مسافر اكثر من 3 شهور؟؟

[RanoOosh88]

هونيها وتهون هو بعد اكيد تعبان كافي لويه المستشفيات
ودعيلهم الله يرجعهم بالسلامه

 

[granted]

روحي اوقفي معاه شالفايدة من قعدتج هني بروحج حده ماله سنع
والاخت هيونه الي تقول يبين معدن الحريم لاو انتي الصاجة يبين معدن الرياييل

 

[Patcholli]

حبيبتي اكيد بينشغل بأبوه ..!!

الواحد منو عنده اغلى من هالاثنين الحلوين الام والابو ..!!

الزوجه تتعوض العيال يتعوضون الاخوان يتعوضون الا الام والابو مستحيل يتعوضون او يتبدلون اي ايي مكانهم

اكيد ريلج الحين يحاتي وحالته حاله وحايس بأبوه حياتي لاتثقلين عليه ولا تحسسينه انج متظايقه ترى مرافق المريض نفسيته تتعب اخس من المريض كافي يشوف ابوه تعبان جدامه تدرين الواحد اشكثر قلبه يتقطع ويتعصر لما يشوف ابوه بهلحاله ..!!

انتي يمكن ماجربتي هالشعور وعساج ماتجربينه بس انا جربته وشوفت زوجي اشلون كانت حالته ايام مرض ابوه

كان انسان ثاني قلبه وعقله وحياته كلها كانت متسخره على هالابو لا يبي اكل لا يبي طلعه لا يبي زوجه ماكان يبي ولاشي من الدنيا من كثر ماكانت ساكه فيه الدنيا من خوفه

اصلا بالعلاج كانو يمرون جدامه الشقر والحمر واهو ولا عالبال مخه وتفكيره بهالابو ونفسه مسدوده عن كلشي بالدنيا

حياتي والله صبري وقوي قلبج وشغلي روحج بهالفتره سلي عمرج بأي شي دشي نادي اهتمي بنفسج بشكلج حطي خلطات بشره وشعر سلي عمرج ويا خواتج ولي كلمتي ريلج شجعيه وواسيه لاتزيدين عليه فوق الحمل الي اهو شايله ..

الله يآجرج على صبرج نصيحه لاتتذمرين ولا تتحلطمين ولا تشتكين عشان كله ينحسبلج اجر على صبرج ومساندتج لزوجج

الله يطمنج ويريح قلبج ويقر عينج بردتهم


آآآآآآآآآآآآمين

 

[sunshine22]

بالعكس مو رايح يلعب ويخربط مع ربعه

هذا ابوه ومحتاجه


لو ابوج واخوج مسافرين تستانسين لو مرت اخوج متضايقه من الوضع

بالعكس فعلا يبين معدن الوحده
وهذا ابوه سبب وجوده بالدنيا وبدنيتج مع بعد الله

 

[Tom ♥ Jerry]

.


حبيبتي الله يهداج هونيها وتهون !
ادري 3 شهور وايد عليج .. بس اهوة مو مسافر وناسه
صدقيني اكيد اهوة متضايق من غيبتج و متضايق من مرض ابوه
لا تزيدينها عليه انتي .. هونيها عليه و صبريه و ذكريه بربه و عبادته
يعني اذا ما قام بآبوه منو بقوم فيه ؟!
ترضين الغريب يقوم في عمج و ريلج موجود ..

الله كريم حبيبتي شغلي نفسج .. دخلي نادي دورة استفيدي من وقتج
والله يشفي عمج يارب و يرجعون بالسلآمة

 

[فوفو22]

بالاجهزه الجديده

تتكلمون صوت وصوره 24 ساعه وببلاش

وهو مضطر يرافق ابوه تحملي شوي

لانه تلاقينه هو مشتاق لكم ولكن قلبه وخوفه على ابوه

هو البارز امامك حاليا

افتخري فيه لانه في خير بهالوقت لاهله ....واللي في خير لاهله لابد انه في خير لمرته

وعسى ربي يخليكم لبعض

لا تضيعين الوقت بالبجي .....انما ضيعي بمكالمات حب وشوق وهيام
فوفو

 

[om_3azoz]

اولا الله يشافي ابوه يارب ويردهم بالسلامه
ثانيا اذا تقدرين روحي له جم يوم وردي واذا ماتقدرين بعد شتسوي هذا ابوه لازم يقوم فيه

 

[أكذب عليك]

كنت نفس قبل فتره وصج تأزمت
وغايب عني شهرين وزود بس ماقدر اتحجي
اذا مافيه خير لهله ماراح يصير فيه خير لي
والحمدالله عدت وردوا بالسلامه

 

[Reelax]

حبيبتي ..
هذااا ابوووه لو سنين موشهوور يعالجه المفروض مايقصر
بالعكس وقفي معاااه بالوقت هذا خليه يحس انج ويااه بالظرووووف

.. واذا انتي مشتاقتله اكيد هو بعد محتاج لج اكثر بالوقت
الله يشافيه يارب ويرجعون بالسلامه