مسرحيات أول .. (( ليلى و الذيب )) ((الواوي و بنات الشاوي)) تعالوا

[ضعيفه وعصله]

السلام

شوفوا الصور و تذكروا ..

وناااسة تذكرون ؟؟

و هذي بعد ..

و هذي

و هذي ..

8
8
8
كانت جملتهم هذي : ابوي وصاني وانا قد الكلام لازم ارد ... لازم ارد ...

صح ؟؟...

مسرحيات اول تهبل تونس ...

ها شرايكم ؟؟

و منو راح لهم ؟؟

 

[* مـذهـلـه *]

وينج شمسه وين مغربه قاعده على الشط قاعده اتمشط ياها الواوي قالها قومي ماني ماني هذا مكاني بغسل و شرب و باكل رطب و بروي من الماي و اخيتي وياي يا واوي بيباي يا واوي بيباي

وناسه اندمجت انا حافظه كل اغاني هدى حسين و مسرحياتها
يسلمووووووو يا المزيونه ذكرتيني باللذي مضى ​

 

[مسك 3]

وناسه
قاعده على الشط قاعده اتمشط ياها الواواري قالها قومي قالتلا ماني هذا مكاني
وهذا رابط موضوعي نفس الحاله ياتني من فتره
على قوله نيومام (ذكوووره)http://q8yat.net/showthread.php?t=39120

 

[QUMAR]

وااااااي ذكرتيني ياحلاتها ويا حلات ايام مسرحياتها
بس الحين بناتي مغرمين بمسرحياتها

 

[$الـــحـــلاوه$]

ياااحلااااااة المسرحيااات
تهبببببببببل اللي قبل طبعااا
مو الحين خرابيط..

 

[رفرف]

هالمسرحيات اتهبل انا بنتي ادمنتهم .. ليلى والذيب والواوي وبنات الشاوي واخر وحدة البنات والساحر ...
حتى حفظت اغانيهم كنت احطلها الاشرطة واغني معاهم خخخ عايشة طفولتي ...
احسن من خرابيط هالايام ...

 

[aBoOoRa]

ماتذكر المسرحيات كللش
بس اتذكر كان في مسرحيه اسمها شيزبونه على ماعتقد هذي اتذكرها
ميرسي عالموضوع حبوبه ​

 

[سبائك]

شلون ما نذكرهم!!!!!!!!!

فتحنا عيوننا على هالمسرحيات يا حلاتهم

مشكووووووووووووره على الصور

 

[تفاخيه مبطوطه]

كانت جملتهم هذي : ابوي وصاني وانا قد الكلام لازم ارد ... لازم ارد ...

ونرجع القريه قبل لا يزيد الظلام قبل لا يزيد الظلام تن ترا ترا ترا ترا تن ترا ترارارا

هههههههههههههههه

شرايكم بنات نخلي الموضوع تسميع حق المسرحيات؟ راح آخذ المركز الأول

احلى مسرحيتين عندي وحافظتهم عن ظهر قلب

استغفر الله بدال مانحفظ القرآن يوم كنا يهال حفظنا المسرحيات

بس صجججججججج كانو ابداااااع ويحترمون عقل الياااهل

 

[تفاخيه مبطوطه]

واحلى شي نفانيفهم !! يشوقووووووووووون

كان نفنوفهم بالبنات والساحر اللي اول شي لما يقعدون على الديرفه ودزووو الديرفه واللي يطيح مانلقفه ذكرتوه؟

اللي كان لونه احمر ياحلوووووووووووووه يشووووووووووق كانت امنيتي يكون عندي مثله

 

[SeNyOrA Q8eYa]

الله ..

تصدقوون اني لي الحين أطالعهم بين فترة وفترة..

وأنا أحب:-

(ليلى والذيب)

(الواوي وبنات الشاوي)

(البنات والساحر)..

ماجني قمر على الدنيا يهل أكو مثلي في هالدنيا جميله وجمالي هل يوجد مثيله..

هههههههههههههههههههههه

 

[تفاخيه مبطوطه]

ماجني قمر على الدنيا يهل أكو مثلي في هالدنيا جميله وجمالي هل يوجد مثيله..

انا اقدر اوريج ويهج ومظهرج لكني ماقدر اوريج فعايلج! شوفيها بعيون الناس شوفيها

عن علي الطرب اليوم؟

 

[رفرف]

الجمال جمال الرووووح من الداخل ... والا جمال المظهر ترا زايل ...

سكتو هالمسرحيات الثلاث لااااازم اشغلهم كل يوم حتى لو بنتي ما تطالعهم او مو قاعدة بالصالة ممنوع احط شي ثاني بالتلفزيون والا تصير فضيحة بالبيت ...
وبنتي متقمصة الشخصيات كل يوم لها اسم ... مرة ليلى .. شمسة ... قمرا .. ولازم كل البيت يناديها بهالاسم ...

 

[ضعيفه وعصله]

يسلمووؤووؤوووؤوو الغاليات على المرور ...

 

[^^دموع الكويت^^]

واو اشلون ما نتذكر هالمسرحية حافظته كلها ههههههههههههه


تذكرون الذيب لما بقى يعرف وين بيت اليده

يدتج وينها فيه ساكنه بأي الدروب عايشة بوسط كوخ تمشي اشويه جنوب تلقى بير يمه مجرى الغدير كوخ ايديده هناك يصير

ههههههههههههههههههههههههههههههههه


وبنت اختي الحين احفظت المسرحية وللحين ترى اليهال يحبونها

 

[ضعيفه وعصله]

لووووووووووووووول

يسلمووؤووؤووو على المرور ..

 

[زيـنـه]

هذه طفولتنا شلون ننساها .. بس ما طلعت ممثلة للاطفال مثل هدى حسين .. صج كانت مسرحيات غنائيه هادفه و تجذب ..مو مسرحيات هالوقت لا هدف و لا معنى

مشكوره على الموضوع

 

[ضعيفه وعصله]

العفو و حياج الله

 

[مزيونه وشقره]

واااي امبيه احبهم حييييل كنا نروحلهم وبعدين نشتري اشرتطتهم واااي المزيونه مشكوره يا اختي الغاليه

 

[ضعيفه وعصله]

العفو و حياج الله