مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[ماكينتـ*زينة*ـوشة]

فديتــــــــــــج الاحساس

اي والله انا الحمدلله عندي خلفية ومتعوده ومسوية قبل بس يبقى الموضوع يبيلة محاتاه

بس طبعا اللي كمل دراستة ودارس شي ثاني اكيد عندي طموووووح ومستعده اتعب لاني انا اخترت وان شاء الله اكون قد اختياري


والله يوفقنا جميعا ..

 

[الاحساس]

اييييييه وانا شنو ذابحني غير الطموووح والله ذكرتيني قدمت ع الجامعه والتطبيقي وكلهم قبلوني بس ماداومت بالتطبيقي ,, رحت سيده للجامعه عمياااني والله وقتها كنت نونو مادري شسالفه توني مخلصه رابعه ثانوي ,, بس يالله أن شاءالله خيره


والله يوفقنا ويخرجنا على خير

 

[ماكينتـ*زينة*ـوشة]

اي اهي المشكلة انا كنا صغار ومسوووين نعرف نقرر هههههههه

انا العكس قدمت الاثنين واخترت التطبيقي والحمدلله على كل حال


يلا بيصير عندي ما جستير بالمقلوب


اول دبلوم وبعدين بكالريوووس ان شاء الله

 

[الاحساس]

لووووووووووووووووووووووووووول ماكنتوشه

والله ونااااسه اهني زين لقينالنا مكان نفضفض فيه

أنا أهني احس براحه ,, أحس في أحد مثلي

 

[ماكينتـ*زينة*ـوشة]

اي والله انا كنت بغربة قبل القاكم هههههههههههههههههههه



فديتكم صج وناسة الواحد يحس في احد مثلة

 

[F.A]

والله أنا بعد معاكم

اذا يوم مادشيت يضيق خلقى
توحشونى فديتكم

 

[الاحساس]

لأن كلنا نفس التفكير ونفس التخصص وكل وحده حاسه بالثانيه وعارفه معاناة الثانيه

فديييتكم

 

[جوري الحلوة]

انا مااحبكم ويضيق خلقي اذا كلمتكم

:eh_s(14):














_03BA:


خخخخخخخخ اتغشمر نفس الشعور بنات

:tomato2:

 

[الاحساس]

بنات شتسوون أكيد تدرسون ؟

شفينا اليوم محد طالع ؟

 

[*الماضي على ويش نعيدهــ*]

يحليلكم مجتمعين اليوم
<< احل واجب العربي
شتسوون انتو ؟ _03ba:

 

[ماكينتـ*زينة*ـوشة]

جوووري حطي عينج بعيني تكرهينــــــــــــااا :eh_s(13):



هههههههههههههههههههههههههههه




ريامي فديت الشطوووووووووووورة انا حليت شوية وخليتة طبعا مو من مخي يعني من قوقل صديقي كتبت ابيات القصيدة وفي شرح لهم بس كلهم قلت احين من انقل من يمعه كلة ههههههههههه :flower:




<< ناوية تنقل :denya:





انا ما احب ادرس بالويك اند مادري ليش من كنت بالروضة هههههههههههه


<< فصلت الخميس



انا قاعدة اشووف ليالي فبراير ناطرة عبدالمجيد ماكوو شغل صح :ggdw:




oster_av1:

 

[blue rain]

قوة بنات شلونكم

 

[blue rain]

ابي اسال القديمات بالجامعه ؟بالكورس الواحد جم ماده تاخذون ؟يعني العدد اللي حسيتو مايشكل ضغط عليكم خصوصا امهات العيال ؟واللي من سنه 2003 و2004هل وقفتو قيدكم مره والا لا ؟

 

[ماكينتـ*زينة*ـوشة]

هلا بلوو رين

انا تمام وانتي؟؟

اترك السؤال لاني مو قديمة توني بقراطيسي هههههههههههههههه

 

[blue rain]

هههههههههههههههههههه ماكنتوشه عقبال مانصير قدم وخريجات ان شاء الله

 

[blue rain]

والله اني محتاسه ماني عارفه شقاعده اخبص وكل وحده من البنات بالجامعه تعطيني راي عكس الثانيه واليوم قعدت اسولف مع وحده قلت لها الكورسات الجايه ماراح اخذ الا مادتين عشان اقدر اوفق بين بيتي وعيالي ودراستي جان تقولي اذا بتاخذين مادتين ماراح تخلصين الا ب7 سنين صراحه اصدمتني يعني انا الحين عمري 28 بعد سبع سنين جم عمري 35متى اتوظف صراحه احبطتني ادري اني قرقتكم بس شسوي مالي غيركم والله افضض لكم

 

[جوري الحلوة]

انا رفيجتي عيالها صغار وكانت تحضر واهيه حامل يعني حدها تعبانه وواجبات وامتحانات وعفسه وغير دوامها الصبح يعني حدها مسكينه :0bee2e8d89: ماشاء الله عليها ولا مره وقفت قيدها والحين تخرجت :eh_s(6):

وفي وحده معانا تخيلوا مو متزوجه وماعندها شي بعد الدوام وتبي تطلع من الجامعه تقول تعب وأذيه واهيه اصلا محاضراتها اسبوع وترك يعني توها مادشت بالتخصص :eh_s(14):

والله حرام في ناس يتمنون انهم ينقبلون بالجامعه صج ودهم يكملون، وفي ناس يدشون وبعدين يطلعون مادري ليش داشين :dddds:

ترى الواحد يقدر يدرس ويسوي اللي يبيه اذا حط هالشغله في باله يعني يقدر يعدل وقته ويغير روتينه

والله في شغلات الصراحه تنرفز :eh_s(14):

 

[الاحساس]

هلااااا بلو رين

أنتي سوي اللي براسج ,, واللي يعجبج واللي يريحج ,, واللي تقدرين عليـه ,, مالج شغل بكلام اللي يحبطونج لاتسمعين لهم ,, سمعي كلام اللي يرفعون معنوياتج ,,

 

[F.A]

بلو رين
أنا انقبلت 2004 الكورس2 شهر3 داومت وولدى الصغير كان عمره6 أشهر وخدامه يديده وعفسه أول كورس خذيت
tu+el111+AR111+GR101
داشه بقوه محد قالى فيه صيفى بغيت أموت وتعالى دبرى مكان اتخلين الياهل واليهال أوديهم المدارس والمحاضرات كلها الصبح والحمد لله عدت على خير دايما احتسب طلعتى للدراسه عند ربى:yaaaaaarb:
والصيفى خذيت
GR111+EL112+AR112:s141:
وخست من الغبار واللويه وسبحان الله ما يمرضون اليهال أو أتناجر مع زوجى الا بالامتحانات
بس عدت على خير وبالمادتين خذيت B والحضارهB+
بعدها دشيت تخصص الا وحده اختيارى
MU+T171+MST
اخترعت من الmstوسحبتها مافهمت شي ومليت من وايد مواد قلت أخفف على نفسي هالكورس ولا انصدمت مواد التخصص ماتنزل صيفى
بس ما بى أقولكم قصة معاناتى وأدوخكم بس والله تعبت واذا يت العطله أشتاق حق الجامعه
حدى فاضيه:tomato2:
وان شاء الله أخرت هالصبر أحلى ثمره نجنيها
وانا لمن انقبلت كان عمرى 28 نفسج والحين داشه33 شنو يعنى معاى حريم أعمارهم بالأربعينات و العلم ماله عمر معين
جان ما قالوا اطلبوا العلم من المهد الى اللحد
وحمدى ربج ياتلج فرصة الدراسه وانج اتكملين وايد بنات محرومين من هالشي ويتمنونها منوه وحلو انج تكونين مثل وقدوه لعيالج بعد
والله يوفقج ويوفق كل بنات تجمعنا ونتخرج وانكمل الماجستير بعد
قولوا أمين بنات :aha:

 

[جوري الحلوة]

آمين

اف ايه

ان شاء الله نتخرج وناخذ البكالوريوس وبعدين ندرس الماجستير ان شاء الله