مسافره لندن وابي مساعدتكم حبيباتي

[امـ خــزامـى]

مرحبا ياعسولات
وحشتووووووووووووووووووووووووووني
ضعت من غيركم بفترة الحجب اللي صار للمنتدى
يارب مايتكررررررررررر
لانه منتدى جميل وراقي وكلنا مستفيدين منه

:eh_s(17):


حبيباتي و خواتي <<من كل قلبي اقصدها :eh_s(22):


ابيكم تساعدوني باللي تقدرون عليه وترتبون جدول وخطه سياحيه
لمدة 12 يوم في لندن

ابي اقتراحاتكم بافضل الفنادق وافضل خطوط طيران
وابي افضل محلات المكياج والعطور وطبعا الملابس

وافضل المطاعم والكوفيات

وافضل شركه سياحيه ترتب رحلات

وتنصحوني ازور مكان معين غير لندن

قريت انا عن البحيرات بس مادري متردده بصراحه


بليزززززززززز ساعدوني






احبكمممممممممم:eh_s(22):

 

[<miss botamba>]

في لي تقرير عن لندن شوفيه في ملفي الشخصي

اذا انتوا بس كبار روحي مسرحيه wicked

Wicked Tickets - Book Tickets for Wicked playing at Apollo Victoria Theatre London - Theatre Tickets Direct

اذا معاكم صغار لا تطوفكم مسرحيه lion king وهم في الحين مسرحيه shrek

Lion King The Musical, Cheap Lion King Tickets

Shrek The Musical Tickets - Book Theatre Tickets for Shrek The Musical Playing at the Theatre Royal Drury Lane London - Theatre Tickets Direct


الحدايق عندج اهم ثنتين

الهايد بارك و الريجينت والريجنت فيها مسيد ومركز اسلامي


طلعي بره لندن روحي مانشستر و بلاك بوول و برايتون

وهم في منطقه شمال لندن بس ناسيتها

عندج اوت ليت بيستر فيليج

متحف الشمع

متحف صدق او لا تصدق

متحف بريطانيا

لندن آي

بيغ بن

قصر الملكه

جسر لندن

كوفينت غاردن

حديقه الحيوان

وفي ملاهي بره لندن

 

[<miss botamba>]

التسوق كل شي حاطته بموضوعي بس زياده في بالاوكسفورد محل اسمه سوبر درغ

Superdrug.com - Buy health and beauty products online. Shop for exclusive offers from the biggest brands including L'Oreal, Nivea, Max Factor, Rimmel, Olay and more. Find your favourite products in make up, toiletries, skincare, fragrance, perfume, e

تلاقين في المكياج و اشياء العنايه الماركات الرخيصه والموسطه


وطبعا المكياج الماركات بهارودز و سيلفرجيز


الطيران اذا تبين متوسط الى غالي البرتش - الاماراتيه - القطريه

اذا تبين رخيص عندج التركي


الفنادق

انا اشوف ثستل حلو ومكانه ممتاز

 

[امـ خــزامـى]

ماقصرتوا حبيبات قلبي

انا اعرف بهالاماكن السياحيه بس ابي ترتيب جدول اذا ماعليكم امر

مثل اول يوم اروح المكان الفلاني وبهالمكان في مطعم وكوفي حلو

اكيد فهمتوني

<miss botamba ماقصرتي ياعمري ذكرتي اغلب الاماكن اللي حابه ازورها

والمسرحيات للاسف اللغه عندنا يالله ندبر حالنا فيه لكن مسرحيه مرا وحده بنصير مثل الاطرش بالزفه

والخطوط القطريه انا عاجبتني كل شي فيها سعرها ومرتاحه معها بس حبيت اشوف اراء اكثر عن الطيران

اما المكياج والعنايه بالجمال هنا ابي وقفففه لاني بروح وبشتري كل شي منهم
مكياجي خلاص شبه بححح
وابي تنصحوني بماركه تكون حلوه
انا اختي قالت ان عندهم ماركه مكياج روعه وماعندنا فرع بالسعوديه بس للاسف اختي ماتتذكر الاسم


والفندق ببحث عنه بالبوكينغ وبشوفه


مشكوره حبيبتي رايتك بيضا
ربي يرزقك ماتمننين ويسعدك ويوفقك دنيا واخره

 

[Shinexo]

جوفي حبيبتي , اذا مكياج خذيلج ماركه معروفه لان هالشي بتحطينه ع ويهج وبياثر عليه , ونصيحه خذيلج ماركه معروفه بس مالها فرع او نادر ماتحصلينهاا مثل المسكوا , صج تحسينهم فريكس وجي بس ارواجهم ومناكيرهم حلووه , وعطوراتهم هناك 100% كحول من جي الريحه تثبت اما فالخليج 20% بس والباقي ماي

مابقدر اقولج ماركه محدده بس روحي سلفردجز ولا هارودز ولا هارفي بتلقيين انشالله الي يعجبج

الله يحفظج

 

[امـ خــزامـى]

مشكوره ياعمري ماقصرتي
واكيد ابي ماركه معروفه
بس مثل ماقلتي مابي تكون منتشره بالخليج

 

[امـ خــزامـى]

ياعسولات وينكم ابي نصايحكم ومساعدتكم

 

[امـ خــزامـى]

بنات وش رايكم بمانشستر هل تستحق الزياره ؟؟؟؟؟


ولو بضيفها لخطتي السياحيه كم يوم تستحق ؟

عطوني رايكم بهالخطه

6 ايام لندن و2 مانشستر و2 منطقة البحيرات

وياليت تذكرون لي فندق حلو بمانشستر وكوخ بمنطقة البحيرات



ومشكورين مقدما

 

[Shinexo]

مانشتسر حلوه كأنها لندن فيها سلفردج في مجمع اسمه تيفورد اتوقع كبير وحلوو , انا رحت مع امي تمينا يومين بس ماشبعنا احس في فندق اسمه ماكدونالد في بيكدلي زين وكبيره غرفه وتستحق الزياره , البحيرات ماعندي فكره عنها بس دوري ع النت بتلقين وايد تقارير عنهاا .. واي ماركة مكياج في هارودز وسلفرج ونيكولس هارفي مضمونه ف نقي الي تبينه والي يعجبج انا ماعندي شي محدد اخذه الا شي معروف ويعجبني وادري انه مابيأثر على بشرتي ,

 

[رتبه دبلوماسيه]

ماعندي خبره حييل بلندن


الاماكن السياحيه

عندج لندن أيز

والمتاحف

 

[Shinexo]

انا اجوف الناس اغلبهاا تروح مانشستر وبرايتون وكاردف , كاردف ترى هم حلووه واهلها طيبين بس كلامهم مش انجليزي يتكلمون ويلزي , اذا تبين العاب روحي ثورب بارك في لندن او التون تاور او تشيزينقتون او العاب بلاكبول .. وبرايتون عالبححر بس ماعندي فكره عنها

 

[امـ خــزامـى]

لبى قلوبكم حبيباتي


ماقصرتوا ياعسولات


وفندق مانشستر ببحث عنه ومشكوره نقلتي لي تجربتك وخصوصا ان غرفه كبيره

 

[دلوعة أبوهآ]

الطيران عندك البريتش حلوو ..
الفنآدق فيه الكمبرلآند + ثيستل ماربل ارتش موقعهم لا يُعلى عليه بوسط الاكسفورد ..