مسج عورت قلبج ... تعالو شاركو

[رفرف]

مشكوريييين

نبي بعد

 

[واحشنى موت]

الصبر وياك محتاااج لصبر
ياحبيب الروح هذا مايصير
ضاع عمرى وانت ماعندك خبر
صعب اعااشر شخص ماعنده ضمير ....!

""""""""""""""""""""""""""""""""""""""""""""""""""""""""""""""""
أنا مقدر اكون حبيبك فى بعض الأحوال
أنا كلى اجى ولا أروح كلى

 

[شمس آخر الليل]

هذا المسج وايد أثر فيني حبيت أشارك فيه معاكم وان شاءالله يعجبكم


( آآآآآآآآآه)

ياطول ليل الكويت ويا ثقل دمه ..
من يوم قلبي فقد له واحد غالي ..
من غاب عني ونفسي شايل همه ..
الين ضاقت من أسبابه سعة بالي ..
فيني من الضيق ما يصعب علي لمه..
وشلون أبفرح وأنا ما أشوفه قبالي !!

 

[MaYoOoma]

ياليت بعض الناس فيني يحسون
وياليت مافي خاطري يعرفونه
وياليت بعض الناس للعهد يوفون
والماضي اللي فات ماينكرونه
وياليت لاقبلنا عليهم يهلون
لاجيتهم والقلب زايد شجونه
وياليت لاوجهتهم مايصدون
ابتمعن في حلاوة عيونه
وياليت لارسلت الرسايل يردون
والهاتف الجوال مايغلقونه
وياليت لاجيت اشتكي له يعذرون
قلب تولع ليتهم يعذرونه
وياليت ياهل الحب للحب قانون
قانون يجمع شمل منهم يبونه
وياليت ثم ياليت ، ياليت يدرون
من سبته قلبي تزايد طعونه

 

[*دبدوووبه*]

رفرف حبيبتي قبل ماشارك
احب اقولج ان عنوان الموضوع فيه بدليه
مسج عورت قلبج ؟ ماااايصير
مسج عور قلبج تعالوا شاركوا فيه

لان نسيتي ألف الجماعه

لوووووول ادري بتكفخييني لووووووول
والحين بشارك في مسج

 

[*دبدوووبه*]

ياسنين
انا من بعد الغالي
مالي نصيب بالافراح
ياسنين اليتم ياسنين الحزن
نصيبي بالحزن مكتوب
بعالم الحسره مهموم
من بعد فرقاه
انا اليتيمه:ssssso:

 

[fashion girl]

ما صغرت بعين أعدائي لجل أصغر بعينك..!
وانتي عارفتني وعارفه اني بعينك كبير..
بس أكيد هناك واحد جالس بيني وبينك..
همه إني كل ما أكبر اطلع بعينك صغير..!!


واااو .. صار معاي هالموقف ..
كل ما اقراه اتذكر الموقف ..

 

[كنوووونه]

وااااااااااااااااااااااااااااااااااووووووووووووو مسجاتكم حده رووووووووووووووووعه تكفووووووووون لاتوقفووووووووووووون نبي بعد

 

[شموخ المرأه]

عندي مسج مو قادره ارسله حق اي احد بالمره حتى لو اطلبوه مني
بس لما لقيت هالموضوع قلت لازم تشاركوني فيه


سمعت باليتيم اللي قدام عينه تموت أمه
يناظر ور يقدر يبرر دمعة الشفقان
يصرخ خذي روحي بس خليج يا يمه
وتموت ويعاني مع الذكر ألم وأحزان
كأن احساسي احساسه وما همني همه
هو القدر أخذ أمه وأنا فاقد أعز انسان

 

[*دنــيـQ8 ــا الوله*]

شنو هالمسجات اللي تعور القلب ... عورتوا قلبي :eh_s(2):

 

[*مرامي*]

هذا المسج صج صج صج يعور قلبي ويخليني ابجي

كم واحد يوم ضاقت دنيته جيته؟

اهديته العمركله يوم ناداني

وفي ساعة الضيق كم واحد ترجيته

وكم صاحب قلتله تكفى ولاجاني

 

[رفرف]

مشكورييييييييييييييين

لا يوقف لا يوقف

 

[تـــؤبــــر تسبــــــــدي]

عور قلبي؟ ليش اذكره ..اصكه ديييليييييييييت
ابو المسجات وابو النقال فوقه< بس خلاص تمت تمت :d:d
ههههههههههههههههههههههههههه

المسج اللي مقدر عليه يقول لكم ياطويلات العمر:

فمان الله يا راحل وتاركنا بدون أسباب
سمعت الشور من حاسد ولا قدرت تاليها
نقول إرحل ولو ما عاد تفتح للرجوع أبواب
محبتنا الأصيله باقيه باسمي مباديها
يا راحل لو يطول البعد منا ما سمعت عتاب
نقدر عشرة الغالين والزلات نمحيها
رحيلك زوّد الحرقه وغرّق بالدموع أهداب
ولأنه باختيارك تقنع النفس بمآسيها

 

[قمر 14]

أرجوج سامحيني تري العمر طاف
بكمل نص ديني وبتوكل علي الله
مقدر اجاري قلبي وأعطي حب جاف
خلي المشاعر بينا بالشهر مره

حده هالمسج عور قلبي

 

[دهن عود مبخر]

أخذ وصاتي وأمانه لاتبّكيني
لو كان لك خاطرٍ ما ودي أزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحدٍ كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
أيام نمشي عدل وأيام منعاجه

همي عيالي وأنا اللي فيْ كافيني
علمهم الدين تفسيره ومنهاجه




صج صج صج عوار قلب
ومسج يبجي​

 

[محبوبه ومبروكه]

ماني مجازيك في صدك وهجرانك
ودعتك الله وتلقى واحد ثاني
اتعبت الاعيان والاقدام من شانك
وانت ولا شي سويته على شاني

 

[احلى عيون]

دهن عوووووووود مبخر مسج تحطييييييييييييييييم وعوااااااار قلب :eh_s(2):
اخ بس اخ :eh_s(2):
خليها على الله >>>قامت اتحطلم :denya:



معميني الطيب والكل يتقاسمني
...............وانا على نيتي والقوم حياله

 

[رفرف]

دهن عوووووووود مبخر

واااااااااااااااااااي صج عوار قلب ..

ابجي ؟؟؟

 

[أم حيدر]

أخذ وصاتي وأمانه لاتبّكيني
لو كان لك خاطرٍ ما ودي أزعاجه

أبيك في يديك تشهدني وتسقيني
أمانتك لا يجي جسمي بثلاجه

لف الكفن في يديك وضف رجليني
ما غيرك أحدٍ كشف حسناه واحراجه

أبيك بالخير تذكرني وتطريني
يجيرني خالقي من نار وهاجه

سامح على اللي جرى ما بينك وبيني
أيام نمشي عدل وأيام منعاجه

همي عيالي وأنا اللي فيْ كافيني
علمهم الدين تفسيره ومنهاجه



الله يسامحج يارفرف - والله يسامحج:eh_s(2): يا دهن عود مبخر انا بالدوام خنقتني العبرة ودمعت عيني​

 

[أم حيدر]

دايم أردد عسى الله لا يفرقنا

وتخنقني العبرة اذا قلت :

آمين