مسافرات العيد وبعد العيد لاوربا تعالو شنو تجهيزكم ؟

[mi corazon]

هيللو كيتي صج برد عاد انا ماخذه جاكيت واحد


عيل بروح اييب غيره

ريلي حنيت عليه بسالفة السياره لين وافق بس قال بنستأجرها من المطار مو من اهني


والجارمن بعده ما برمجه الريال يقول له ابرمجه لك ب ٩٠ دينار .. شدعوه عاد هالمبلغ ؟؟؟؟؟


حبيبة ببي دربالج بالسفر ولا تشيلين ثقيل .. والحجي لاخت خالتهم بعد

 

[اخت خالتهم]

كورازون لا صدقيني السيارة اونس خاصه لنا الحوامل

وزين سعررره القارمن انا ريلي اه يعرف يبرمج من ربعه ماشاءالله شلون يعرفون مادري

 

[حبيت طيفه]

هلا بخاري اخذته من فرعهم اللي بالمطار علي 28 وفي اشكال وايد

 

[مشتطـه]

السلاااااااااام عليكم

اخت خالتهم زين سويتي

انا ماراح اخذ راحتي بالسوق
بس الحمدلله حاسه ان فلوسي بتكفيني 800 دينار بدون ماركات
بس الاوت لت يمكن اخذ شغلات بسيطة
انا 8 ايام بلندن ولا تحسبون يوم الرده اللي اهو التاسع


الحمدلله
العطر ما احب فوق ال40 استحرمه احسه وايد غالي سوالف بو 80 و 70 دينار اقصاه عطر

حاسبه حسابي عطرين حلوين وكشخه بس
مايتعدى الواحد 40 دينار
ممممممممممممم

اي وحزم وفلاتات الماركة سمعت ان الاوت لت رخيص وجذي

 

[مشتطـه]

اليوم زهبت ملابسييييي واي شعور يونص
باقي 5 ايام ان شاءالله

 

[حبيت طيفه]

الله يسهلها عليج وعلي الكل احلي شعور لما تروحين المطار وناسه

 

[اخت خالتهم]

مشتطة انا ما احب السوق كلش ولا الفراره ههههه قلت جنطه ماركة لاني اكررررف جناطي ومجربة الجامعة
الجنطة تنهري فاهمتني
فبقط على جنطة وهدية حق امي وخالتي و ابوي
وان بقى شي شريت خرابيط و تذكار هالسوالف



و صج ترتيب الجنطة يوونس والاحلى لما تفكرين تقولين شنو ناقصني والاحلى
لما توقفين عند باب المطار وحرررررررررر و لما تطلعين من المطار الثاني الا البراد
يصكج كف على ويهج هههههههههههههه انا احب هاللحظة

 

[bent-alqsoor]

هيللو كيتي ..
زلمســي بااارده وااايد والا براد خفيف
لاني اغلب شي ماخذه صيفي . ورحتي الكااابرون ؟ في ثلج وايد والا رايح نصه

 

[bent-alqsoor]

هيلوو ماي الحنفيه عندهم مووووطبيعي احنا اللي علمنا واحد يقول
مستغرب ليش الخليجين يشترون الماي
افضل مياه العالم اصلا يسمونها بلد المياه
طعمه موووصج ...

اتصدقين أمي كانت تشرب من ماي الحنفيه لما كنا بسلوفاكيا والنمسا وانا اقولهااا لاااااااااااا الماااي مو نظيف وتقولي امبلااا مايهم نظيف واحسن من اللي بالجمعيه لووووووووووووووووووووول :krkrkr:وطلعت السالفه صج ان مااي الحنفيه احلا

 

[Daisy flower]

السلام عليكم ..

شلونكم بنات ؟

الله يتمم علي وعليكم السفرة ..

انا ان شاء اللة ماشيه ثالث يوم العيد لهانوفر في المانيا ..

جهزت أكثر شي شتوي لان شمال المانيا وايد برد .. بنقعد 9 ايام باذن الله ..

انا وقفت مشترروات من الكويت على اساس اخذلي كل شي من هناك حنى الميك اب..

صكرت جنطتي بس باجيلي شغلات الجمعية معقمات وكلينكسات مبلله وجاي حليب ماستغنى عنه ..

خذيتلي قمصان وجينزات وتريننغات وخذيت بوت وفلاتين علشان اكون مرتاحه بالمشي خصوصا بالسفر احب امشي وايد .

انا حاطه ميزانيتي 700 دينار يكفي .. بس حق مشترواتي والهدايا !!

 

[اخت خالتهم]

يكفي حبيبتي وراهيه فلوسج لا تحاتين والله يهنيكم ياااااارب

 

[mi corazon]

أخت خالتهم صج عاد زين ٩٠؟

أنا زفيته قتله كلها برمجه يعني ليش هالكثر؟ عيل الجارمن بجم؟

 

[Daisy flower]

اخت خالتهم الله يسلمج حبيبتي

 

[Daisy flower]

بنات راح تاخذون سيارة هناك ؟؟

انا ساكنه بنص السوق احس حرام أأجر سيارة وانا يوم كامل او يومين ماراح احركها !! شرايكم ؟ والفندق ياخذون 25 يورو بس عشان مسفط السيارة باليوم ..

 

[اخت خالتهم]

وي 90 عبالي 9

ههههه ريلي يقول رفيجة شاري يديد ٢٠١٢ ب70

قولي حق ريلج عنه

 

[قلبي كويتي 22]

ي حلووو السفًر وطاريه
ان شاء الله بسافر انا وزوجي ورا العيد لان العيد كله زحمممه ووعدني زوجي نحجز ورا العيد سيده يعني بداية تسعه جذي مسافرين ان شاء الله
اوروبا غييير. ولي ذكريات فيها احبهااا
ودي اروح فرنسا وزلمسي وميونخ شرايكم بالمتاطق حلوين ولا اغير لان بنحضر دزني فرنسا
الشوبنق عاملة حسابي 500 ان شاء الله بتكفي
ولا تشيلون هم المصروف ب الاعتدال بتكفي وتزيد فلوسكم اسالو مجرب ونصيحه التسوق خلوه اخر شيء عشان ع الراحه وماتشيلون هم مصروف وماتدرون شنو ممكن يصير بالسقرة ظروف ولاشيء ربكم الحافظ


بنات فرانكفورت ل فرنسا بعيد ولا قريب !

 

[اخت خالتهم]

فرنسا مارحت لها بس يقولون مو حلوة اكثر من ٣ ليالي
ميونخ انا جذبتها ليلتين وهالسنه زدنا
زلمسي خاصه اذا معاج سياره حيييييل حلوه

 

[أمل المنصوري]

هلا ..
انا رحت باريس .. ما عجبتني كلش كلش .. قعدت فيها 3 ايام
وعقب رحنا ديزني سكنا بفندق ديزني لاند .. قعدنا 5 ايام

وعقب رجعنا باريس عشان نروح لندن بالقطار

المرة الياية ان شاء الله .. بروح من لندن حق ديزني دايرت يفتحون المحطة بالصيف بس

 

[أمل المنصوري]

شخباركم

انا بزلامسي الحين والجو برررااد ..
اخذو كم بلوفرات ثقيله معاكم..

اخذو سناكس و بطول ماي..
لان اغلب الماي المتوفر فيه غاز ..

..*

صج .. عاد كلش ما حطيت ثقيل حق عيالي
بحط لهم جاكيت ثقيل واحد
توني اشوف درجات الحرارة من الايفون
زلمسي 9
فيننا 14
ميونخ 9
لندن 15
فرانكفورت 15
باريس 18

الوقت 6:33 صباحا
:eh_s(10): شاودي وشا اخلي

تعبت نفسيا

 

[هيللو كيتي]

هااي

لا حبايبي اخذوا ثقيل كم قطعه زيادة لان برد وكل يوم تبرد زيادة
الحين الساعه 1 الظهر انا لابسه بلوزة كم طويل وفوقها بلوفر..

و زلامسي انا بنظري ماتحتاج سيارة وسعز الباركينغ 7 يورو بالليله..
فيها محلات بس موو ذاك الزود
بس تشريت من بينتون لبنتي ومحل ثاني سبور اخذ ريلي له ولولدي..