مستعيله وبخاطرج مكياج عملي وطبيعي؟؟ بعطيج نصيحه لأحلى لوك ب5 دقايق

[Bamya]

السلام عليكم
شلونكم بنوتات؟؟

بدرعم بالموضوع على طول

بما ان واايد تحوشني مواد تكون الساعه 8 ، استغفر الله هالوقت كلللللش مو مزاج اني أحط مكياج و أتفنتق ، فلقييييت الحل بالصدفه :ggdw:

يالله نبلش ، بسم الله ، ربطوا الحزام ترى الحوادث زايده <-- عفوا مافي املق؟؟ خخخ

أول شي حطي كريمج المرطب

بعدين حطي فاونديشن تحت منطقة العين (مو كونسيلر لااااا لأنه فاتح وبيخرب اللوك ، اختاري فاونديشن نفس لون بشرتج بالظبببببببط)

بعدين من نفس الفاونديشن اذا عندج عيوب ببشرتج تبين تغطينها ، اخذي نقطه فاونديشن بصبعج وطبطبي على الحبوب أو الآثار اللي تبين تغطينها

بعدين ييبي اسفنجة الويه ورشي عليها شوي بخاخ ماي ورد وطبطبي على ويهج (لما ترشين ماي الورد على الاسفنجه لا تقربينه وايد ولا تبعدينه وايد ، خلي المسافه وسط) وهالحركه تخلي ويهج فرشششششششششش وايد وتدمج لج الفاونديشن اللي حطيتيه مع بشرتج، ما استغني عنه ويعطيها العافيه (ام خدود نظيفه) اللي علمتني عليه:friends:

وهذي أهم خطوه بالمكياج ===> تعصرين على صبعج شوي من اضاءة ريفلون (واااايد خفيفه وفيها لمعة تخلي ويهج مثل المرايا ، تغنيج عن المكياج حدهاااا رووووعه وعملية ) وطبعا تختارين اللون اللي يناسبج منها (في لؤلؤي ، وردي ، بيج ، برونزي) ، وتوزعينها على بشرتج وتبدين توزعينها بحركة دائريه كأنج تسوين مساااج لخدودج ، ولا تنسين عظمة الخشم ، والحنج واليبهة، واحيانا احط منها تحت الحاجب
وهذي صورتها للي ما يعرفها

Revlon
skinlight

وبعد ما خلصنا أهم خطوه وصار الويه كأنه مرايا ويهببببل من الصبح

بس بعد شنو باقي؟؟؟
حطي شوية شدو بيج فوق عيونج ، وحددي أطراف عينج بالكحل (أسود او بني، انا عن نفسي احب البني القامج يعطي لوك طبيعي حيييييل كأني مو حاطه شي ، ويوسع العين)
وحطي مسكرا وقلوس وردي أو مشمشي أو اللون اللي تحبينه

وبس :wqedqw:

طيرااااااااااااااااااااان عالمحاظرة :RoadRunner: قبل الزحمه وطلعة السواق والهنود

واستانسي بأحلى لوووووك ، صج يخلي ويهج طووووول الدوام فيه حيويه ونضاااره وترى الاضاءه تعطي ترسه للويه ، يعني يطلعلج خدووود (شتبون بعد بدون تفخ ولا ابر وحوووسه)

ان شاء الله اكون فدتكم

تحياتي القلبيه
اختكم باميه حلوه

 

[* مـذهـلـه *]

تسلمين حبيبتي و ما قصرتي على هالخطوات الحلوه

صدقتي و الله الاضاءه تعطي شكل للوجه ..

الله يعطيج العافيه

 

[[ . . Jee Jee . . ]]

بجرب اضاءة رفلون ,, ثانكيوو حبيبتي

 

[! بنت العاشره !]

مشكورهـ

 

[ღ•»الًـجٌـوِرٌيّ«•ღ]

تسلمين حبيبتي

 

[قطاوي]

مشكوره وايد وياحلو المكياج الطبيعي والله

 

[june_m00n]

ثنكيو حبيبتي

يعطييج العافيه

بجربها انشالله حركة ماي الورد

 

[$غــ(ز)ــل$]

مشكوووووووووووووره على المعلووومات
اي والله صاجه المكياج الصبح مادري شلون يصير

 

[وردة في كل الفصول]

والله فكرة والتغيير حلو ....

بجرب طريقتج انشالله وبلغج بنتايج ....

مع اني للحين مو مستوعبه سالفة الماي ورد؟؟؟؟

وتسلمين يا حلوة على الموضوع الحلو...

 

[دانتيل]

مشكووووره حبوووبه صراحه واايد استفدت لان انا ما احب احط مكياج يبين احبه حيل ناعم
و طريقتج بعتمدها ان شاء الله صبح و ليل

الف شكر لج

 

[الاسطورية]

شوقتيني عاللمعه بجربها
مشكورة

 

[المجره]

تسلمين يالغاليه :ggdw:

 

[dalprincess]

مشكوووره حبيبتي

 

[بتبوتااا]

مشكووره حبيبتي

 

[هند الكويت]

مشكورة وايد
بس شنو نوع الشدو اللي تستخدمينه

 

[KaNoOoSha]

خوش افكار تقريبا نفس خطواتي

بس اللمعه ماجربتها

بس شكلها عجيبة بس وين احصلها ؟؟؟

 

[* عباية راس *]

طريقتج حلوه وسهله ومبين حيل حلوه

يسلمو يالشيخه

 

[rzaan77]

مشكووووووووووووره حبيبتى

 

[Maltesers]

مشكوووووووووووره حبيبتي .. ما قصرتي


اضاءة ريفلون عندي ياها بس من زمان مو مستخدمتها لاني شريت اكثر من اضاءه بعدها


ان شالله بجربها على طريقتج لاني كنت احطها قبل الفاونديشن بجرب احطها فوقه

 

[atosha]

حلوو وتسلمين عالموضوع