مسافرات العيد وبعد العيد لاوربا تعالو شنو تجهيزكم ؟

[حبيبه ببي]

صج عيل بشتري ماخد بس راح ارجع لاتحاتون حق رمضان بس وارد امريكاا اي انابشتري خيشه عيشه كبيره تكفي باشركه تشحن لي الاغراض بس ماعرف ايشركه تشحن لي اناخذيت لي جاي لبيتون اكبر علبه لانه سمعت الجاي عندهم موشي والادويه خذيت حبووب مص وحنجره وبندول واينو وفكس وبلاستر مع ملحقاته حلوو من مركز سلطان وفيتامن سي والياهل مايطالعون عربي كله انجليزي فابشتري لهم من الرحاب اشرطه اصليه مالت ديزني لاند

 

[بخـــارى]

امريكا كل شي فيها

 

[مشتطـه]

حبيبه ياعمري عمرج دستي عالجرح

انا بهاجر امريكا بس مو الحين شهر 1 ان شاءالله

زوجي بيدرس وبنطووول هناك حيل
عسى الله يوفقه

 

[مشتطـه]

انا ان شاءالله بّاذن الله

بروح لندن تاريخ 19-8
عالاماراتية اخذنا التذكرة ب 315
قبل شهر ونص

ممممم

ماسويت ولا شي مع ان باقي 8 ايام ان شاءالله

وماراح اسوي شي الا يوم الخميس قبل السفره ب 3 ايام

مادري احس انتووو مشتطين حيل بجرتو


وبالنسبة للحوامل
السنة اللي فاتت كنت حامل لي 3 شهور ونص
ما استانست حيل
اول شي لاني حامل واخاف حيل على نفسي
ثاني شي لان فيني وحام خفيف على زوجي

 

[مشتطـه]

الملابس ب ساعه اخلصهم
اغراض الجمعية دقيقة يوقف لي
اخذ معقم الايد السااائل امبي حده مفيييييييييييييد
واخذ معجون وفرشتين وشامبو

عندي جوتيين طبيين اموت عليهم راااحه تااامه الصراحه
باخذهم
ولندن مادري عن جوها باخذ اغلب ملابسي صيفي وشوي شتوي


سفرتي 10 ايام ان شاءالله

ممم وبس

يارب

يارب

يارب

كلنا نروح ونرجع بالسلاااااااااااامـة

 

[اخت خالتهم]

مشتطة اذا رحتي لا تاقطعييييين


واي عاد انا متنسية شوي على ريلي
لا تقوولين عاد السفره من شهر ٤ حاجزين ومخلصين وسبحان الله ماكنت مفكره بالحمل

انا شاريه جوتي من النمسا رياضيي مريح حيييييييل مادري شنو ماركته
شفت بالكويت نفس شكله عند نايك بس غير مو مثل اللبس وثقيل


قلت باخذة اهو وبس

وانا عن نفسي مشتطه لان يوم في بيتي وعشرة عند اهلي هههه يعني برد شقتي الثلاثا بزهب كل جنطتي والخميس ارد عند اهلي لي السبت بليل ان شاءالله
عقب ارد شقتي انام اقعد البس واروح باذن الله المطار

 

[أمل المنصوري]

اي تاريخ سفرتج

سفرتي اول يوم العيد في الليل ان شاء الله

 

[bent-alqsoor]

حبايبي الله يتمم عليكم سفرتكم وتستانسون أنا انشأ لله اول يوم العيد سفرتي
نصيحه لاتكودون أغراض وايد حتي فوط لاتاخذون الفنادق فيها فوط
ولاتكودون ملابس عشان الوزن والي عنده طيران داخلي بيتوهق اكثر بالوزن
هالنقطه لاتهملونها


وبالنسبه للرحلات الطويله
شفت اخر مره يوم أودي خدامتي المطار محل الي يبيع حلويات كويتيه عاد طرا علي بأخذ لي قرص عقيلي اكله مع الشاي هههه

اهــــــــــــــم شــــي الفووووطه اول شي احطها بالجنطه
ماا احب استخدم مالت الفندق قبلي مستخدمهااا ووايد :bbbiu:

 

[أمل المنصوري]

السلام اختي بس بغيت افيدج بمعلومه:eh_s(7):
العام انا عيد الفطر كنت بفيينا بس على حظي كان بررررد فوق التريننق لبست جاكيت
وحتى عيالي
جوهم متقلب بس قلت ابلغج تحسبين حسابج الله اعلم هالسنه شنو بيكون الجو بس انا العام مالبستهم صيفي طول السفره كل ربيعي وجاكيت احتياط

أمل حبيبتي
لا تحاتين ان شاءالله يمدي واللي اعرفه فيينا دافية ما يحتاج شتوي زين سويتي خذيتي صيفي



كورازون
ليش ممنوعه من الكافيين انا حامل بعد بس ما اشرب صرت الا من وين لي وين نسكفيه
بس السفر على هالاجواء ما استغني
لا وماخذه حليب كرنيشن بعد وجاي بسوي جاي حليب ههههههههههههه

فديتكم ما تقصرون
أخت خالتهم اي اللي اعرفه ان فينا حاره


كويتية ذربة حطيت لهم جاكيت خفيف
اصلا من زمان ما سافرت في الصيف كلة في الشتا فاتوقع عادي عندهم البرد ش

 

[ريماR]

تروحون وتردون بسلامه

 

[bent-alqsoor]

مشكـــــــــورين بنــــــــات على اللي ردوا علي

 

[أمل المنصوري]

مستحيل استخدم فوط الفندق حتى لو هو عشر نجوم مؤ خمس

كم واحد مستخدمها

 

[الـزيـــــن]

mi corazon

تسلممممين يآآقلبي
شوفي إذآآ محتاسه وتفكرين
إبدي جهزي عالخفيف من الحين ,
يعني الشغلات الضرورريه إللي تبينها من السوق ..
وأغرآض الجمعيه والصيدليه خليها اخر شي
مآدري اشوف مبجر ورآنآ صلاة جيآم وحوسة العيد بعدين سهآلآت إن شالله

 

[اخت خالتهم]

انا فوط الفندق احطهم بارض الحمام تحت المغسله لان ماكو بالووعه

 

[هدوء العالم]

انا فوط الفندق احطهم بارض الحمام تحت المغسله لان ماكو بالووعه

نفس الطريقة لأنهم بدون بالوعة :eh_s(10):
فالماي يتنقع
ويحطون فوط بجميع القياسات ونفس اللون شدراني شنظفها
أحط فوط لنا كل واحد بجنطته ولا تاخذ حيز

 

[حبيبه ببي]

اناعادي استخدم فوطهم الفندق دام معقمه

 

[بخـــارى]

مشتطه وامل المنصوري

اشوفكم في المطار ان شاالله

 

[بخـــارى]

بالنسبه للفوط انا ماخذه الي يبيعونهم بالمعارض الخفاف اخذت منهم

وشريت امس جياس ضغط من ترفاليو مقاي 60 اب 80 قياسهم زين للجنطه الباجي حيل كبار

هاليومين بشتريلي جم قميص حقي من النقره

 

[اخت خالتهم]

نفس الطريقة لأنهم بدون بالوعة :eh_s(10):
فالماي يتنقع
ويحطون فوط بجميع القياسات ونفس اللون شدراني شنظفها
أحط فوط لنا كل واحد بجنطته ولا تاخذ حيز

صاجه :rerrerek:

 

[أمل المنصوري]

مشتطه وامل المنصوري

اشوفكم في المطار ان شاالله

ان شاء الله .. على اي طيران انتوا حاجزين

بخارى ومشتطه


وبالنسبة للفوط انا نفسكم افرشها بارضية الحمام لان اليهال بسم الله عليهم يسون الحمام برجة

باقي عن السفرة 7 ايام :eh_s(15):