مستشفى الأمومة ولا مستشفى العرف ؟؟؟؟

[السرآآب]

رد : مستشفى الأمومة ولا مستشفى العرف ؟؟؟؟

انا بعد ودى اولد بالامومه عند الدكتور محسن شكثر بنات يمدحونه وراجعت عنده وارتحت له احسه فاهم وشاطر والله يسهل علينا

 

[أأأميرة الورد]

رد : مستشفى الأمومة ولا مستشفى العرف ؟؟؟؟

الله يعطيكم العافية
وما قصرتوا

 

[أأأميرة الورد]

رد : مستشفى الأمومة ولا مستشفى العرف ؟؟؟؟

رفع

 

[سارا ديور]

رد: رد : مستشفى الأمومة ولا مستشفى العرف ؟؟؟؟

انا الحين بديت اراجع عند دكتوره بلغاريه اسمها مارينا بالعرف مرتاحتلها وناويه اولد عندهم ان شاء الله..
والتجارب اختي ومرت اخوي و5 من رفايجي والدين يه ويمدحون فيه
اختي ومرت اخوي عند دكتوره جياما وباجي رفايجي عند دكتوره مارينا
وبالنسبه للامومه صراحه مااغامر اولد بمستشفى جديد وانا توني بجر

البلغاريه خوش وحده اتهبل وشاطره

بس بصراحه ستاف المستشفى يلوع الجبد

ما فيه إلا دكتور منصور والبلغاريه

اما الباجي وعوووووووووووووووووووووووووووه

اختي توها والده عندهم من شهرين عيل ولاده قيصريه 3 ساعات

الدكتوره البلغاريه اخذت ثلث ساعه ولاده مع خياط وطلعت عقب استلموها هالجلاب اللي ما يفهمون

دكاتره الافاقه واحنا 3 ساعات ننطر يقولون اشجابت اختي اطلعت من الغرفه تبجي لدرجه عبالنا ان

الياهل مات لكن تبجي من سوء المعامله داخل

 

[شفايف كرزيه]

بصراحه ماعندي فكره عنهم شخصيه بس بنت خالتي ولاده بالامومه ماتمدحهم كلش
والله يهون عليج وعلينااا

 

[أأأميرة الورد]

رد : مستشفى الأمومة ولا مستشفى العرف ؟؟؟؟

الله يعطيج العافية شفايف
ما قصرتي يالغلا

 

[السرآآب]

رد : مستشفى الأمومة ولا مستشفى العرف ؟؟؟؟

رفع

 

[أأأميرة الورد]

رد : مستشفى الأمومة ولا مستشفى العرف ؟؟؟؟

يسلمووووووووووووووووووووووووووووو

 

[راقية باخلاقي]

الدكتوره مارينا البلغاريه بالعرف

 

[أحساس نفسي]

أنا أن شاء الله بولد بالأمومه لأني إراجع عندهم الحين وصراحه مستشفى راقي. ومتخصص حق الولادة بس
ورفيجتي والده فيه تقووول روعه وبنت خالتي بعد
كلهم يقولون حلو حيل وحتى رعايتهم غرفهم تجنن
وبعدين المستشفيات الخاصه اللي بالكويت كلها خذت نصيبهاا من الذم ومن المدح
ماتدرين منو تصدقين علشان جذي تؤكلي على الله سبحانه لأنه هو اللي يسهل على المره ولادتها
لا دكتور ولا دكتورة ولا مستشئفى ولا شيء ، تؤكلي على الله وشوفي المكان اللي ترتاحين له والله ييسر أن شاء الله

 

[Om -TOota]

رفع رفع لعيونج

 

[ام علاوي وعزوز]

انا كنت محتااااارة بين العرف والاموووومه العرف صاااير زحمة لما ادشة ما ارتاح جني داشة سوووق من كثر الحريم واليهااال اللي يزورون المرضى وازعااااج بالبداية فكرت فيه علشان قريب من بيت ابوي واريح حق امي اذا تبي تزورني بس بعدين غيرت رايي ورحت الامووومه وشفت الوضع هناك فرررق السما عن الارض المستشفى حيل هادي الكل يمدحة وحتى صعدت فوووق شفت الغرف العادية حلوه وراااقية وحجزت عندهم بالعرض اللي مسوينه ( الغرف العادية بـ 500 بالعرض 350 شامل ليلتين وثالث يوم تطلعين ) الله يسهل انشالله

 

[بخـــارى]

حياتي استخيري ربج
والله يكتبلج الي فيه الخير ويسهل عليج

 

[أأأميرة الورد]

رفع

 

[ربة الحسن 2]

دكتورة عبير اللي كانت بالهادي ما أنصح أحد فيها وما أقول الا حسبي الله عليها دنيا وآخرة عقب ماكنت والدة طبيعي جم مرة على ايدهها ولدت قيصري والسبب اهمالها وغبائها الطماعة...
وما ورتني وجهها عقب العملية الله يوريها العذاب اللي ورتني اياه.
وكلت أمري فيها لرب العرش العظيم ربي ياخذ حقي منها.​

 

[ربة الحسن 2]

الله يسهل عليج وعلينا الولادة واستخيري الله
وعسى الله يقومج بالسلامة...
اسمحي لي انفعلت لما شفت اسم عبير ينذكر..​

 

[أأأميرة الورد]

رفع

 

[ملوكـه]

uuuuup

 

[أأأميرة الورد]

حبيبتي ملوكه
الحمدالله انا ولدت على خير في مستشفى الامومة شهر5

كاتبه تجربتي بتجمع مراجعات مستشفى الامومة

المستشفى حلووووو وعنايتهم ورعايتهم أحلى

من الدكتور الى السسترات والغرف والاهتمام وكل شي

والتساهيل من رب العالمين

الله يهون عليج وتولدين بالسلامه

 

[نوت مطير]

رد: رد : مستشفى الأمومة ولا مستشفى العرف ؟؟؟؟

نصيحه روحي العرف عند الدكتوره منتهى السالم تجننن ومريح التعامل معاها ومن ناحية الاسعار حلوه والاجنحه حدها راقيه