مستشفى الصباح .. استفسار عن الولادة فيه والاستقبال بعد ,,

[نور الفنر]

انا جربته في ولاداتي السابقه ... تخيلي كنت اعزم عالخاص و اخااااف اروح كله يتراوالي انهم بسوون لي شي ما احتاجه .... وفي اللحظه الاخيرة احول على الصباح ....

اهم زينين وممتازين ... وسسترارتهم رووووعه والله عن تجربة ...ويحاولون انج ما تحتاجين خياط تخيلي ... بس عيبهم ما بعد الولاده ... قصدي الغرف واللويه مالتهم ...وانا بعد ما عندي واسطه اروح وواسطتي ربي ...

وانا الحين حامل الحمد لله وبالثامن ...وهالمرة مفكرة بالسلام بس عشان الغرف وزوجي وعيالي يكونون عندي على طول ... وما دري اشلون بولد بخاص حدييي خايفه منهم ...

والله يعيني ...


والله يهون عليج انتي بعد

 

[سميره مزيونه]

انا كنت مفكره اولد بخاص ومزهبببه فلوووووسي وكل شي وعلى اخر شي خفت وفكرت بالصباح سبحان الله خيره من ربي
شوفي حبيبتي انا والده هناك بالبجر وصج والله سهالات من رب العالمين ومن ثم منهم وذا على الاستقبال ابشرج سنعوووووه بشكال مفاجئ جنه خاااص وطبعا العنايه عندهم توووووب والخاص العيب فيهم من يصير شي بالياهل يا قيصريه يا يودونج حكومي وفوق هذا سستر لج بروحج حتى لو ماحصلتي غرفه خاصه حتن بالعمومي سستر لج برووج توديج وتيبج انا تفاااجأت والحمدالله كل شيييي ااوووووكي

 

[بخـــارى]

استقبال انسي لانه الزياره ممنوعه بعد السبع
واستخيري ربج
والله يسهل عليج ويقومج بسلامه

 

[دآنة آلرشآيده]

مآعندي فكره
الله يهون عليج يآرب​

 

[نور الفنر]

امس راده فوق ...

و رايحه وراده على هالموضوع اشوف اخر الاخبار لوووولي

بروحي صايرة مطرفه عالخاص ومو مشتهيتهم مادري ليش ...

جني بهووون وبروح الصباح

معقوله سنعوووووه ؟؟؟

انا خبري فيه من 2006 بس ...كان عمومي وازعاج لوعه وكسااافه ... وانسي الغرفه حتى الواسطه اذا مو قويه انسييي ...

انزين شنو سنعو بالضبط ؟؟ او ي جناج ؟؟؟

 

[om baddor]

انا ولدت ب2006 كان وصخ وقديممممممممممممم

وولدت ببنتي 2009 وماشالله كان الجناح نظييييييييييييف ومرتب فرق عن الولادة السابقة مع ان الاولى غرفة خاصة وبالثانية عمومي ماحصلت خاص وكان العمومي وااايد انظف واشرح واهتمام اكثر بس سالفة كل مريضة سستر ماادري يمكن يديدة وانا بعد ولاداتي فتح بطن
انشالله هذي المرة القاهم افضل من كل مرة

انا اخاف اولد بالخاص ماادري ليش تعلمت على طبيبتي بالصباح

 

[معلمه متميزه]

والله شكلي بولد بالصباح واتوكل على الله بس شلون ؟؟ انا اراجع بالسلام عند دكتورتي وما ابي اغيرها على اخر شهر فعادي بس حزت الولادة اروح لهم ولا لازم افتح ملف ؟؟ واذا لازم افتح ملف شلون ووين ومتى اي حزه ؟؟

وتسلمون

 

[معلمه متميزه]

تسلمون بنات على مشاركاتكم الروووعه ..وننتظر المزيد ..

 

[pearl84]

انا حاليا متواجده فيه صارلي 39 يوم ........ وراح اتم لحد مايولدوني ............
واي استفسار انا بالخدمه ...........​

 

[سميره مملوحه]

وانا. عن نفسي. والده بنتي البجر من سنتين عندهم. الولاده سهاله من الله. بس ماتعبت عندهم للأمانه. عطوني ابره ظهر. بس للأمانه ضليت اطلق واتعور بمكاني واللسستر اللي يمي قاعده تخم. وتغني. قاعده اصارخ. تعالي شوفيني. البيبي طلع ولا لا. وتتعلج بهالعلج. اقولها سستر تعاااالي. سستاااااار. جان ترد لكل برود. هاااااا شنو. يبي. عنبو دارج. بالله شنو ابي يعني. تعالي جيكي علي شوفي جم فتحت سانتي. والله والله بعدين يوونيي السسترات. بعد ماترجيتكم بغرفه الولاده. تعالو تعالو. حسيت البنت راح تطلع. بعديييين ياو الخوات. جان يقولون لي يلا يلا. جان تسحبها. وولدت الحمدالله. يعني لو ماني مناديتهم. جان ولدت نفسي بنفسي. والحمدالله كله من الله سهاله. بس المعامله تفرررق عن الخاص. مع اني كنت مزهبه فلوسي بروح خاص بس خفت على اخر شي واستخرت ربي والحمدالله بس اذا على الغرف كانت سستر لي بروحي توديني الحمام ومتى ما ابيها اناديها وتيي على طول والحمام يلوع الجبد هذا اللي اذكره وثاني ولاده بخاااااص طبعا. والحمدالله ارررتحت. بس خياط الصباح. عادي مو تجميلي. لعبو فيني الله لا يوريكم. ماجنه عمري 22 جني 42 بس الحين مسويه تجميلي وان شالله غير

 

[& شرطان الذهب &]

انا ولاده فيه اهتمامهم حلو بس المشكله صج بعد الولاده ازعاج بس اهم شيء الولاده

 

[امواج الكويت]

انا اراجع بالصباح ودكتورتي قالتلي كيفج اذا بتولدين بالصباح بس ممكن تصادفين دكتور مو زين انتي وحظج وان شاءالله اذا ربي تمم علي ناويه عالخاص

 

[انجبر قلبي]

ودي اولد فيه بس حيل خايفه لان دكتورتي وايد زينه وخياطها القيصري ممتاز وانا قيصريات بس المستشفى اللي اتولد فيه حيل غالي تعبنا من هالاسعار المبالغ فيها
بس خايفه من خياط القيصري مالهم انا سويت قيصريتين و ما جني مخيطه ماشاءالله مايبين خياطها
اخاف يكون اهناك خياطهم علامات او يتشوه الشكل منو جربت القيصري عندهم