مسج عورت قلبج ... تعالو شاركو

[رفرف]

شلونكم بنات ؟؟

طبعا الفكرة ملطوووشة

كل وحدة تكتب مسج حست انها أثرت فيها وعورت قلبها !!!

عندي مسجات وايدة "يا كثر مايعورني قلبي"

راح أبدا بأول مسج


(غاب عن دنيتي بامر الظروف ..
غاب وشجون فكري تتبعه
كلما حاولت أبكتبله حروف
انكسر سن القلم في موضعه
مدري وشلي يمنعه!!
أو هي الأقدار يمكن تمنعه ..
ودي أرسله مع الغيمة عتاب ..
واعتذرله إذا قصرت في يوم معه ..)

 

[ورود الجوري]

خوش موضوع والله ..تسلمين قلبي
الي اثر فيني وايد ...
بكيت و هل بكاء القلب يجدي؟
فراق احبتي و حنين وجدي ...
فما معنى الحياة إذا افترقنا ؟
و هل يجدي النحيب فلست ادري ؟
فلا تذكار يرحمني فأنسى ..
و لا الأشواق تتركني لنومي
فراق احبتي كم هز وجدي
و حتى لقائهم سأضل ابكي

 

[نفيشه]

ترى انا متطرفة وودي ابجي

 

[dal3 kuwaiti]

انا ما عور قلبي مسج انا كتبت شعر وصج من قلبي اكتب الابيات وقلبي ينزل منه دم احس اني تعذبت حيل ....

اسمعوا قصيدتي وان شاءالله تعجبكم ....

ما ارضى اي احد ينسبه له ... امااااانه في اعناقكم

غبت وبقت روحي معك مستديمه ...... عيت تفارق لحظتك يوم ودعت
ذكرتني بلعن ظروفن مريره ........ فيها شقي عمري معك يوم سلمت
لكن تأكد عمري جدد زهوره ...... يومك عن الدنيا بعدت وتغربت

وصج ترى الموقف هذا ماره فيه ....

 

[fooshya.q8]

وااااااااااااااااااي المسجاات اللي تعور القلب يااكثرها عندي

عندي واايد واقوى من اللي بكتبه بس هذا كل ما اقراه
يضيق خلقي ويذكرني بأشياء واايد

على ذاك الجدار اللي على احد بيوت الطين..
وقفت.. وهاجس الذكرى ينفظ غباره ..
تخيل..! يوم لامست الجدار ( تنهد ) من شقى ناره ..
سألني قال : انا اذكر تجوني ( اثنــــين ) ؟!!

" بكيــــت " وقلت : رحـــــــــــــــــــــــــل


ولا ادري عن اخبــــــــــــــــــــــــــــاره ...




صج يعور قلبي

 

[غير كل الناس]

اكبر خطا عذر يجي بين الاخوان
لاصرت اخوي وتعتذر لي فشيله
مخطي ان ظنينتني كنت زعلان
حشاك والله مايجي منك عيله


بدون مبالغه كلما قريته بكي قلبي قبل عيني

 

[رفرف]

واي مسجاتكم اتعور القلب ...
كملو لا يوقف لا يوقف


نفوش
بره لو سمحتي مش نائصين

 

[غير كل الناس]

مني عيني خذاه الموت مني
وهو توه صغير في شبابه

 

[غير كل الناس]

خاطري مكسور من قسوه زماني
وانت كنك اياه وفعولك فعوله
تعتبرني شخص مغرور واناني
واعتبرك الكون في عرضه وطوله
اااااااااااااااه لو تحس بجروح الاماني
كان ماتخليت عني بهالسهوله

 

[رفرف]

غير كل الناس اخر مسج تهببببببل

لا يوقف لا يوقف
====

وهاذي مسج لكم




أناديلك وعبراتي بدمع الشوق مختنقه ..
واحس انك رحلت بعيد ..
وانت بداخلي باقي ..

 

[سبائك]

بصراحه المسجات الي تعور قلبي وتطحنه بعد

الي تطلب تبرع للدم بسبب حاله خطره او حرجه

 

[$$درر والماس$$]

ابكيتني وانا احسبك تكره بكاي

واثرك اتلذذ في دموعي وانا ابكي !!!!!

:eh_s(16):

 

[الزين كويتي]

طبعك عديم احساس طبعك أناني عقلك صواب ولاكن القلب مصيوب
القاها منك ولامن زماني انا ؟أنا اشهد انك كاسبن فيني اذنوب

 

[الزين كويتي]

في غيبتك كني مع الهم موعود...
داخل على الله لايطول غيابك**
ياخي حياتي صارت ايامها سود..
يرحم ابوك اتشيل عني عذابك**
من كثر ماأنا شفت في حبك حدود...
أخاف تلقى جثتي عند بابك**

 

[الزين كويتي]

حلفت ماأرجع لو حياتي بدينك
نفسي عزيزه مارضت بالمذله
ماأرضى تجرحني ولا أرضى أهينك
أبرجع لدربي وإنت دربك تدله
ماقصرت بحقك من أول سنينك
واليوم ودك تاخذ العمر كله
مهما عطيتك مايبين بعينك
عمر الأناني ماعرف قدر خله






وسلامتكم:أدري طولت وهذا شي من لاشي تدروون عوار القلب اختصاص المرأه بحكم رومنسيتها الزياده

 

[kuwaitya_20]

واااااااااااي عورتو قلبي والله ذكرتوووني فيما مضى بس الحمدالله على كل حااال

انا ماعندي مسج انا عندي مقطع من اغنيه الاماكن ..

الاماكن اللي مريت انت فيها عايشه بروحي وابيها بس لاكن مالقيته جيت قبل العطر يبرد قبل حتى يذووب في صمت الكلام واحتريتك .. كنت اظن الريييح جابت عطرك يسلم علي كنت اظن الشوق جابط تجلس بجنبي شوي كنت اظن وكنت اظن وخاااب ظني ومابقى بالعمر شي ....

وسلاااامتكم..

 

[سمووورة]

ليه
يوم احتجت لك خيبت ظني ...؟
ليه صاير قاسي وضيق اطباع
كل ما اعاتب خفوقك صدعني ....
كن ما صدق لقى فرصه ...
" وباع "

 

[ياسمينا]

خاطري مكسور من قسوه زماني
وانت كنك اياه وفعولك فعوله
تعتبرني شخص مغرور واناني
واعتبرك الكون في عرضه وطوله
اااااااااااااااه لو تحس بجروح الاماني
كان ماتخليت عني بهالسهوله

وااااااااااااااااي عور قلبي حيل هالمسج

 

[رها]

تعبت اقول لضيقتي سهود ومهود
اليا متى هالعذر بيكون عذري
البارحه يوم اكثر العالم رقود
عادت علي اللي تجي منين مدري
الضيقه اللي كل ما راحت تعود
مكانها ما بين قلبي و صدري
ناسن تنام مدهنه في دهن عود
وناسن تنام مدهنه بزيت مقري

 

[غير كل الناس]

لاتظلمن اذا ماكنت مقتدرا فالظلم آخره يأتيك بالندم
نامت عيونك والمظلوم منتبه
يدعو عليك وعين الله لم تنم