب ظني إنها ماركه بيلا ..

2- عدسات كلاسي نوال الزغبي .. من زمان ودي بالاخضر الفاتح جربتها وطلعت غامجه .. جان أشتري نونو ..

بس حلوه مثلا للصبح او للمكياج الهادي لانها غامجه وحجمها كبير .


يتبـع درس مكيـاج :eh_s(17):

.

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آلله الرحمـن الرحيـم ..


بـ شرح لكم لوك طايحه فيه وصج يحلي العييييـن وتحسون يعطيكم نفس مكياج اللبنانيات ومكياج هيفا خصوصا >> يا زينها ويا زين مكياجها بس :d ..


وسامحوني على رداءه التصوير .. صورنا بديجتال ماكو فايده صورنا بتلفون هم ماكو فايده :eh_s(4):


ماشاء الله ولا حول ولا قوه إلا بالله







ببدأ سيده بشغل العين ..




1- لبست عدساتي .. نونو اللون الاخضر


2- حطيت البيس الابيض من باليت ميك أب فور إيفر على حد الجفن فقططططططططططططط ..

ليش أنا أقولكم .. لان اللون إللي بحطه هادي بدون بيس وإذا حطيتي معاه بيس يصير أغمج .. فـ خليت لون الجفن بس الغامج

ونثرت من نفس اللون ورا جنه متدرج .. إستخدمت شدو بوبي براون إسمه slate


3- خذيت من نفس اللون وحطيته بـ فرشه ضعيفه لـ تحت العين ..

4-خذيت من باليت ميكب فور إيفر اللون الاسود الكريمي شوي مو أكثر .. وحطيته على عظمه الجفن .. وبعدين نثرته لي ورا


5- خذيت كحل قولدن ليدي اللون الاسود فضييييييييييييييييييييييـع سواده ولا يسيح .. وسويت فيه بوز عنون من قدام


وخطيت عيني من تحت ..



وهنـا السـرررررررررررررررررر .. ( إنج تسوين البوز بقلم كحل أسود تبرينه عدل مدل ) ..

أنا وحده ما أستغني عن الايلاينر وما أفكر أستخدم كحل بس لما أشوف لوكات اللبنانيات أحس ما يحطون أيلاينر يا شدو أسود أو كحل ..

وفعلا صج حييييـل يحلي العين وخاصه البوز تحسينه طبيعي وراسم عينج بشكل حلو ..



6- ترتبين الخطه من ورا .. بـ كونسيلر أو بكريم أساس .. تحطين منه نقط على فرشه بلاستيك ..





سويت إطار حاجبي بقلم ( إيليقانس ) .. بعدين عبيته بـ بودره بدي شوب بإستخدام الفرشه المشطوفه ..







حطيت تحت حاجبي بيس الشدو من سبلاش وأنطره لين ينشف >> تلقونه عند المنصور ..

وحطيت فوقه إضاءه لونها حلو بيج على سكري >> هم من المنصور .. وماركتها la splash ..


شوفوآ الاضاءه على الايد وتراها أقوىى من الصوره






طبعا آخر شيء .. أحط ماسكرا لانكوم فوقها ماسكرا جيفنشي المدوره ( لكن للامانه بالصوره ما كنت حاطتهم كان بروفه اللوك ) ..



الحمره .. خلطه طايحه فيها >> صايره تموت بالتخلط ..



أحدد شفايفي كلها بـ حمره memoriz >> إللي قلت لكم عنها من صالون الشرقيه ومن محل جودي آيبرل إللي يمه ..

وفوقها حطيت قلوس ميكب فور إيفر s10 فضييييييييييييييييييييييييييييـع .. يخلي الشفايف تجنن ..

وعموما انا طايحه بقلوساتهم صج صج تهبل ..معنى ما كنت أحب القلوسات بس حبيتها منهم


والحلـو فيهم تتحكمين باللون إذا تبينه غامج وإذا تبينه فاتح ..






وهذه النتيجه ..






وسـلامـتكم .. وإن شاء الله إستفدتوآ وقضيتوآ وقت ممتع بالدرس . .

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

بسـم آلله الرحمـن الرحيـم ..


اليوم بتكلم عن شدوات فضيييييييييييعه أنا شخصيا طاحت سعابيلي عليها :dddds: ..

إللي هي شدوات ( بوبي براون ) .. مو ماخذين حقهم لانهم قطيعه حيل غالين اللون الواحد على 8 ونص ..

وجنه الباليت 4 او 5 ألوان على 31 دينار ..

نبدأ



** الالـوآن الميتاليك **










** الالوان الميتاليك الكريميه **






** الالوآن المطفيه **


slate هو إللي عندي وإستخدمته بآخر لوك .. شوفوآ لونه أوضح بالصوره



















** الشدوآت الشيمري ** >> معـاها إضاءه أو لمعه






أمـانه مو تحطييييييييييييييييييم :lkmnkl:

 

[عز النفس يغنيني]

رد: مسـاحـتي الخـاصه .. عن كـل ما يخص عآلـم المكيـاج ... متجدد

القلوسـات والحمـر تحطييييييييييـم ..









الالوآن المشمشيه ..









كولكشـن النيود






هذه مستخدمه قلوسين منهم .. شفتوآ هالقلوسات النتفه ترى سعرها 8 دنانير حشاا علييييييييهم :eh_s(14):










وترى فرشه هالقلوسات غريبه .. حتى امي إللي مالها بالمكياج نقدت عليهم هههههههههههههههههه ..






وسـلااااااااااامـتكم بنوتـات .. إللي مستخدمه من حمرهم تعطينا رأيها ولون الحمره وإسمها .. :eh_s(17):