مسافرات العيد وبعد العيد لاوربا تعالو شنو تجهيزكم ؟

[mi corazon]

اخت خالتهم اي انتي قبلي تروحين وترجعين بالسلامه

قصدي شيطونه ... مادري من قريت تدودهت وريلي يقول لا زهبي قبل السفر وماكو طلعه من بيت امج لين يثبت حملج

اف احس نفسي عاجزه

 

[اخت خالتهم]

عادي انا من حملت ما طلعت الا مرتين والا الباجي بس زوارة بيت اهلي


ترا حتى اناحامل لوول توني داشه الثالث و خايفه من السفر بس اتغاظا

 

[اخت خالتهم]

حلوة اتغاظا هههه

 

[mi corazon]

هههههه اهم شي تتغاظين

حبيبتي ماعليج شر ان شالله

بس صج يعني مته اطلع؟ شكلي بتطوفني وايد اشياء بالدنيا


انزيت ويت .. متى تروحين تتقضين للعيد؟ وللسفر ؟

 

[اخت خالتهم]

إنااإ هالعيد أول يوم شاليه

فبدلتي بسيطه بحررر وشاليه وخوالي وخالاتي كلهم أهناك

و بس ثاني يوم سفر

شريتلي جم بذله وساع يمكن 4
و من ميونخ بأخذلي 2 كاافي

بس بروح النقرة أمي تقول عندهم قمصان تصلح لتألي الليل طلعات القهاوي
ولا اني أوضخ البدل السنعه اللي البسهم الصبح

 

[اخت خالتهم]

سوري بدليات داشه من الفووون

 

[mi corazon]

لا زين تسوين دام جذي

اي صح خواتي كله يقولون روحي النقره عندهم خوش شغلات حتى حق نفاسي بس مادري شسالفة الكسل

حته سوق السالميه .. هالمكان اول مره اروحله الشهر اللي طاف صج صج اكتشفت فيه اشياء روعه عند المحلات الهنود والسوريين بجامات قصيره وقمصان ولقيت بنطرون الوسيع المنقش يايبته من توب شوب لقيت نفسه هناك *ـ*

ودي اروح بس للاسف ماقدر امشي وايد واهو شكله يبيله مشي وفراره بعدي بكتشفه

انا ريلي يقول لي يبي كله سبورت وجينزات .. عاد اهوا دم ضروسه الجينز بينهم عداوه .. الحين يقول يبي قتله الحين حلال صار؟ ماني يايبه ولا بييب تريننقات

بييب كله اشياء وسيعه ما تضك البطن

اي والله

 

[اخت خالتهم]

هههههه لا احنا العكس السنة الي طافت عادي عنده


بس هالسنه لازم كله وسيع


مابين بعينهم والله

 

[اخت خالتهم]

ايييي يقولي ابيج خيمه تمشي ههههههههه

 

[mi corazon]

تصدقين عاد اريح

انا مادري شفيني من تزوجت كله قمت البس وسيع ومالي خلق اسوق سيارتي ... اهو مو عاجبه الوضع لول الظاهر كان وده انه اهو يجبرني ع هالشي مو انا من روحي اسويها هههه ريايل

لا اهو عادي بس الحمل مأذيني لأن صج ما اتحمل شي على بطني

 

[اخت خالتهم]

حاسه فيج الله يعينا ويهنينا

 

[mi corazon]

امين يارب


اين البقيه وينكم تقرقعرن؟؟؟

الحمد لله اول جيله للسفر يبت جلي وبسكوت .. شكله بيحزر من اهني لي السفر :eh_s(9)::eh_s(9):

 

[اخت خالتهم]

انا ماكو. كنت فااااااقده

 

[بخـــارى]

الله يعيينكم يالحوامل

صج كنت لاهيه بالقرقيعان

شريت للسفر ملح وزيت هههههههههههههههههههههههههه

بنطر الايام الي افطر فيها اجهز الباجي للسفر واروح بالنهار ان شاءالله

 

[بخـــارى]

انا تجهيزي شوي اصعب بسبب وجود عيالي هالمره معاي بالسفره
بنتي ماتاكل اي شي وولدي ماشاءالله مراهق بسرعه اييوع

فبودي نولدز وشيكن فرايز ونجتس وكورن فليكس وبطاط برينقلز وبهاران وعيش وحدر ضغط ووايد اشياء

 

[ضماي هو وهناي]

اللي رايحه لندن بالعيد او بعده
جو لندن حار بس اكيد اكيد مو مثل حرارتنا
ما يحتاج تاخذين شتوي اخذي اقطان واليهال بعد اقطان بكموم طويله خاصه بعد العصر واصلا لندن مافي مكان تروحين له بالليل اذا معاج يهال نصيحه بس تغيب الشمس قعدي بشقتج وايد اهدا واحفظ لليهال ... وامان ماشالله مافي الا العافيه بس عشان السكارا قطيعه والناس المتشرده ....
رحت مع اخوي نتمشى لقصر باكنجهام والله الجو روعه مع انه كان بااارد بس وايد وناسه وكان اخوي كل ماشاف تجمع سحبني من ايدي وغير معاي الطريج .....
حلوه لندن وبكل الاوقات حلوه لوتتمشين بروحج روووعه ماتضيعين اذا تعرفين انجليزي ... واذا لا عادي اهم شي كتبي عنوانج بورقه عشان التكسي اذا بغيتي تكسي عيب لندن غااااااااااااااااااااااااااااااااليه
ملاحظه اخذي شمسيه صيفيه يعني لونها فاتح وخفيفه تحتاجينها بالامطار اللي ماتوقف لا اله الا الله بس مافيها اي بركه سبحان الله وجاكيت عادي خفيف حرصي على ان جنطتج تكون وزنها خفيف واي جنطه تزيدينها ياخذون عليج فلوس مو بس للوزن عما بعيونهم

 

[نيوفه]

أنا مسافره ثاني العيد ان شاء الله بس مادري وين ?
مزهبه جوتي رياضه و ترنقات و فلات بس هذا الي شريته ?
مادي متى بخلص شغلي ?

 

[اخت خالتهم]

نيوفه ههههه شلون ماتدرين ما يصير

 

[اخت خالتهم]

ضماي
بنت خالتي توه قبل رمضان راده من لندن تقول بررررد وكللله مطر !!!!!

انتي متى رايحه

 

[هدوء العالم]

تسلمين أختي اخت خالتهم على الموضوع الحلو

والله يتمم علينا سفرتنا جميعا ونستاااانس أحنا ومن معانا

سفرتنا إن شاءالله 23\8
على الإماراتية
سالزبورغ فندق رامادا
زيلامسي فندق سي فيلا
ميونيخ فندق ميرديان
باريس فندق كونكورد لافاييت

ــــــــــــــــــــــــــ

لحد الحين ماجهزت ويا أهلي جناطنا

إن شاءالله اليوم نروح للأفنيوز ولا غيره ونشتري

عن نفسي بس جهزت 3 بناطيل الوسيعة قصة سيدا من دبنهامز + جاكيت لون محايد ولوني المفضل رمادي علشان يمشي مع بدلاتي من ريفر أيلاند + قميصين طوال من ويل + باقي وااااااااايد وااااااااااايد شغلات

وكل يوم امي الغالية تحاااايلني خل نروح السوق بس اليوم إن شاءالله

وبنجهز صيفي بس مع جاكيت واحد ثقيل لقمة كابرون + قفازات + جاكيت خفيف لو جتء برد بسيط + بجامة الكاملة للثلج الداخلية وهذي بكثر منها لأمي الله يخليها لنا أتوقع ماراح تتحمل البرد

وبحط مع كل جنطة لأهلي لحاف خفيف أسترج من إيكيا للسفر سعره ما تتخيلون دينار إلا ربع + شرشف وكيس مخدة ( هذي لزوووم راحتي وراحتي من راحت أهلي ) ولا تاخذ حيز من الجنطة حتى لو فندق 5 نجوم وسفرتي السابقة أسطنبول فندق جراند حياة 5 نجوم واخذت معاي
+
كواية بخار ( شريتها من أرض المعارض في 8 دنانير )
+
ملف كبير مثل أكياس الرفاعي وأحط فيها عدت الحمام وأنتم بكرامة فرشاة الأسنان + والمعجون والصابون والشامبو وغيرها )
+
كيس ينحط على المرحاض وأنتم بكرامة
+
مناديل ديتول ضرورية حول 10 أخذ ( أستهلكها حيل وأحط بجنطتي وحدة وجنطة أمي وأختي نفس الشئ )
+
جنطة مكياج
+
أهم شئ ونبتعد عن الكشخة جوتي رياضة وأنتم بكرامة طبي + صنادل للبحر + خفوف داخل الغرف
+



عدتي الألكترونية حبيباتي

1. كاميرتي كانون والعدسات واليوم إن شاءالله يطلب لي أخوي عدسة جديدة
2. اللابتوب بس خاص للصور + هارديسك سعته 500 جيجا بايت 2
3. مومري للكاميرا كم واحد جديد + إلي عندي بعد وأفضل سعته 8 جيجا
4. أفياش علشان شحن الكاميرا واللابتوب و الموبايلات

هذي إلي عندي اليوم
والسموحة على التأخير لأنه كل ماكتبت أنمسح الرد