مستجده بجامعة الكويت وليلحين ماغيرت الباسوورد !

[~ miss NERD ~]

^نفس الشي مو قاعد يصير شي معاي لما ابي اغير الباسوورد!

بس احنا لا نفاول على روحنا و ان شاء الله يدش

انا اليوم دشيت السستم و دشيت على السحب و الاضافه و حطيت المواد اللي ابيهم

 

[~عيون الحب~]

يامعوده مانفاول بس الاحتياط واجب
بنطر لي الاحد اذا ماصار شي بروح لهم الصبح قبل تسجيلي المغرب ':\

 

[FOOSHA]

و الله نفسسس حالتج بالضبط

بروح لهم باجر و بشوووف ما بقى شي ع التسجييل !!

 

[~عيون الحب~]

بليز اذا سألتي قوليلي شيصير

انا مابقا احد ماسألته وآخرتها انا بروح لوووووووول

 

[FOOSHA]

بليز اذا سألتي قوليلي شيصير

انا مابقا احد ماسألته وآخرتها انا بروح لوووووووول

ههههههههههههههه

بااجر ان شآءالله بروح التوجيه و بردلج خبر الصبح

 

[~عيون الحب~]

انشالله شكرااا مقدمااا :**

 

[FOOSHA]

^

^


العفووؤ :$ 

 

[إحسسسآس]

جربي تدخلين من لابات الجامعه السستم الصبح مبطل وشغال ..
مايصير شي اذا ماغيريتيه لكن يفضل تغيرينـه ..

وتأكدي أكثر من التوجيه والارشاد

موفقين صبآيآ =)

 

[شوتايم]

عاادي يابنات أنا اختي سنه ثانيه وللحين ماغيرت الباسوورد

 

[فـــخـــر]

حاولت اغيره يطلع لي نفسكم

 

[أحلى البشر]

بنات حطولي الرابط عيزت ادش جامعة الكويت موراضي يشبك بالمره

 

[BeNt PaRiS]

http://portal.ku.edu.kw/sisapp/face...=769464805071080&_adf.ctrl-state=iijm12a0y_69


هذا التسجيل الجديد



حاولي تدشين منه


و ان ما صار روحي عمادة الشويخ


بس وانتي رايحه العماده خلي الهويه الجامعيه معاج


لان يحنجون مرات ما يغيرون ليم يتأكدووون

و طمنينا

 

[~عيون الحب~]

^انشالله يمكن باجر اروح
ثنكيووو بنات :*

 

[FOOSHA]

رحت اليوم التوجيه و الارشااد اللي بكيفان و ما دخل !!

وحده اسمها نووره قالتلي انتي لازم تروحين للعماده اللي بالشويخ بااجر يشوفون شالسالفه !! لان مو راضي يدش معاي مع اني ما غيرت الرقم السري و حاولت ادخل بس ماا صااار

فـ آنشششآءالله بااااجر بروح الشويخ و اشوف شنو المشكله بالضبط !!
نصيحه بنات روحوا قبل التسجيل لا تتوهقووون !!

و موفقين ان شآءالله *

 

[~عيون الحب~]

اي نفسسي توجيه وارشاد كليتي قالو لي روحي العماده بشوييخ :\
امري لله باجر بروح

 

[أمل بعد ألم]

أنا رحت العمادة بكليتي الآداب اليوم اليوم رحت و عطوني لا قالوا روحي. العمادة بالشويخ و لاشيء
بس قالولي وين بطاقة و عطيتهم........ و عطوني الظرف ومشيت ........
حتي كانت معاي رفجتي و أهي موادها كلة بكيفان و أهي باجتماعية و دخلت معاي
قالولها نعم ليش جائة أهني و قالت روحي كليتج و أخذي منهم ....

 

[أحلى البشر]

رحت اليوم العماده عندهم الموقع يفتح بس بالبيت مو راضي يفتح وقالت لي هذا الموقع
وقالت لي راجعي العماده بالشويخ وامري لله

https://portal.kuniv.edu/portal/page?_pageid=9,32268&_dad=portal30&_schema=PORTAL30

 

[LawYeR NaNo]

انا مادري وين الظرف اللي عطوني اياه
كااااااااااااااااااااااااااااااااااااااك

 

[مهاوي ـالمطيري]

عيون الحب..

انا عطوني اياه وجربته قبل يومين وبطل معـآي

روحي لهم واساليهم لا اتوهقين وقت التسجيييل انا معاج بـ 18/12

روحي واستفسري منهم احسسن

 

[Nmnoum]

مولازم تغيرين انتي بكيفج حوووبي