مستوى ولدج او بنتج اذا كان بمدرسة خاصة ؟

[**reem**]

مرحبا بنات شلووونج
انا بنتي بجريد 1 بمدرسة خاصة امريكية وانصدمت بصعوبة الدراسة والمناهج وبنتي ضعيفة بالانجلش وكل يوم احاول وياها علشان تتقوي انا ابي بنتي نكوون متفوقة دراسيا شلون ؟ اذا كانوا عيالج بمدارس خاصة تهتمين لمستواهم انهم يتفوقون او بس تكتفين شنو استفادوا خصوصا انها صعبة ؟

 

[كويتية صغيرة]

ماحبيت اطلع بدون رد
ان شا الله البنات اللي عندهم خبرة
يفيدونك

 

[**reem**]

تسلمين حبيبتي كويتية صغيرة

 

[رفرف]

عن نفسي بنتي بمدرسة خاصة قريد 1 بس ما يهمني انها تتفوق ..

يهمني انها تتعلم وتستفيد وانا جدا تعبانة معاها بالتأسيس من قبل لا تدخل المدرسة ..
ان تفوقت زين على زين وان ما تفوقت كافي انها تستفيد وتتأسس عددل ومستواها يكون زين ..
اليهال قدرات مو لازم كلهم يكونون متفوقين ومو التفوق اهوه الهدف .. شفايدة التفوق اذا المدرسين يحطون درجات يسكتونا ومستوى الياهل ولا شي ..

اللي اسويه بوقت العطلة اني اعلمها على لعب لين تثبت المعلومة عدل واشغل لها اشرطة تعليمية .. ومن قبل لا تدش الروضة اعلمها سوالف الحروف والارقام والاشكال والالوان ومسكة القلم هذا من الصغر .. وبالروضة غير تدريسهم انا اركز وايد على الحروف والارقام والكتابة لأن هذا الاساس ..
وايام المدرسة لأنت مافي وقت بس اتابع معاها شنو سوو بالمدرسة وتحل واجباتها وبس ما ادرسها ولا شي ماعدا الاملاء ..

 

[حلم الطفولة]

اختي إنتي ما دخلتيها قبل من الروضه ؟؟ المفروض يكونون مأسسينها حق أولى ..
عالعموم آنا عيالي يوم صغار لازم أشتري لهم كتب أنشطه وقصص خصوصا من المعارض الي تقام بالمدرسه أو من ورقة الطلبيه اللي من أمريكا عن طريق المدرسه (( بالذات سكولاستك ))

ومثل ماقالت زميلتي رفرف مو شرط تتفوق .. طالما قاعده تستفيد من مناهجهم اللي تهبل وقويه ,, وراح ان شالله كل ماكبرت تزيد قدراتها ويزيد استيعابها ويتحسن مستواها بإذن الله << بالذات إذا المدرسه صج زينه ومستوى.
وتبقى المسأله قدرات ... لا تظغطين عليها ولكن سوّي اللي عليج كأم من متابعة واجباتها وتدريسها للإمتحانات والذهاب لاجتماعات المدرسه ... هالشي راح يساعد تطورها لدراسي ان شالله

 

[سيدة الكويت]

طبعا يهمنا التفوق

بس المشكله بالقدرات تختلف حتى بين الأخوان....لا تضغطين على طفلج بالدراسه فى يهال يبردون القلب بسرعه يفهمون وفى يهال يعللون القلب

واولى ابتدائى مفروض حتى القصص يكون يعرفون يقرونها المبسطه ويتهجونها
وكلمات قصيره يكتبونها وييسون جمل

 

[**reem**]

مشكورين حبايبي والله انا فكرت انها تستفيد اكثر بس هم بخاطري تتفوق بس صاجة كل طفل وقدراته يسلمووو على الرد

 

[بشوشه]

انا ولدي بجريد ون بالتكامل (نظام امريكي ) كلمة تعبانه شوس عليه
مع ان من الحظانه سنتين و الروضه سنتين دراسته بالانجليزي بس لانه اصغر من اليهال اللي بالصف فوااااااااااااااااااااايد تعبانه معاه طبيعي انج تبينها تدرس و تتفوق بمستواها مو حيالله تدريس بس لازم في خطوات ما تهملينها و انا قاعده اسال كل الل حولي حتى بالنت بس عشان استفيد و اعرف ادا اللي انا قاعده اسويه صح او لا صدقيني محد راح يفيدج او ينفعج الا تجربتج انتي الشخصيه مع بنتج ولا احد راح يحس فيج و الكل عباله انج مبالغه

انا مت من القهر و انا ادرسه للاملاء و اخر شي يغلط بكم كلمه و لا كاني درست و تعبت و لا جنه حافظ الاحرف من اساس شنسوي كل اللي علينا انا نبدل المجهود الللي نقدر عليه و الباقي على قدرت كل طفل و خلينا نتواصل مع بعض نشوف التطورات اللي قاعده تصير

سوري بس بنتج باي مدرسه

 

[lyale]

انا بنتي بقريد ون بمدرسه خاصه واكيد ابيها تكون متفوقه فا وقت الدراسه وايد اشد عليها لان ابيها تتعود علي ان شي ضروري ومهم مثل اي شي ثاني بيومها مثل الاكل والنوم وهذا جزء من مسؤلياتها لازم تعرف لان توها طالعه من الروضه علي اعلمها ان الدراسه الحين غير عن قبل ويبلها مجابل وهم احاتي ان تكره الدراسه بس مادري انا اشوف ان التفوق شي ضروري وخصوصا قريد ون لان صفه راح تلازمها كل المراحل فا لازم ابدي صح معاها اما بالنسبه للمعلومات فا الكل بياخذ المعلومات من المدرسه المتفوق والغير المتفوق والمعلومه بتركز بذهن الشاطر فا يهمني وايد انها تتفوق ادعو لها بالتفوق معيشتها بضغط حبيبتي

 

[سيدة الكويت]

رفع