مساند السدو ؟؟

[يارب الفرج القريب]

السلام عليكم

حبايب قلبي بغيت اسال ابي مساند سدو حق غرفة من غرف شقتي مثل الي تصير بالديواينات

بس مابي السدو الاحمر ابي السدو الي يصير بني مع بيج وين اقدر احصلهم قلت بفصلهم طلع وايد غالي

ابي بس مساند الظهر يعني تكون القعدة ارضية

الي تعاوني اكون شاكرتلها ​

 

[يارب الفرج القريب]

-----------------

 

[••غـلآًهْـم••]

حبيبتي والله احنا كنا نبي السدو الاحمر

وكل ماجينا نبي نفصل يطلع حيل حيل غالي

اخر شي ماما عوده راحت سوق الجمعه جان تلقاهم صدفه

يهبلووون ومظاافه والله العظيم حلوين وبنص السعر

 

[يارب الفرج القريب]

حبيبتي والله احنا كنا نبي السدو الاحمر

وكل ماجينا نبي نفصل يطلع حيل حيل غالي

اخر شي ماما عوده راحت سوق الجمعه جان تلقاهم صدفه

يهبلووون ومظاافه والله العظيم حلوين وبنص السعر

يا قلبي و الله قالولي بس جم مسند وبجم اخذتهم عسى رب يخليها لكم يارب​

 

[يارب الفرج القريب]

للرفع

 

[السفيرة عزيزه]

المساند والأقمشه موجودين بسوق المباركيه المحلات اللي مقابل الصرافين

 

[يارب الفرج القريب]

مشكورة يا قلبي بس على جم
انا واحد قالي يفصل المسند الواحد على 6

 

[عهود الحب]

انا اتذكر اسعاااااااارهم قبل 3 الى 4 دنانير اتوقع
والمركة تكون 5 دنانير

والالوان حسب الطلب تبين كحلي تبين بني تبين احمر
بيج
الوان واشكال

طبعا هالكلام وييييييين


بسوق الجمعة

موفقة

 

[يارب الفرج القريب]

مشكورة يا قلبي عيل ما كو الا سوق الجمعة
مشكورة يا الغالية

 

[supermarket]

تلقينهم بسوق اليمعة وترى مو شرط يكونون مستعملين

لان هناك كل شي تراثي تلقينه

 

[كويتية ونعم]

انا شفتهم بسوق الجمعه والله حلوه وجديده مو مستعمل والبنات ماقصرو
مالك الى سوق الجمعه يجنن

 

[Dandona]

تلاقينهم بسوق الجمعه اشكال والوان

 

[يارب الفرج القريب]

مشكورين حبايب قلبي عسى عمركم طويل يارب

 

[عهود الحب]

ها بشري شريتي بجم المساند

عليج بالعافية يارب

 

[حصوص الكويتية]

انا شايفتهم عند واحد يفصل بالضجيج ويي البيت يقيس لج الزوايا عدل مدل

 

[عطر مذهب]

البنات ما قصرو

 

[متجولة *]

قال النبي محمد صلى الله عليه و سلم : يا معاذ ألا أعلمك دعاء تدعو به لو كان عليك مثل أحد دينا لأداه الله عنك , يا معاذ : ألا أعلمك دعاء تدعو به لو كان عليك مثل جبل أحد دينا لأداه الله عنك , يا معاذ : " قل اللهم مالك الملك تؤتى الملك من تشاء و تنزع الملك ممن تشاء و تنزع الملك ممن تشاء بيدك الخير انك على كل شيء قدير تولج الليل في النهار و تولج النهار في الليل و تخرج الحي من الميت وتخرج الميت من الحي و ترزق من تشاء بغير حساب , رحمن الدنيا و الآخرة ورحيمهما , تعطيهما من تشاء ارحمني رحمة تغنيني عن رحمة من سواك " .

دعاء تفريج الهم
عن ابن عباس رضي الله عنهما قال : قال النبي محمد صلى الله عليه و سلم : جاءني جبريل عليه السلام بدعوات , فقال : اذا نزل بك امر من امر الدنيا فقدمهن ثم سل حاجتك : يا بديع السموات و الأرض , يا ذا الجلال و الإكرام يا صريخ المستصرخين , يا غياث المستغيثين , يا كاشف السوء , يا أرحم الراحمين يا مجيب دعوة المضطرين , يا إله العالمين بك أنزل حاجتي وأنت أعلم بها فاأقضها .

 

[أساور]

سوق الجمعة