مستشفى السلام..... وطريقه الولاده!! شلون

[FuSheYa]

السلام عليكم



شلونكم بنااات



الله يسهل علينا ويرزق كل محروم الذريه الصاالحه يااااارب :yaaaaaarb:



اول شي سؤاااااالي...

منو تعرف دكتوره مريم بيبي الهنديه بمستشفى السلام؟
اهيا رئيسه قسم التوليد هناك

انا راجعت عندها مره وحده وكان اول موعد قبل اسبوع او اكثر تقريبا
كانت شويه منفسه بس مومشكله عندي

اللي بعرفه هل خياطها زين؟
شلونها بالولاده؟؟؟
بليييز طمنوني
انا هذا بجري وحدي احاااتي عقب المواضييع اللي قريتها !!



وسؤالي الثاني

اذا ياني الطلق وصارت حزه الحزه... ولاده
اروح المستشفى دايركت!؟
اروح الطوارئ؟؟
واهما يعطون دكتورتي خبر؟؟
حتى لو الفير تييني؟؟؟

او شلوون الطرييقه؟؟

احس صارت الحجيه الحيين لان خلاص داشه شهري بعد اسبوع باذن الله
ف 100 سؤاال وسؤال ببااالي :bbbiu:



بليييز طمنوني يزاكم الله خير
ولكم احلى دعوه يا احلى امهاات :eh_s(7):

 

[ميااااار]

اب
اب

ربي يسسسهل عليك .. وتولدين بالسلامه

 

[ام عفاف الكويت]

مريم انحاشي نصيحه كثر ماقريت عنها بالنت مارتحت لها
الكل يمدح نزهت

 

[om la6ofa]

اتروحين الطوارء و اهم يدقون على دكتورتج

 

[anooma_86]

حبيبتي تروحين الطوارئ وتكون الدكتوره معطتج من قبل ورقة دخول فيها كل التعليمات و اهما راح يدقون على دكتورتج

 

[zahoora304]

بجريية و نفس حالتج تعبااانة و ضايعة مع هالدكتورات
رفع
رفع
رفع

 

[yasmeen_q8]

مريم بيبي كلش ما يمدحونها

نصيحه غيريها

روحي حق نزهت او نجمه شطار اذا كنتي تبين دكتورة بس لو تبين الاشطر عندج عمرو عصام هذا من تجربة اهل ريلي واهلي قالولي ان عمرو عصام اشطر اهو ومحمد بكري عقبهم ايون نزهت ونجمه

 

[توتــه]

هالدكتوره راجعت عندها من كنت باول شهر لي الشهر السادس تقريبا وانا الحين بالثامن

بس شنو كرهتها حقييييييييييييره نفسيتها زففففت لوعت جبدي مع ان خواتي 2 والدين عندها

ويمدحونها ويمدحون خياطها وهم قالولي عنها بس بصراحه كرهتني بالمستشفى بكبره هونت عنه ورحت الهادي

اهم شي نفسية الدكتوره لان بالمراجعات جذيه شلون بالولاده والله كني قاطه 20 دينار بس علشان تشوف السونار وتقول

مافي شي تخيلي بس هذا اللي قالته وكلش مالها خلق تتكلم معاج ولاتعطيج من نفسها حقيره وشايفه نفسها بالاول كانت

عادي بس بعدين اخر المراجعات تغيرت نفسيتها مادري ليش

 

[أأأميرة الورد]

الله يهون عليج وتولدين بالسلامه

 

[الشيخات]

الله يسهل عليج

 

[yummy girl]

اب اب

 

[~LiBrA~]

ديربالج من المستشقي بكبره
امس اختي والده عندهم وعقسوها بغو يذبحون البيبي في بطنها لولا ستر الله

وحتي دكتورتها ناهده العلي تهاوشت معاهم

 

[مزاااج]

خرعتــــــــــــــوهااا
مسيجينه بجر
جذي تسوون فيها​

شوفي أختي لاتسمعين كل رأي وتأثرين فيه
لازم تعرفين أنت شنو تبين
أنتي تبين وحده تولدج وتخيطج زين
والا تطقها معاج سوالف وابتسامات​

واذا مو عاجبتج وانت مومرتاحه لها غيـــــــــــــــــــــــريـــــــــــــهااا ع طووووووووووول
بدون تردد​

سبحان الله بهــالامور قلب المؤمن دليله​

وانصحج بالاستخاره وربج راح يقدر لج الي فيه الخير ان شاءالله ​

واذكرج بالدعاء والاستغفار وحسن الظن بالله تعالى ​

وللعلم ما عرف هالدكتوره والا ودي افيدج​

الله يهون عليج​

 

[يا عيون سمي]

ما جربتهم والسهالت من رب العالمين

 

[elpinkya]

ماعندي فكره الدكتوره
بس الله يسهل عليج يارب و تولدين بالسلامه
و صدقيني التساهيل من ربي العالمين وانتي بتولدين بروحج و الدكتوره والي معاها مجرد وجودهم العادي انتي الي بتسوين البوش وانتي الي بطلعينه ولا اهم مهمتهم اذا صار شي يتدخلون وبس
عليج بالدعاء خيتي و ربي يسخرهم لج يارب

و كلامي عن تجربه لاني ممرضه و ولدت بايدي بمستشفي الصباح والي علينا انقولها تسوي بوش وقت الطلق واول ما يطلع الراس نسحب البيبي و نقص الحبل السري والتساهيل من الله

الله يتمم عليج و تولدين بالسلامه يارب ^_^​

 

[FuSheYa]

بعد قلبي مشكووووورين

واي صج خرعتوووني

انا ماعندي مانع النفسيه
كيفها نفسيتها على نفسها

انا قصدي شلونها بالولاده والخياط

المستشفى انا واايد حابته وصج بخاطري اولد هناك

مع العلم ان اول حمالي وقبل الحمال كنت بالمواساه وعلى السادس تقريبا رحت رويال حق بوخضور

بس الحين خذيت عند دكتوره مريم
كان اول موعد معاها وان شاءالله 4 الشهر موعدي الثاني

وبالنسبه للدكتور انا مابي ريال
استحي ههه






يعني تهقووون احول؟
اروح حق نجمه؟ او وحده اسمها فيجايا؟
او نزهت؟


او اتم على مريم؟

 

[wafa82]

انا بولد عندهم انشالله ولدت عند نزهت وخياطها زين بس انا تغسرت لان بنتي كانت كبيره

 

[FuSheYa]

حبيبتي وفا
الحمدلله على سلالالامتج
والله يقومج بالسلامه


هالمره بتولدين عند منو؟؟ عند نزهت بعد؟

 

[anooma_86]

حبيبتي اذا انتي مرتاحه مع الدكتوره خلاص لاتغيرينها و مالج شغل بأحد شوفي انتي وين راحتج بس المستشفى الصراحه روعه و عنايه لا تحاتين

 

[عبث طفله]

السلام يهبل .. بس مريم بيبي ما ارتحت لها كلش ونفسيه وماعليها منج لو صارت لج ولاده مبكره يعني ما تحاول توقف الطلوق وغيره .. انا صارت لي هالسالفه .. رحت لها وانا ولاده قالت عادي اولدي ونحطه بالحضانه شهر ولا شهرين !!!!!!!!!!!!!!!

انحشت رحت للشاذلي الله يذكره بالخير .. قال بأذن الله ما راح تولدين الا بالتاسع

والحمد لله ما ولدت الا بالتاسع وبنتي اطلعت معاي من المستشفى


مريم غيريها روحي لنزهت حيل شاطره وحبوبه ..