مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[جوري الحلوة]

بنات ال اي ال 112 في واجب listening شلون نحله مولازم شريط والا لا

ليش تحلين هذا؟ اهمه مايشوفون الكتاب هذا كلش مادري احنا ماطلب منا بس قال حلوه يفيدكم يعني مايراجعه ولا شي

انا لما خذيت اي ال 111 ماجست الكتاب الثاني كلش

 

[نسوره]

حياج الله نســـــــــــــــــــــورة


واحنا زعلانين ليش توج تنظمين معانا




والله ما ادرى تونى اشوف الموضوع بالصدفه :0bee2e8d89:

 

[blue rain]

من صجج جوري احنا سلامه عفيفي قال راح افتر واشوف واسوي اول المحاضره كويز والله شكله عقدني طلباته شكثر افتر مخي طيب انتي عديتي ال اي ال 111 صعب امتحانها والا لا

 

[blue rain]

والله بنات حاسه بضيقه وقاعده ابجي مادري شفيني حاسه اني ماراح امشي بالجامعه حاسه بضغط وكل شي ملخبط ماعندي مرشد وحاسه كل واحد بروحه مساع بغيت اتعرف على بنات عشان استفيد بس ماكو ركضه ركضه ماكو وقت حاسه اني وحيده وضايعه مادري المستجدات كانو جذي والا انا بروحي

 

[ماكينتـ*زينة*ـوشة]

هدي بالج اختي احنا كلنا كنا جذي عادي بس اول جم اسبوع بعدين عادي احنا هني نساعدج اللي تبين سالينا معانا بنات ما شاء الله ما يقصرون انتي بس لانج متوترة حاسة بضغط ترى سهالات بس الجامعه نظامها انج تعتمدين على نفسج انا ما اعرف وجة مرشدي لاتحاتين قبل التسجيل ينزلون الاسماء ومرشدينهم بس احنا متعودين نسال بعض اكثر .. الله يوفقج ويريح بالج يارب

 

[الاحساس]

حبيبتي بلو رين كلنااااااااااا مرينا باللي مريتي فيه وانا بالذات العن منج ولا وانا الحين سنه رابعة

راح تحسين بضيق وتعب واكتئاب بس راح تنسين كل هذاااا

 

[blue rain]

ماكنتوشه الاحساس مشكورييييييييييييييين حبايبي الله يوفقكم ويسعدكم ان شاء الله

 

[جوري الحلوة]

بلو رين لا تحاتين نفس ماقالوا البنات كلنا مرينا بهالشي لان الجامعه كلش ماتساعد يعني وايد نعتمد على نفسنا

لازم ندش كل يوم موقع الجامعه + المنتديات والله بس علشان مايطوفنا شي ونعرف كل الاخبار اول بأول

والانجليزي 111 بصراحه ماجست الكتاب الثاني كلش كلش بس مادري انتوا يمكن مدرسكم مينون يبي يننكم معاه والامتحان ماكان صعب الحمدالله انتي بس شدي حيلج ولا تحاتين وايد

انا يتلي فترة الضغط لما قرب موعد تسليم الواجبات + الكويزات قلت خلاص بطلع لاعت جبدي بس اشوى كملت ونجحت
حبيبتي لان احنا مو متعودين على نظامهم بس شوي شوي تتعودين

 

[blue rain]

ماكنتوشه الاحساس مشكورييييييييييييييين حبايبي الله يوفقكم ويسعدكم ان شاء الله

 

[Athwaq]

السلام


بنات نازلتلي 100 دينار بحسابي

تتوقعون هذي المكافأة ؟

بس انا من شهر 10 مانزل لي شي .. العاده ينزل لي دفعات مو بس 100


شلون اعرف؟

 

[blue rain]

جوري بعد عمري والله الله يجزاج خير والله كلامكم طمني لاني صج قمت افكر اطلع من الجامعه لانه حسيتها ضغط والدكتور سلامه عفيفي طلباته واجد وبعد كل محاضره نسوي كتابه قطعه ويشوفها الاسبوع اللي وراه وحل جميع التمارين بالكتاب الاول وكتاب التدريبات وكل محاضره كويز حسيت بضغط حيل غير الواجبات والامتحان الله يعين

 

[Athwaq]

والله بنات حاسه بضيقه وقاعده ابجي مادري شفيني حاسه اني ماراح امشي بالجامعه حاسه بضغط وكل شي ملخبط ماعندي مرشد وحاسه كل واحد بروحه مساع بغيت اتعرف على بنات عشان استفيد بس ماكو ركضه ركضه ماكو وقت حاسه اني وحيده وضايعه مادري المستجدات كانو جذي والا انا بروحي

لا تبجين و لا تضيقين خلقج

انا دفعة 03 يعني قديييييييييمه وللحين ماعندي صديقات من نفس تخصصي

اللي اعرفهم زميلات بس معرفتي فيهم بالكلاس فقط

عندي صديقة وحده بس وتخصصها غير عني

لاني ماحب اقعد بالجامعه .. من السيارة للكلاس والعكس

والحمدلله مااحتجت احد خصوصا ان منتدى كويت تو موجود والبنات هني مايقصرون ماشالله عليهم

اعتمدي على الله ثم نفسج .. والكلام الاكيد اخذيه من الاساتذه

والله يوفقج

 

[F.A]

بلو رين لا تضغطين على نفسج واذا كنتى كارهه ماده معينه حذفيها بس يأخذون منج جزء من المبلغ وأخذيها صيفى مواد الاجبارى موجوده بالصيف
لا تضغطين على عمرج وان شاء الله التوفيق من عند رب العالمين احتسبى دراستج لله
والله يوفقج ان شاء الله

 

[blue rain]

بعد عمري fa الله يجزاج خير حبيبتي بس بغيت اعرف اقدر احذف الحين يصير انا ودي احذف ماده اختياريه اللي هي حضاره اسلاميه قالو لي تنزل صيفي عشان يخف عني ضغط المواد واقدر ادرس بسهوله خصوصا ان عندي عيال بالمدارس بس هل اقدر احذف الحين علموني تكفون بنات

 

[الاحساس]

اي تقدرين تحذفين

روحي الاستقبال وقولي ابي احذف ماده gr111 وراح يحذفونها لج

 

[blue rain]

بعد عمري والله الاحساس الله يبرد جبدج مثل مابردتي جبدي والله استانست مشكووووووووووووره اختي وماقصرتي الله يوفقج ان شاء الله

 

[F.A]

بلو رين
عادى انتى عندج شهر تقدرين تحذفين الماده ويبقى برصيدج بالجامعه جزء من المبلغ بس عقب شهرين اذا حذفتى الماده يروح المبلغ بالكامل عليج
اتوكلى عالله وروحى الاحد حذفيها
واذا أخذتيها صيفى أحسن لج يساعدون بالصيفى وايد وكلها شهر بس من شهر7الى8 واتييبين أعلى معدل
أنا المواد اللى خذيتهم صيفى يبت فيهم أعلى معدل لأن الدكاتره بالصيفى وايد يساعدون هذى كانت نصيحه خوات خلصوا قبلنا
وانا نفسج أم عيال وامتحانات عيالى دايما مع امتحاناتى
الله يوفقنا ونتخرج يارب

 

[زبــــــــدة]

كلولللللللللووووووووووووووووووللللللللللللييييييييييييييييييش هههههههههههههههههههههههه

اخيرا عبروني ونزلولي 100

بس وين الباجي انا من شهر 10 ...بيسكتونا يعني

 

[F.A]

مبرووووووووووووك زبده
روحى التعليم العالى
لا تسكتين عن حقج

 

[ماكينتـ*زينة*ـوشة]

زبوووووووووووودة مبروك


شكلها ال 100 مالتي انا مانزلت لي هالشهر وكل البنات نزلت لهم

بس يلا تستاهلينهااا ههههههههههههههههههههههه