مستشفى الصباح .. استفسار عن الولادة فيه والاستقبال بعد ,,

[معلمه متميزه]

قوة بنات شخباركم ..

ابي اسال منو عندها معلومات عن مستشفى الصباح يقولون سنعوه صج ؟؟

انا قبل جم سنه رفيجتي والده فيه ومسويه استقبال بس للاسف ماقدرت اروح ولا كنت بشوف المستوى لاني تفاجات انها مسويه استقبال هناك ..

فمنو عندها معلومات تقدر تفيدنا اكون ممنونه .. وتسلمون

 

[ام زهقانه]

اب ما ادري

 

[om baddor]

انا والدة من سنتين فيه بس للاسف ماحصلت غرفة خاصة لقيت عمومي بس كان جديد بالمرة وتكرمين الحمام داخل الغرفة والجناح كله يديد فاكيد حتى الخصوصي سنعوه انشالله احد يفيدج

ولدي البجر خذيت غرفة خاصة بس كانت لوعة ووسخة​

 

[om MaRyooM]

اذا عندج واسطة بيدلعونج ويسنعونج

اذا لا رح تتبهذلين

وانا اقول قطي فلوسج بالشمس وقعدي بالظلال


مستشفى الصباح مأساة وعليها وايد مشاكل

 

[om baddor]

حبيبتي ام مريوم مشاكل شنو؟؟؟؟؟؟؟؟

انا اشوف كل المستشفيات عليها مشاكل حتى الغالية

بعدين ماادري ليش احس الحكومة اضمن انا من ولدي البجر كان في عليه خطر وقالولي بالخاص مانتحمل المسؤولية

بس الصباح ماقصروا معاي​

 

[chocolat cake]

اي بنات فيدونا اللي ولدت هناك؟لان انا بعد اراجع عن فوزية القطان قالت لي فتحي لج ملف بالصباح لان احتمال اولد بالسابع والخاص مايستقبلون حتى اذا كان وزن البيبي اقل من كيلوين بعد سمعت؟

 

[مس كرز]

صح كلام لاخت في مشاكل وايد بكل المستشفيات مو بس الصباح

 

["*آآآنؤؤؤقهـ*"]

اب



اب



اب

 

[أم حمودي**MALL**]

ماعرف صراحه

 

[Candel in the Desert]

الله المستعان !!!
الصباح سنعوه ؟ متى؟
انا كنت نايمه فيه بشهر يناير الي فات! هذا سيفوه وهذي خلاجينه لا حمامات مثل الاوادم ولا غرف سنعه!
اهو صح الخاص ما يستقبل الحالات الصعبه واذا حالتج صعبه روحي الصباح بس لا تتوقعين تلقين شي واو ! لانه المستشفى حده داثر وازعاج موطبيعي

بس ما اقول الا الله يعينج

 

[om al ghaleen]

حبيبتي الله يسهل عليج
مااقدر اقولج الصباح مو زيينين
بس استقبال مااتوقع تقدرين تسوين
صعب الغرف صغيره واذا طبيعي يحطونج بعمومي مع 3 او 2
واذا انتي مو بجر ومقتدره نصيحه روحي خاص علشان الخياط
لانه خياط الصباح زفت والحمدالله

\\

 

[q8cute]

والله انا والده هناك من تسع شهور كنت اراجع عند ماجده اليتامى وقالت لي احتمال اولدج قيصريه لان البيبي اللي قبله كان قيصريه والياهل كبير فمن الخوف هونت ورحت الصباح
والله ولادتهم روعه احلى ولاده بعيالي كلهم مع اني والده من قبل كله بالخاص اول مادشيت جناح الولاده يابولي سونار لي عندي علشان يتاكدون من حجم البيبي والدكتوره رايحه راده علي والولاده قاعده عند راسي وماهدتني ولا دقيقه وعطوني ابرة ظهر ولا ما حسيت بشي الا طلعت الراس ويوم طلعوا البيبي شالوه وحطوه على بطني مثل الافلام والله احلى شعور وبعد مانظفوه يابولي اياه عشان ارضعه والخياط حلو ومرتب اهمه مايسوون تضييج بس خياط من داخل ومن بره يعني تجميل وانا عطوني غرفه خاصه بس غرفهم قديمه ماتصلح حق استقبال كلش بس انا يوم كنت بالمستشفى مانوا قاعدين يرممون الجناح اللي يمي وقالوا راح يفتحونه بعد جم اسبوع

 

[ورده القرين]

اذا عندج واسطه يحطونج بغرفه كبيره خاصه انا قبل اربع سنين ولدت فيه قيصري وسويت استقبال وماعليها الغرفه كبيره مع حمامها لاني والده قيصري وقعدت فيها خمس ايام وسنعت الغرفه وفرشت الغرفه وحطيت طاولات ومفارش والله صارت حلوه
وتهبل والكل مدحها والبيبي خذونه مني لانه عمليه وحتن السسترات والله حنوننين ويهبلون بقششيهم والله يساعدونج والحمد لله
وحتن الجرح انظف ومالتهب عليى زي اول ولدي البجري الي ولدت فيه بالهادي ووالجرح انفتق وتبطل .

 

[كويتيه مذهله 87]

والله انا والده هناك معاملتهم حلوه تينن من اروع مايكوون كل تي تبينه فوق راسج بس استقبال لوووول لأ وين تسوين الاستقبال
انا لمن رديت البيت سويت استقبالي لان الغرفه ماتسااعد علي الاستقبال كلش ملش
ردي البيت وسوي الاستقبال علي الاقل تكونين شوي فيج حيل تستقبلين الضيوووف

 

[&موناليزا&]

انا ولدت هناك لاني حاله خاصه وخذيت غرفه بالجناح الخاص

طبعا هذا الجناح يحتاج واسطه وايد قويه

معاملتهم واااااااااايد حلوة بالنسبة لي احسن من الخاص

 

[@ام يوسف@]

انا والده كل عيالي الله يحفظهم بالصباح اول واحد بالسابع الدكاتره والسسترات اللي بجناح الولاده ما عليهم بس النظافه واو فظيعه ووووووووووووووووووووووووع بمعنى الكلمه

 

[Om eL'3aLe]

وصخ وصخ وصخ بمعنى الكلمة عندج واسطه يعطونج اذا تعرفين دكتور انا توني اجهضت عندهم مالت عليهم وحسبي الله عليهم تبين حياتج لا تروحين وصخ ولا اكو رعايه حتى السسترات اقولهم ابيها بس توديني الحمام قالتلي سوري ولا يوم بيحطولي الدرب عوار موطبيعي هذا غير مواعيد الزيارات انا عن تجربه

 

[معلمه متميزه]

مشكورين بنات على الردود ما قصرتو .ز تصدقون كلمن وتجربته ناس تمدح وناس تذم .. انا موعدي الي طاف الدكتوره قالتلي احتمال قيصريه فاذا بيولدوني قيصير ماني والده بالسلام اروح الصباح احسن ..وسمعونا تجاربكم بعد .. وتسلمون

 

[kuwatiya]

انا والده هناك بولدي البجر بس قيصري ومعاملتهم حيييل حلوووه

الغرف لا واسطه ولاشي بس الاولويه للوالدات قيصري بعدين اذا في مكان حطووو الطبيعي

وسلامتج والحين انشالله بولد فيه بإذن الله وبسوي استقبالي فيه بعد

​

 

[الأماكن]

...~

اذا عندج واسطة بتصرين يا دهينة لا تنكتين

ما عندج ..."الله يعينج"