اذا تحبين المكياج
بودي شوب رخص التراب عندهم ودايما عروض قويه لدرجه تصعقج لوول
وماك
واليانتو
وساسا
وذا فيس شوب
وسكن فود موصج هناك شامبو الرمان بالاستروجين حق التساقط عجييييييب بس يجفف الشعر شويه : (
وهم من سكن فود كريم الايد جنه عصار الوان يونس على فراوله ريحته موصج فواحه وفراوله صجيه لذيذه مادري شلون اشرحه ككك
ومادري بعد ناسيه وايد اشياء والله
ايي السوق الليلي اتذكر انا واختي واخوي رحناله والباجي بالفندق ونااااااسه السوق الليلي في فناتق موصج جناط واكسسوارات وجواتي ومكياج بوطقه بس يهبل لوول شدوات طبعا اما ماسكرات بلشرات فاونديشنات اشياء تحسينهم بيسك انحاشي اخاف انا لوول
ولاتنسين اذا شفتي عدسات الانيمي خمطي منهم لما تقولين بس موووصج فضيعه تكبر العين حدها اتذكر جنه جنه اذا ماخاب ضني ماركتها قيو او جيو فضيعه انا اخذت 4 دايموند بلاك تهبل وباربي بلاك وانيمي ايز سوده بوردي لوول كلها سوده وعليها نقطتين ورديين مادري ورديات شلون اقولها لوووول المهم لون وردي ودائره هم مايله ورديه يعني جنها لمعه ورديه عجيبه مادري شلون اخذتها وتيرز قري كلها شفافه محدده وعالبؤبؤ شخطات رمادي يهبلون يهبلوون يهبلووون يخلون عيونج دلع الي يشوفج وده بس يتنح بويهج يقول في شي شحلاته لوول
وبمجمع فهرنهايت88 دبنهامز مال الملابس امبيه عندهم ملابس غير غير عن الي عندنا؟تشكيله تهبل قمصان جينزات كارديغانات جناط شوزات تكرمين لوول خاصه النفانيف القصار شكثر اخذت منهم يعني حق عشا حفله استقبال جذي موووصج يهبلون واتذكر خمطت جاكيت جنه جوليه حق الشتا لي تحت الصدر كلا فرو رمادي بنيود الكل سئلني عنه جنه فرو ثعلب ناعم يونس وكثيف لووول
طبعا هالحجي كله من سنه 2006 الى 2009 اما 2010 مارحت ماليزيا رحنا باريس وهالسنه باذن الله 18\7 ماليزيا اذا الله اراد ان شاءالله واي شوقتيني حدج
وصج ترا فتحوا سيفورا تلقينه برا مجمع ستارهيل يعني خلي ستارهيل بويهج وطالعي يمين او يسار تلقين سيفورا وهم سمعت من خالتي تقول رخيص ويونس حده عاد الماليزيات هناك تمدحهم فريندلي وتشخط بايدج وويهج وتساعدج وتضحك وتسولف معاج موهني تنشب بزلاعيمج تطلع فلس فلس من بوكج لوووول
وشخصيا انصحج بمجمع البافيليون صراحه احسه احلا مجمع كل شي فيه !
سوري قرقت وايد قلت قصه حياتي لوول
