مستجدات الحقوق ،، "هام بخصوص المقابلة الشخصية" ،، حياكم حقوقيات ..

[L a w y e R]

السلام عليكم

شلونكم بنات عساكم بخير ؟

.
.

ألف مبروك ع القبول :eh_s(9):

ومنها لاعلى انشالله

وعقبال ما اتخرجون ونشوفكم محاميات اد الدنيا :eh_s(15):

.
.

لاحظت وايد مستجدات قاعدين يسئلون عن المقابلة الشخصية

ووايد خايفين منها :/

بالعكس بنات المقابلة كللللش ماتخرع

الوضع بيكون غريب عليكم ليش إنكم بتعيشون هالتجربة لأول مرة

أقصد بالتجربة .. قعدتج جدام دكاترة وأساتذة قانون

يمكن الرهبة بس هني

وبمجرد ماتقعدين عاااادي كل شي بيرد طبيعي ونورمال

.
.

سبق وقلت بكذا رد بكذا موضوع

وأرد وأعيد ..

لا تخافون ولا تبينون حق الدكاترة إنكم خايفين

لأن ثقتكم بنفسكم جدا مهمة وبتعطيهم انطباع وايد حلو عنكم :rerrerek:

كـ طالبات حقوقيات ومحاميات مستقبلا انشالله ، الثقة بالنفس والجرأة جدا مطلوبين

وحتى لا انسألتوا وجاوبتوا غلط ..

خلكم عادي وريلاكس لأن المقابلة أولا وأخيرا شكلية بحتة

يبون يشوفون فيها دخلتي الكلية برغبتج والا مغصوبة ..

وبس !

.
.

وبالنسبة للأسئلة اللي تنسئل

هذي ورقة وزعتها علينا القائمة المستقلة لما كنا نفسكم مستجدات

وحدنا متصروعين من المقابلة لووول :tomato2:

والصراحة رايتهم بيضة كفوا ووفوا المستقلة فديتهم

ماقصروا والله

وانشالله تستفيدون من الاسئلة اللي بحطها لكم

.
.

تفضلوا حبايبي :

.
.

وهذي بعد سايتات انشالله تفيدكم ،،

موقع القائمة المستقلة بكلية الحقوق www.mostaqillaw.com

موقع كلية الحقوق http://law.hardtask.com/

موقع قيّم مدرسك www.kuniv.net

السايت الاخير حلوو ، تقدرون تسجلون وتاخذون فكرة عن دكاترة الحقوق

وتعليقات وتقييم الطلبة الحقوقيين لهم

.
.

أتمنى أكون كفيت ووفيت

وبس تحتاجون أي شي قولوا لا يردكم إلا كيبوردكم :eh_s(6):

آنا بالشوفة وانشالله ماراح أقصر معاكم ..

.
.

مابي إلا دعواتكم لي بالتوفيق

وإني أعدي التكميلي على خير

موفقين جميعا :eh_s(8):

 

[L a w y e R]

up لعيون الحقوقيات

 

[L a w y e R]

للرفع

 

[f6oooma]

مشكووووووووووورة lawyer كفيتي ووفيتي ان شاء الله تعدي على خير

والمستقلة ما شاء الله ما تقصر

 

[L a w y e R]

حياتي سميتي مشكوووورة حبي

حياج الله ;**

وأي شي تبينه قولي لايردج إلا لسانج

 

[zoya_m]

موفقييييييييييين يارب
ومستقلة الحقوق خوووووووش بنات الله يعطيهم الف عافيه
وإن شاءالله هالسنه يفوزون

لانه صارلهم 5 سنين ورا بعض مافازو ولا مره

 

[السنا]

لوير يعطيج الف عافيه والله يجزاج كل خير

والله يوفقج .. وربي موضوعج ساعدني حيـــل

تقبلي مروري يالغلا ...

 

[f6oooma]

حياتي سميتي مشكوووورة حبي

حياج الله ;**

وأي شي تبينه قولي لايردج إلا لسانج

مشكورة lawyer

يا حلاة اسمنا :ggdw:

 

[L a w y e R]

زويا حبي ،،

إي والله وايد قاعدين يتعبون

الله يعطيهم العافية انشالله

وحرام مايفوزون ، جد رايتهم بيضة

وانشالله هالسنة نشوف الصناديق كلها تصرخ باسم المستقلة

.
.

حياتي السنا ،،

وياج انشالله حبي مشكورة

وأي شي تبين قولي لاتستحين

.
.

حبي فطومه ،،

عيونج الحلوة حبي

آنا أخجل هيهيهي :eh_s(22): :eh_s(3):

 

[دمي خفيف]

مشكووره حبوبه
وانا عندي هالاسئله شفتها حسيت انها عااديه واقدر اجاوب بعضها

والله يوفقنا جميعا

 

[L a w y e R]

العفو حبيبتي

وصاجة الاسئلة وايد عادية

موفقة حبيبتي

 

[eva beach]

انا مستمرة بكلية الحقوق بس بدش عرض شوي اسمحولي :dddds:

في المقابله ترى ماراح يسالون اسئلة قانونية بحته لاااااا بالعكس راااح يسالون سؤال او سؤالين وطبعا هذا كله على حسب الدكاترة الي راااح يسوونلكم المقابله وفي بعض الدكاترة بس يسولفون ما يسالون اسئلة تخص القانون

وبعدين عااااادي لا تحاتووون مو شرط الوحدة تكون جريئه بس يكفي انها تعرف ترد وتتكلم يعني مثلا انا وحده حييييييييييييييييييل استحي وحتى الدكتور الي سوالي مقابله قعد يعلق علي شوي بس الدكتور الثاني حرااااام اينن رايته بيضه حاااول يريحني شوي بالاسئله حتى ما علق ولا قال شي والله احبه هل دكتووور حده عجيييييييب بس نصيحه اخت لا تبينون انكم مرتبكيين يعني عاااااادي ريلاكس واخذوا نفس عمييييق :dddds::dddds:

الله يسهل عليكم ويوفقكم يااااااااارب

ونسيت اقولكم شغله بليييييز لاتفكر اي وحده انها تطول لسانها و تقل ادبها لان اذا سوت جذي وخااصه مع دكتور عسر راااح يسوووون لها بلوووووك وديليت من الكليه

موفقييييييييييييييييييين

 

[L a w y e R]

ياحلوج يا ايفا

.
.

واضيف على كلامج

مو بالضرورة هالاسئلة اللي بالورقة تنسألين فيها

ومو بالضرورة بعد تنسألين بالسياسة والا القانون

وأبسط مثال مقابلتي !

سألوني عن توم كروز وشحب اقرا ومن له أسمع ؟

يومها الوضع كان بديع لووول

 

[L a w y e R]

وصاجة في بنات الله يهداهم عبالهم لاطولت لسانها

وداحرت الدكتور خلاص بتنقبل دايركت

واذكر مرة د.عبدالله الرميضي قال إنه كان يقابل وحدة

وطولت لسانها فـ أكّس عليها وقال مانقبلت بالحقوق :/

 

[SweET^LiKe^chocolate]

انزين بنات متى موعد المقابلة ؟؟؟

 

[eva beach]

L A W Y E R

صح واحنا قالنا د.عبدالعزيز العنزي ان وحده يوم المقابله سالوها وقالولها اذا ما انقبلتي بالكليه شنو راح تسويين ؟؟؟؟

تتوقعييين شنو ردت عليهم ؟؟؟؟؟؟؟؟؟






قالت لهم اصلا غصبا عليكم راااح تقبلوني


وصج عييييييييييييب عليها عاااااد زين يسوون فيها دقروها وما اقبلوها بالكليه عشان تعرف ماتقل ادبها مرة ثانيه
والله وقااااااحه وقله حياااااا


وترى موتيني من الضحك على مقابلتج لانها كانت :s142:

اما انا مقابلتي كانت فلم استغفر الله والله اني ماحب اتذكرها كانت قمة في الماسااااة و صج صج كنت ياهل وخبله وماعندي سالفه بعد

 

[L a w y e R]

لووووول ياحلوج إيفا

صج أشتاق حق ايام المقابلة واللقاء التنويري

وشلون كنت حايسة مادري شسوي وبنات القوائم يزاهم الله خير

كل وحدة تدليني وتطمني لووول

آنا اللي كنت فلم حزتها لووووول

.
.

حبيبتي سويت لايك جوكليت ،،

ماعندي فكرة والله

أسأل وأرد لج خبر انشالله

 

[بنت العديليه الشقرديه]

اذا قابلووني اقولكم شنو يصير وياي :d

 

[شهووده]

يااحلوووكم والله ..

ذكرتوني بالذي مضى ..

قبل 4 سنين بالضبط ..

لما انقبلت بالكليه ورحت المقابله ..

كنت خايفه شوي ..

بس لما دخلت شفت الوضع عادي فأخذت راحتي وكنت كلي ثقه بنفسي ..

أتذكر قابلتني د.عزيزه الشريف ود.اياد سعد الله

ومثل ماقلتوا موبالضروره الأسئله تكون قانونيه .. بالعكس بعض الدكاتره يحبون الدردشه ..

وبنفس الوقت أكو دكاتره يعيشون الدور ..

أنا أذكر د.عزيزه لما درت إني من ال50 الأوائل قالتلي احنا مانقدرش غير نرحب بيكي

في كلية الحقوق

وماسألوني شي ..

وحده من رفيجاتي طاحوا فيها تسأل .. قالتلهم أنا ماعرف هالمعلومات القانونيه .. بس ان شالله

داخله الكليه علشان أتعلمها ..


فلاتحاتون أبد .. الموضوع واايد بسيط ..

ومثل ماقالت حبيبتي LAWYER المقابله شكليه ..

انتوا من أول ماطلعت أساميكم بالجريده مقبولين ..

اهم مجرد حابين يتأكدون إن الطالب أو الطالبه مومجبورين عالكليه ..


موفقين خير ان شالله ..

وعقبال مانشوفكم زملاء مهنة في المستقبل ..

والله يعطيج العافيه حبيبتي LAWYER ..

فديتج وفديت المستقله :**

 

[L a w y e R]

بنت العديلية حبي ناطرينج

.
.

شهودة حبي الف مبروك

واي وناسة افتكيتي

بس شوور مستحيل ماتشتاقين للكلية ودكاترتها

ولوبيها وكلاساتها

واي ابي اتخرج واشتاق لووول

حبيبتي والله منورة